ಮದುವೆ ಆದ 10 ತಿಂಗಳ ನಂತರ ಪತ್ನಿಗೆ ತಾನು ಮದುವೆ ಆಗಿದ್ದು ಅವನಲ್ಲ, ಅವಳು ಎಂಬ ವಿಷಯ ತಿಳಿದು ಶಾಕ್ ಆಗಿರುವ ಘಟನೆ ಇಂಡೊನೇಷ್ಯಾದಲ್ಲಿ ನಡೆದಿದೆ.
ಮಹಿಳೆಗೆ ಡೇಟಿಂಗ್ ಆಪ್ ನಲ್ಲಿ ಪರಿಚಯವಾದ ವ್ಯಕ್ತಿ ಒಬ್ಬ ಸರ್ಜನ್ ಆಗಿದ್ದು, ಉದ್ಯಮಿ ಕೂಡ ಆಗಿದ್ದ.
ಪರಸ್ಪರ ಪರಿಚಯ ಆದ ನಂತರ ಇಬ್ಬರೂ ಗುಟ್ಟಾಗಿ ಮದುವೆ ಆದರು. ಈ ವೇಳೆ ಗಂಡ ಕುಟುಂಬದಿಂದ ದೂರ ಹೋಗುವುದಾಗಿ ತಿಳಿಸಿದ್ದ.
ದಂಪತಿ ದಕ್ಷಿಣ ಸುಮರ್ತಾಗೆ ವಲಸೆ ಹೋದರು. ಅಲ್ಲಿ ತಂಗಿದ್ದ ಕೆಲವು ದಿನಗಳ ನಂತರ ಪತಿರಾಯ ಹಣಕ್ಕಾಗಿ ಹಿಂಸೆ ನೀಡಲು ಆರಂಭಿಸಿದ. ಮನೆಯಿಂದ 15 ಲಕ್ಷ ತರುವಂತೆ ಒತ್ತಡ ಹೇರಿದ. ಅಲ್ಲದೇ ಮದುವೆ ಆಗಿರುವುದಕ್ಕೆ ನೋಂದಣಿ ಕೂಡ ಮಾಡಿಸಿರಲಿಲ್ಲ.
ಮಹಿಳೆ ಹೆತ್ತವರ ಬಳಿ ಕಷ್ಟ ಹೇಳಿಕೊಂಡಿದ್ದು, ಪೊಲೀಸರಿಗೆ ಕುಟುಂಬದವರು ದೂರು ನೀಡಿದ ನಂತರ ಗೊತ್ತಾಗಿದ್ದು, ತಾನು ಮದುವೆ ಆಗಿದ್ದು ಪುರುಷನನ್ನು ಅಲ್ಲ, ಮಹಿಳೆ ಎಂದು.