ಬೆಳಗಾವಿ ಸುವರ್ಣ‌ ಸೌಧದ 11 ಲಕ್ಷ ಕರೆಂಟ್ ಬಿಲ್ ಬಾಕಿ

ಬೆಳಗಾವಿ: ಚಳಿಗಾಲ ಅಧಿವೇಶನಕ್ಕೆ ಮುಹೂರ್ತ ಫಿಕ್ಸ್ ಆದ ಬೆನ್ನಲ್ಲೇ ಸುವರ್ಣ ಸೌಧಕ್ಕೆ  ಕರೆಂಟ್ ಶಾಕ್ ಭೀತಿ ಎದುರಾಗಿದೆ. 3 ತಿಂಗಳಿಂದ ಹೆಸ್ಕಾಂಗೆ ಸುವರ್ಣಸೌಧದ 11 ಲಕ್ಷ ಕರೆಂಟ್ ಬಿಲ್ ಪಾವತಿಯಾಗಿಲ್ಲ.

ಕರೆಂಟ್ ಬಿಲ್ ಪಾವತಿಸುವಂತೆ ಹೆಸ್ಕಾಂ ಅಧಿಕಾರಿಗಳು ಮೌಖಿಕ ಸೂಚನೆ ನೀಡಿದ್ದಾರೆ. ಬಿಲ್ ಪಾವತಿಸದಿದ್ದರೆ ಕರೆಂಟ್ ಕಟ್ ಮಾಡುವುದಾಗಿ ಹೆಸ್ಕಾಂ ಎಚ್ಚರಿಕೆ ನೀಡಿದೆ. ಸುವರ್ಣ ಸೌಧ ನಿರ್ವಹಣೆ ಹೊಣೆ ಇರೋದು ಲೋಕೋಪಯೋಗಿ ಇಲಾಖೆಗೆ. ಸರ್ಕಾರದ ವಿಶೇಷ ಅನುದಾನ ನಿಯಮಿತವಾಗಿ ಸೌಧದ ನಿರ್ವಹಣೆಗೆ ಬಿಡುಗಡೆ ಆಗ್ತಿಲ್ಲ.

ಪ್ರತಿ ವರ್ಷ ಸೌಧದ ನಿರ್ವಹಣೆಗೆ 2.20 ಕೋಟಿ ಲಕ್ಷ ಹಣ ಬೇಕು. ಈ ವರ್ಷ ಪ್ರಸ್ತಾವನೆ ಸಲ್ಲಿಸಿದರೂ ಆರ್ಥಿಕ ಇಲಾಖೆ ಅನುಮೋದನೆ ಸಿಕ್ಕಿಲ್ಲ. ಲೋಕೋಪಯೋಗಿ ಇಲಾಖೆಯಿಂದ 2.20 ಕೋಟಿ ಪ್ರಸ್ತಾವನೆ ಸಲ್ಲಿಕೆಯಾಗಿದೆ.

ಚಳಿಗಾಲ ಅಧಿವೇಶನಕ್ಕೆ ದಿನಗಣನೇ ಶುರುವಾಗಿದ್ದರೂ ನಿರ್ವಹಣೆ ಅನುದಾನ ಬಿಡುಗಡೆ ಆಗಿಲ್ಲ. ಉತ್ತರದ ಶಕ್ತಿ ಸೌಧದ ಬಗ್ಗೆ ಸರ್ಕಾರದ ನಿರ್ಲಕ್ಷ್ಯಕ್ಕೆ ಬೆಳಗಾವಿ ಜನರ ಆಕ್ರೋಶ ಹೊರಹಾಕಿದ್ದಾರೆ.