ಮುಂಬೈ: ಆನ್ಲೈನ್ ಶಾಪಿಂಗ್ ಅಮೇಜಾನ್.ಕಮ್ನಲ್ಲಿ ಕೊಲ್ಗೇಟ್ ಮೌಥ್ವಾಶ್ ಆರ್ಡರ್ ಮಾಡಿದ್ದ ಮುಂಬೈ ನಿವಾಸಿ, ಡೆಲಿವರಿ ಬಾಯ್ ತಂದುಕೊಂಡ ಆರ್ಡರ್ ಪ್ಯಾಕೇಜ್ ತೆರೆದಾಗ ಅಚ್ಚರಿಯೇ ಕಾದಿತ್ತು. ಲೋಕೇಶ್ ದಗಾ ಅವರು ತಾವು ಮೌಥ್ವಾಶ್ ಬುಕ್ ಮಾಡಿದ್ದಾಗಿ ಅದಕ್ಕೆ ಸಂಬಂಧಿಸಿ ಫೋಟೋವನ್ನು ತಮ್ಮ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಆದರೆ, ನನ್ನ ಆರ್ಡರ್ ಬದಲಾವಣೆ ಆಗಿರುವುದಾಗಿ ಸೆಕ್ಯುರಿಟಿ ಗಾರ್ಡ್ ತಿಳಿಸಿದರು. ಪ್ಯಾಕೇಜ್ ಚಿಕ್ಕದಾಗಿದ್ದರಿಂದ ನನಗೂ ಆಶ್ಚರ್ಯವಾಯಿತು. ತೆಗೆದು ನೋಡಿದಾಗ ಮೌಥ್ವಾಶ್ ಬದಲು ರೆಡ್ಮಿ ನೋಟ್ 10 ಫೋನ್ ಇರುವುದು ಗೊತ್ತಾಯಿತು ಎಂದಿದ್ದಾರೆ.
ತಾನು ಮೌಥ್ವಾಶ್ ಬುಕ್ ಮಾಡಿದ್ದರಿಂದ ಬದಲಾವಣೆ ಆಗಿರುವ ಆರ್ಡರ್ ಅನ್ನು ಮರುಬದಲಾವಣೆ ಮಾಡಲು ದಗಾ ಯತ್ನಿಸಿದ್ದಾರೆ. ಆದರೆ, ರಿಟರ್ನ್ ಆಯಪ್ ಮೂಲಕ ಸಾಧ್ಯವಾಗಲಿಲ್ಲ ಎಂದಿದ್ದಾರೆ.ಅಂದಹಾಗೆ ಫೋನ್ ಬುಕ್ ಮಾಡಿದ್ದು ಹೈದರಾಬಾದ್ ಮೂಲಕ ವ್ಯಕ್ತಿ. ಆದರೆ, ಆತನಿಗೆ ಮೌಥ್ವಾಶ್ ಡೆಲಿವರಿ ಆಗಿದೆ. ಆದರೆ, ಮೌಥ್ವಾಶ್ ಬುಕ್ ಮಾಡಿದ್ದ ದಗಾ ಅವರಿಗೆ ರೆಡ್ಮಿ ನೋಟ್ 10 ಫೋನ್ ಬಂದಿದೆ. ಇದೀಗ ಏನು ಮಾಡುವುದು? ಹೇಗೆ ಬದಲಾವಣೆ ಮಾಡುವುದು ಎಂದು ತಿಳಿಯದೇ ಮರಳಿಸುವ ಪ್ರಯತ್ನ ಮಾಡುತ್ತಿದ್ದಾರೆ.