Laxmi News 24×7
ಕೋಝಿಕ್ಕೋಡ್: ಕೇರಳ ಸರ್ಕಾರಿ ಬಸ್ ನಲ್ಲಿ ರಾತ್ರಿ ಪ್ರಯಾಣದ ವೇಳೆ ಶಿಕ್ಷಕಿಯೊಬ್ಬರ ಮೇಲೆ ಸಹ ಪ್ರಯಾಣಿಕನೊಬ್ಬ ಲೈಂಗಿಕ ಕಿರುಕುಳ ನೀಡಿದ ಘಟನೆ ಇದೀಗ ಸಂಚಲನ ಮೂಡಿಸಿದೆ.
ಕೋಝಿಕ್ಕೋಡ್ ಗೆ ಕೆಎಸ್ ಆರ್ ಟಿಸಿ ಬಸ್ ನಲ್ಲಿ ಸಂಚರಿಸುತ್ತಿದ್ದ ಅಧ್ಯಾಪಿಕೆ ಮೇಲೆ ಹಿಂದೆ ಕುಳಿತಿದ್ದ ಸಹ ಪ್ರಯಾಣಿಕ ಅಸಭ್ಯವಾಗಿ ಸ್ಪರ್ಶಿಸಿ ಲೈಂಗಿಕ ಕಿರುಕುಳ ನೀಡಿದ್ದ. ಇದನ್ನು ಶಿಕ್ಷಕಿ ಪ್ರಶ್ನಿಸಿದಾಗ ಆತ ಕ್ಷಮೆ ಕೇಳುವವನಂತೆ ನಾಟಕವಾಡಿದ್ದ. ಈ ಬಗ್ಗೆ ಶಿಕ್ಷಕಿ ಮತ್ತು ಕಾಮುಕನ ನಡುವೆ ಬಸ್ ನಲ್ಲಿ ಜೋರಾಗಿ ವಾಗ್ವಾದ ನಡೆದಿತ್ತು.
ವಿಪರ್ಯಾಸವೆಂದರೆ ಶಿಕ್ಷಕಿ ಈ ಬಗ್ಗೆ ಬಸ್ ಡ್ರೈವರ್, ಕಂಡಕ್ಟರ್ ಗೆ ದೂರು ನೀಡಿದರೂ ಅವರು ಸ್ಪಂದಿಸಿರಲಿಲ್ಲ. ಸಹ ಪ್ರಯಾಣಿಕರಿಗೆ ಹೇಳಿದಾಗಲೂ ಅವರು ಸಿನಿಮಾ ರೀತಿ ಈ ದೃಶ್ಯಗಳನ್ನು ನೋಡುತ್ತಿದ್ದರೇ ವಿನಹ ಸ್ಪಂದಿಸಿರಲಿಲ್ಲ.
