Breaking News
Home / ರಾಜಕೀಯ / ತಮ್ಮನ ಸ್ಕೂಟರ್ ರಗಳೆ ಕೇಳಲಾಗದೆ ಅಣ್ಣ ಮಾಡಿದ ಕೆಲಸಕ್ಕೆ ಪೂರ್ತಿ ದೇಶದ ಮೆಚ್ಚುಗೆ

ತಮ್ಮನ ಸ್ಕೂಟರ್ ರಗಳೆ ಕೇಳಲಾಗದೆ ಅಣ್ಣ ಮಾಡಿದ ಕೆಲಸಕ್ಕೆ ಪೂರ್ತಿ ದೇಶದ ಮೆಚ್ಚುಗೆ

Spread the love

ವಡೋದರಾ: ಈಗಿನ ಮಕ್ಕಳು ಹೈ ಸ್ಕೂಲ್ ಮೆಟ್ಟಿಲು ಹತ್ತಿದಾಕ್ಷಣ ಬೈಕ್ ಅಥವಾ ಸ್ಕೂಟರ್ ಬೇಕು ಎಂದು ಹಠ ಹಿಡಿದು ಬಿಡುತ್ತಾರೆ. ಅದೇ ರೀತಿ ಹಠ ಹಿಡಿದ ತಮ್ಮನ ಸಮಾಧಾನ ಮಾಡಲೆಂದು ಅಣ್ಣ ಮಾಡಿದ ಕೆಲಸ ಇದೀಗ ಪೂರ್ತಿ ದೇಶದಲ್ಲೇ ಸುದ್ದಿಯಾಗುವಂತಾಗಿದೆ.

ಗುಜರಾತ್​ನ ವಡೋದರ ಮೂಲಕ ವಿವೇಕ್ (25)ನ ತಮ್ಮ ಎಸ್​ಎಸ್​ಎಲ್​ಸಿ ಓದುತ್ತಿದ್ದನಂತೆ. ಲಾಕ್​ಡೌನ್ ಸಮಯದಲ್ಲಿ ಕೆಲಸವೂ ಸಿಗದೆ ವಿವೇಕ್ ಮನೆಯಲ್ಲೇ ಕುಳತಿದ್ದ. ಆ ವೇಳೆ ಆತನ ತಮ್ಮ ಟ್ಯೂಷನ್​ಗೆ ಹೋಗಿ ಬರಲು ಸ್ಕೂಟರ್ ಬೇಕೆಂದು ಹಠ ಹಿಡಿದನಂತೆ. ಆದರೆ ಆತನಿಗೆ 18 ವರ್ಷ ವಯಸ್ಸಾಗಿರಲಿಲ್ಲವಾದ್ದರಿಂದ ಸ್ಕೂಟರ್ ಕೊಡಿಸಲು ಕುಟುಂಬ ಹಿಂದೇಟು ಹಾಕಿದೆ. ಆಗ ತಮ್ಮ ಬೇಸರಗೊಂಡಿದ್ದನ್ನು ಕಂಡು ತಾನೂ ಬೇಸರಗೊಂಡ ವಿವೇಕ್​ ಹೊಸ ಪ್ಲಾನ್ ಒಂದನ್ನು ಮಾಡಿದ್ದಾನೆ.

ಎಲೆಕ್ಟ್ರಾನಿಕ್ ಇಂಜಿನಿಯರಿಂಗ್ ಓದಿದ್ದ ವಿವೇಕ್ ತಾನು ಕೊನೆಯ ವರ್ಷದ ಇಂಜಿನಿಯರಿಂಗ್ ಅಭ್ಯಾಸ ಮಾಡುವಾಗ ಎಲೆಕ್ಟ್ರಿಕ್ ಸ್ಕೂಟರ್ ಪ್ರಾಜೆಕ್ಟ್ ಮಾಡಿದ್ದನಂತೆ. ಅದೇ ಟೆಕ್ನಾಲಜಿಯನ್ನು ಮನೆಯಲ್ಲಿ ಮೂಲೆ ಸೇರಿದ್ದ ಸೈಕಲ್​ಗೆ ಅಳವಡಿಸಲು ಮುಂದಾಗಿದ್ದಾನೆ. ಸತತ ಪ್ರಯತ್ನ ಮಾಡಿ ತಮ್ಮನ ಮಾಮೂಲಿ ಸೈಕಲ್​ ಅನ್ನು ಎಲೆಕ್ಟ್ರಿಕ್ ಸೈಕಲ್ ಆಗಿ ಪರಿವರ್ತಿಸಿದ್ದಾನೆ. ಆ ವಿಶೇಷ ಸೈಕಲ್​ ಅನ್ನು ತಮ್ಮ ಖುಷಿಯಿಂದ ಟ್ಯೂಷನ್​ಗೆ ತೆಗೆದುಕೊಂಡು ಹೋಗುತ್ತಿದ್ದನಂತೆ. ಅದನ್ನು ಗಮನಿಸಿದ ಆತನ ಅನೇಕ ಸ್ನೇಹಿತರೂ ಕೂಡ ವಿವೇಕ್​ ಬಳಿ ಸೈಕಲ್​ಗೆ ಆರ್ಡರ್ ಕೊಟ್ಟು ಮಾಡಿಸಿಕೊಂಡಿದ್ದಾರಂತೆ.

ಬೇಡಿಕೆ ಹೆಚ್ಚಾದ ನಂತರ ವಿವೇಕ್ ತನ್ನ ಸೈಕಲ್​ಗೆ ODO bikes ಎನ್ನುವ ಹೆಸರಿಟ್ಟಿದ್ದಾನೆ. ದುಬೈನಲ್ಲಿ ಆತನ ಸೈಕಲ್​ ಡೆಮೋ ಕೂಡ ಕೊಡಲಾಗಿದೆಯಂತೆ. ಇದೀಗ ಆನ್​ಲೈನ್​ ಆಯಪ್​ಗಳಾದ ಅಮೇಜಾನ್, ಫ್ಲಿಪ್​ಕಾರ್ಟ್ಗಳಲ್ಲೂ ಈ ಸೈಕಲ್ ಲಭ್ಯವಿದೆ.


Spread the love

About Laxminews 24x7

Check Also

ಅರ್ಥಿಂಗ್ ಸಮಸ್ಯೆ – ಶೌಚಾಲಯಕ್ಕೆ ಬೀಗ, ಬಹಿರ್ದೆಸೆಗೆ ಮಹಿಳೆಯರ ಅಲೆದಾಟ

Spread the loveಸಿಂಧನೂರು: ನಗರದ ವಾರ್ಡ್ ನಂ.19ರ ವ್ಯಾಪ್ತಿಗೊಳಪಡುವ ಶರಣಬಸವೇಶ್ವರ ಕಾಲೊನಿಯಲ್ಲಿ ಸಾರ್ವಜನಿಕ ಮಹಿಳಾ ಶೌಚಾಲಯಕ್ಕೆ ಬೀಗ ಹಾಕಿರುವ ಘಟನೆ ನಡೆದಿದೆ. …

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ