ಕಿರಿಯ ಪುತ್ರ ಅಬ್ರಾಮ್​ ಜೊತೆ ನಟ ಶಾರುಖ್​ ಖಾನ್​ ಮುಂಬೈನ ಪ್ರಸಿದ್ಧ ‘ಲಾಲ್​ಬೌಚ ರಾಜಾ’ ಸನ್ನಿಧಾನಕ್ಕೆ ಭೇಟಿ ನೀಡಿ, ವಿಶೇಷ ಪೂಜೆ ಸಲ್ಲಿಸಿದರು.

ಸೂಪರ್​ಸ್ಟಾರ್​ ‘ಲಾಲ್​ಬೌಚ ರಾಜಾ’ಗೆ ಭೇಟಿ ನೀಡಿರುವ ವಿಡಿಯೋ ಮತ್ತು ಫೋಟೋಗಳು ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿವೆ. 1934 ರಲ್ಲಿ ಸ್ಥಾಪಿತವಾದ ಪೂಜಾ ಸ್ಥಳವಾದ ಪುಟ್ಲಬಾಯಿ ಚಾಲ್​ನಲ್ಲಿರುವ ‘ಲಾಲ್​ಬೌಚ ರಾಜಾ’ದ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯ ಗಣೇಶ ವಿಗ್ರಹ ಇತಿಹಾಸ ಪ್ರಸಿದ್ಧವಾಗಿದೆ. ಕಳೆದ ಶುಕ್ರವಾರ ಸಂಜೆ ಲಾಲ್​ಬೌಚ ರಾಜಾದ ಗಣೇಶ ಮೂರ್ತಿಯನ್ನು ಅನಾವರಣಗೊಳಿಸಲಾಗಿತ್ತು.

ಗಣೇಶ ಚತುರ್ಥಿ 10 ದಿನಗಳ ಹಬ್ಬವಾಗಿದ್ದು, ಹಿಂದೂ ಚಂದ್ರಮಾನ ಕ್ಯಾಲೆಂಡರ್​ ತಿಂಗಳ ‘ಭಾದ್ರಪದ’ದ ನಾಲ್ಕನೇ ದಿನದಂದು ಪ್ರಾರಂಭವಾಗುತ್ತದೆ. ಈ ವರ್ಷ ಹಬ್ಬವು ಸೆಪ್ಟೆಂಬರ್​ 19ರಿಂದ ಪ್ರಾರಂಭವಾಗಿದೆ. ಹಬ್ಬದ ಸಮಯದಲ್ಲಿ ಗಣೇಶ ಭೂಮಿಗೆ ಬಂದು, ತನ್ನ ಭಕ್ತರಿಗೆ 10 ದಿನ ಆಶೀರ್ವಾದ ನೀಡಿ ನಂತರ ಹೆತ್ತವರಾದ ಶಿವ ಮತ್ತು ಪಾರ್ವತಿಯ ವಾಸಸ್ಥಾನವಾದ ಕೈಲಾಸ ಪರ್ವತಕ್ಕೆ ಹಿಂದಿರುಗುತ್ತಾನೆ ಅನ್ನೋದು ನಂಬಿಕೆ.