ಕೋಲ್ಕತ್ತಾ: ಆಧಾರ್ ಕಾರ್ಡ್ ಪಡೆಯುವುದು ಅದರಲ್ಲಿನ ಮಾಹಿತಿ ತಿದ್ದುಪಡಿ ಮಾಡಿಸುವುದೆಂದರೆ ದೊಡ್ಡ ಸಾಹಸವೇ ಸರಿ. ಆಧಾರ್ ಕೇಂದ್ರಗಳ ಮುಂದೆ ಉದ್ದದ ಕ್ಯೂ ಇರುವುದನ್ನು ಕಾಯಂ ಕಾಣುತ್ತೇವೆ. ಆದರೆ, ಇವರ ಮದುವೆಗೆ ಬಂದವರಿಗೆಲ್ಲ ಸುಲಭವಾಗಿ ಆಧಾರ್ ಕಾರ್ಡ್ ಸಿಕ್ಕಿದೆ.!!!!
ಹೌದು, ಕೊಲ್ಕತ್ತಾದ ಗೋಗೋಲ್ ಶಹಾ ಹಾಗೂ ಸುಬರ್ನಾ ದಾಸ್ ಈ ವಾರದ ಪ್ರಾರಂಭದಲ್ಲಿ ವಿವಾಹವಾದರು. ಅವರ ಮದುವೆಗೆ ಹೋದವರಿಗೆಲ್ಲ ಆಧಾರ್ ಕಾರ್ಡ್ ನೀಡಲಾಗಿತ್ತು. ಆದರೆ, ಕಾರ್ಡ್ ನಿಜವಾದುದಲ್ಲ. ಮದವೆಯ ಊಟದಲ್ಲಿದ್ದ ತಿಂಡಿಗಳ ಮೆನು ಅದರಲ್ಲಿತ್ತು. ಪಕ್ಕಾ ಆಧಾರ್ ಕಾರ್ಡ್ ಮಾದರಿಯಲ್ಲೇ ಡಿಸೈನ್ ಮಾಡಿ ಮೆನು ಮುದ್ರಿಸಲಾಗಿತ್ತು.
ಫೇಸ್ಬುಕ್ನಲ್ಲಿ ಈ ಆಧಾರ್ ವೆಡ್ಡಿಂಗ್ ಮೆನು ಸಖತ್ ವೈರಲ್ ಆಗಿದೆ. ಕಾರ್ಡ್ನಲ್ಲಿ ಪೀಸ್ ಕಚೋರಿ, ಫಿಶ್ ಫ್ರೈ, ಮಟನ್ ಖಾಶಾ, ಸ್ಟಫ್ಟ್ಡ್ ಪೊಟ್ಯಾಟೊ ಮುಂತಾದ ತಿಂಡಿಗಳ ಪಟ್ಟಿಯಿದೆ. ಸಂಪರ್ಕ ಸಂಖ್ಯೆ ಹಾಗೂ ಈ ಆಧಾರ್ ಕಾರ್ಡ್ ಒಂದು ದಿನಕ್ಕೆ ಮಾತ್ರ ಊರ್ಜಿತವಾಗಿರಲಿದೆ ಎಂದೂ ಬರೆಯಲಾಗಿದೆ.
Laxmi News 24×7