Breaking News

ಸಿಎಂ ಡಿಕೆಶಿ ಮುಂದೆಯೇ `ಕೈ’ ಕಾರ್ಯಕರ್ತರ ಮೇಲೆ ಬಿಜೆಪಿ ಶಾಸಕಿ ಫುಲ್ ಗರಂ

Spread the love

ಬೆಂಗಳೂರು: ಸಿಎಂ ಡಿಕೆಶಿ ಮುಂದೆಯೇ ಕಾಂಗ್ರೆಸ್  ಕಾರ್ಯಕರ್ತರ ಮೇಲೆ ಬಿಜೆಪಿ  ಶಾಸಕಿ ಫುಲ್ ಗರಂ ಆಗಿ ತರಾಟೆಗೆ ತೆಗೆದುಕೊಂಡ ಘಟನೆ ಮಹಾದೇವಪುರ ಕ್ಷೇತ್ರದಲ್ಲಿ ನಡೆದಿದೆ.

ಮಹಾದೇವಪುರದ ಗುಂಜೂರಿನಲ್ಲಿಂದು ಸಂಜೆ ನಡೆದ ಜಿಬಿಎ ಕಾಮಗಾರಿಗಳ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ತಮ್ಮ ಭಾಷಣಕ್ಕೆ ಆಕ್ಷೇಪಿಸಿ ಅಡ್ಡಿಪಡಿಸಲೆತ್ನಿಸಿದ ಕಾಂಗ್ರೆಸ್ ಕಾರ್ಯಕರ್ತರಿಗೆ ಸಿಎಂ ಎದುರೇ ಬಿಜೆಪಿ ಶಾಸಕಿ ಮಂಜುಳಾ ಲಿಂಬಾವಳಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಕಾರ್ಯಕ್ರಮದಲ್ಲಿ ಭಾಷಣ ಮಾಡುವಾಗ, ಕ್ಷೇತ್ರದಲ್ಲಿ ತಾವು ಮಾಡಿರುವ ಕೆಲಸಗಳ ಬಗ್ಗೆ ಶಾಸಕಿ ಮಂಜುಳಾ ಲಿಂಬಾವಳಿ ವಿವರಣೆ ಕೊಡ್ತಿದ್ದರು. ಈ ವೇಳೆ ಕಾರ್ಯಕ್ರಮದಲ್ಲಿ ಕೂತಿದ್ದ ಕಾರ್ಯಕರ್ತರು ಆಕ್ಷೇಪ ವ್ಯಕ್ತಪಡಿಸಿ ಗದ್ದಲ ಎಬ್ಬಿಸಿದರು. ಇದರಿಂದ ಸಿಟ್ಟಾದ ಶಾಸಕಿ ಮಂಜುಳಾ ಲಿಂಬಾವಳಿ, ಕಾಂಗ್ರೆಸ್ ಕಾರ್ಯಕರ್ತರು ನನ್ನ ಭಾಷಣಕ್ಕೆ ತಡೆ ಹಾಕಬೇಡಿ. ಈ ಕ್ಷೇತ್ರದಲ್ಲಿ ನಾನು, ನನ್ನ ಪತಿ ಸಾಕಷ್ಟು ಕೆಲಸ ಮಾಡಿದ್ದೇವೆ. ಇಲ್ಲಿ ಕೆಲಸ ಮಾಡ್ತಿರೋದು ನಾನು. ಕಾಂಗ್ರೆಸ್ ಕಾರ್ಯಕರ್ತರು ನನಗೆ ಹೇಳಲು ಬರಬೇಡಿ, ನೀವೂ ನನ್ನ ಕ್ಷೇತ್ರದವರೇ ಎಂದು ಕಿಡಿಕಾರಿದ್ದಾರೆ.

ನೀವು ಕಾಂಗ್ರೆಸ್ ಕಾರ್ಯಕರ್ತರು ಇರಬಹುದು, ಆದ್ರೆ ನನ್ನ ಕ್ಷೇತ್ರದವರು ನೀವು, ನನಗೆ ಸಹಕಾರ ಕೊಡಬೇಕು. ನಮಗೂ ಕಾರ್ಯಕರ್ತರು ಇದ್ದಾರೆ, ದಯವಿಟ್ಟು ಸುಮ್ನಿರಿ. ನಾವೂ ಸಭೆಗಳನ್ನು ಮಾಡ್ತೀವಿ, ಏನು ಕೆಲಸ ಮಾಡಿದೀವಿ ತೋರಿಸ್ತೀವಿ. ಗೆದ್ದು ಬಂದು ತೋರಿಸಿ, ನಿಮ್ಮ ಈ ಉತ್ಸಾಹ ಎಲೆಕ್ಷನ್ ಸಮಯದಲ್ಲಿರ್ಲಿ. ಎಲೆಕ್ಷನ್ ನಲ್ಲಿ ಗೆದ್ದು ಬಂದು ತೋರಿಸಿ ಎಂದು ಸಿಎಂ ಎದುರೇ ಸವಾಲೆಸೆದಿದ್ದಾರೆ.


Spread the love

About Laxminews 24x7

Check Also

ತಡವಾಗಿ ಹೋಗಿದ್ದೇ ಹಿಂದಿನ ಸಾಲಲ್ಲಿ ಕೂರಲು ಕಾರಣ: ಸಿದ್ದರಾಮಯ್ಯ ಸ್ಪಷ್ಟನೆ

Spread the loveಬೆಂಗಳೂರು: ದೆಹಲಿಯಲ್ಲಿ ನಡೆದ ಸೋನಿಯಾ ಗಾಂಧಿಯವರ  ಆತ್ಮಚರಿತ್ರೆ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಹಿಂದೆ ಕುಳಿತುಕೊಳ್ಳಲು ತಡವಾಗಿ ಬಂದಿದ್ದೇ …

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ