ಪದ್ಮಶ್ರೀ ಡಾ. ಪ್ರಭಾಕರ್ ಕೋರೆ ಅವರಿಗೆ ಬೆಳಗಾವಿಯಲ್ಲಿ ಭವ್ಯ ಸನ್ಮಾನ ಸಮಾರಂಭ

 ಬೆಳಗಾವಿ: ಶಿಕ್ಷಣ, ಸಮಾಜ ಸೇವೆ ಮತ್ತು ಕ್ರೀಡಾ ಕ್ಷೇತ್ರಕ್ಕೆ ನೀಡಿದ ಅಪಾರ ಕೊಡುಗೆಗಾಗಿ ಪದ್ಮಶ್ರೀ ಡಾ. ಪ್ರಭಾಕರ್ ಬಸವಪ್ರಭು ಕೋರೆ ಅವರನ್ನು ಸನ್ಮಾನಿಸುವ ಭವ್ಯ ಕಾರ್ಯಕ್ರಮ ಜುಲೈ 17 ರಂದು ಬೆಳಗಾವಿಯಲ್ಲಿ ನಡೆಯಲಿದೆ.

ಗೋಗ್ಟೆ ಗ್ರೂಪ್, ಬೆಳಗಾವಿ ಸ್ಪೋರ್ಟ್ಸ್ ಕ್ಲಬ್, ಬೆಳಗಾವಿ ಜಿಲ್ಲಾ ಬಾಡಿ ಬಿಲ್ಡರ್ ಅಸೋಸಿಯೇಷನ್, ಬೆಳಗಾವಿ ಎಜುಕೇಶನ್ ಸೊಸೈಟಿ ಮತ್ತು ರೋಟರಿ ಪರಿವಾರ ಬೆಳಗಾವಿ ಇವರ ಸಂಯುಕ್ತ ಆಶ್ರಯದಲ್ಲಿ ಈ ಸನ್ಮಾನ ಸಮಾರಂಭ ಏರ್ಪಡಿಸಲಾಗಿದೆ.

ಕಾರ್ಯಕ್ರಮದ ವಿವರ:

• ದಿನಾಂಕ: 17ನೇ ಜುಲೈ 2026, ಶುಕ್ರವಾರ
• ಸಮಯ: ಬೆಳಿಗ್ಗೆ 10 ಗಂಟೆಗೆ.
• ಸ್ಥಳ: ಸ್ವರೂಪ್ ನರ್ತಕಿ ಸಿನಿಮಾ, ಬೆಳಗಾವಿ

ಗಣ್ಯರ ಉಪಸ್ಥಿತಿ
ಈ ಸಮಾರಂಭದಲ್ಲಿ ಗೌರವಾನ್ವಿತ ಅತಿಥಿಗಳಾಗಿ:
ಬ್ರಿಗೇಡಿಯರ್ ಗಿರೀಶ್ ಉಪಾಧ್ಯೆ, ಕಮಾಂಡೆಂಟ್, MLIRC, ಬೆಳಗಾವಿ,
ಶ್ರೀ ಸಂದೀಪ್ ಪಾಟೀಲ್, IPS, IGP, ಉತ್ತರ ವಲಯ ಭಾಗವಹಿಸಲಿದ್ದಾರೆ.

ಶಿಕ್ಷಣ ಕ್ಷೇತ್ರದ ಮೂಲಕ ಸಾವಿರಾರು ವಿದ್ಯಾರ್ಥಿಗಳ ಜೀವನ ರೂಪಿಸಿದ ಡಾ. ಪ್ರಭಾಕರ್ ಕೋರೆ ಅವರ ಸಾಧನೆಗೆ ಈ ಸನ್ಮಾನ ಸಾರ್ಥಕತೆಯನ್ನು ತಂದುಕೊಡಲಿದೆ ಎಂದು ಆಯೋಜಕರಾದ ಅವಿನಾಶ್ ಪೊತ್ದಾರ್ ಮತ್ತು ಶಿರೀಶ್ ಗೋಗ್ಟೆ ತಿಳಿಸಿದ್ದಾರೆ.