ಮಣ್ಣೂರಿನ ಸರ್ಕಾರಿ ಶಾಲೆಗೆ ರೋಟರಿ ಕ್ಲಬ್ ಆಫ್ ದರ್ಪಣನಿಂದ “ವಾಟರ್ ಪ್ಯೂರಿಫೈರ” ದಾನ.

ಬೆಳಗಾವಿ: ರೋಟರಿ ಕ್ಲಬ್ ಆಫ್ ದರ್ಪಣನ ವತಿಯಿಂದ ಬೆಳಗಾವಿ ತಾಲೂಕಿನ ಮಣ್ಣೂರ ಗ್ರಾಮದಲ್ಲಿರುವ ಸರ್ಕಾರಿ ಪ್ರಾಥಮಿಕ ಶಾಲೆಗೆ ವಾಟರ್ ಪ್ಯೂರಿಫೈರನ್ನು ದಾನವಾಗಿ ನೀಡಲಾಯಿತು.

ರೋಟೆರಿಯನ್ ಆಶಾ ಪೋತದಾರ ಅವರ ನೇತೃತ್ವದಲ್ಲಿ ಈ ಕಾರ್ಯವನ್ನು ಮಾಡಲಾಯಿತು. ಜಿಲ್ಲಾ ಗವರ್ನರ್ ರೋಟೆರಿಯನ್ ಶರದ್ ಪೈ ಮತ್ತು ರಾಜ್ಯಪಾಲ ಅಡ್ವೋಕೇಟ್ ಮಹೇಶ್ ಬೆಲ್ಲದ ಅವರ ಪ್ರಮುಖ ಉಪಸ್ಥಿತಿಯಲ್ಲಿ ಈ ಕಾರ್ಯಕ್ರಮ ನಡೆಯಿತು.

ವಾಟರ್ ಪ್ಯೂರಿಫೈರ ಶುದ್ಧ ನೀರನ್ನು ಪೂರೈಸಿ ಮಕ್ಕಳ ಆರೋಗ್ಯವನ್ನು ಸುರಕ್ಷಿತವಾಗಿಡಲಿದೆ. ಈ ವೇಳೆ ಅಧ್ಯಕ್ಷೆ ರೂಪಾಲಿ ಜನಾಜ್, ಕಾರ್ಯದರ್ಶಿ ಶೀತಲ್ ಚಿಲಮಿ, ಸುರೇಖಾ ಮುಮ್ಮಿಗಟ್ಟಿ, ಪುಷ್ಪಾ ಪರ್ವತರಾವ್, ಮುಖ್ಯೋಪಾಧ್ಯಾಯರಾದ ಯಶೋಧಾ ಕೇಂದ್ರಿ ಸೇರಿದಂತೆ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಇನ್ನುಳಿದವರು ಭಾಗಿಯಾಗಿದ್ಧರು.