ಮಹಿಳೆಯರ ಟಿ-20 ಲೀಗ್ ಆರಂಭ

ಶಾರ್ಜಾ, ನ. 3- ಐಪಿಎಲ್ 13ರ ಲೀಗ್ ಹಂತದ ಪಂದ್ಯಗಳು ಇಂದು ಮುಗಿಯುತ್ತಿದ್ದು ನಾಳೆಯಿಂದ ಮಹಿಳೆಯರ ಟಿ-20 ಲೀಗ್ ಆರಂಭಗೊಳ್ಳಲಿದೆ. ನಾಳೆ ನಡೆಯಲಿರುವ ಮೊದಲ ಪಂದ್ಯದಲ್ಲಿ ಹರ್ಮಿತ್‍ಕೌರ್ ನಾಯಕತ್ವದ ಸ್ನೋವಾ ಹಾಗೂ ಮಿಥಾಲಿರಾಜ್ ಸಾರಥ್ಯದ ವೆಲಾಕೋ ತಂಡಗಳ ವಿರುದ್ಧ ಸೆಣಸಾಟ ನಡೆಯಲಿದೆ.

ನವೆಂಬರ್ 5 ರಂದು ಸ್ಮೃತಿ ಮಂದನಾ ಮುಂದಾಳತ್ವ ವಹಿಸಿರುವ ತೆಬ್‍ಜೇರ್ ಹಾಗೂ ಮಿಥಾಲಿರಾಜ್ ನಾಯಕತ್ವದ ವೆಲಾಕೋ ತಂಡಗಳ ನಡುವೆ ಕದನ ನಡೆಯಲಿದೆ. ನವೆಂಬರ್ 6 ರಂದು ಹರ್ಮಿತ್‍ಕೌರ್ ನಾಯಕತ್ವದ ಸ್ನೋವಾ ಹಾಗೂ ಮಂದನಾಳ ಮುನ್ನಡೆಸುತ್ತಿರುವ ತೆಬ್‍ಜೇರ್ ತಂಡಗಳ ನಡುವೆ ಮಾರಾಮಾರಿ ನಡೆಯಲಿದೆ.

ನವೆಂಬರ್ 9 ರಂದು ವಿಜೇತ ತಂಡಗಳ ನಡುವೆ ಪೈಪೋಟಿ ನಡೆಯಲಿದ್ದು ಮಹಿಳಾ ಟಿ-20 ಲೀಗ್‍ನ ಚಾಂಪಿಯನ್ಸ್ ಯಾರಾಗುತ್ತಾರೆ ಎಂಬ ಕುತೂಹಲಕ್ಕೆ ತೆರೆ ಬೀಳಲಿದೆ.