ಕಾರವಾರ: ವಿಶ್ವದಲ್ಲೇ ಅತೀ ವಿರಳವಾದ ಮೂಷಿಕ ಜಿಂಕೆಯನ್ನು ಅಂಕೋಲದ ಅರಬ್ಬಿ ಸಮುದ್ರಲ್ಲಿ ಬೇಲಿಕೇರಿ ಕರಾವಳಿ ಕಾವಲುಪಡೆ ಪೊಲೀಸರು ರಕ್ಷಣೆ ಮಾಡಿದ್ದಾರೆ.
ಅಕ್ರಮ ಗೋವಾ ಮದ್ಯ ತಡೆಗಟ್ಟುವ ನಿಟ್ಟಿನಲ್ಲಿ ಗಸ್ತಿನಲ್ಲಿದ್ದ ಪೊಲೀಸ್ ನಿರೀಕ್ಷಕ ಶ್ರೀಧರ್ ಎಸ್.ಆರ್ ನೇತೃತ್ವದ ಕರಾವಳಿ ಕಾವಲು ಪಡೆ ಈ ಜಿಂಕೆಯನ್ನು ರಕ್ಷಿಸಿದೆ. ಪೊಲೀಸರ ತಂಡ ಅಂಕೋಲ ತಾಲೂಕಿನ ಹಾರವಾಡದ ಕೋಡಾರ ಗುಡ್ಡದ ಬಳಿಯ ಸಮುದ್ರದಲ್ಲಿ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದ ಮೂಷಿಕ ಚಿಂಕೆಯನ್ನು ರಕ್ಷಿಸಿ ಅರಣ್ಯ ಇಲಾಖೆಯವರಿಗೆ ಒಪ್ಪಿಸಿದ್ದಾರೆ.
ಏನಿದು ಮೂಷಿಕ ಜಿಂಕೆ?
ಜಿಂಕೆ ಜಾತಿಯಲ್ಲಿ ಅತ್ಯಂತ ಕುಬ್ಜ ಜಿಂಕೆ ಈ ಮೂಷಿಕ ಜಿಂಕೆ. ಜಿಂಕೆಗಳು ಭೂಮಿಯ ಮೇಲ್ಭಾಗದಲ್ಲಿ ವಾಸ ಮಾಡುತ್ತವೆ. ಆದರೇ ಇವು ಬಿಲದಲ್ಲಿ ವಾಸ ಮಾಡುತ್ತದೆ. ದೇಹಾಕೃತಿಯಲ್ಲಿ ಹೆಗ್ಗಣದಂತೆ ಹೋಲುತ್ತದೆ. ಇಲಿಗಳಂತೆ ಬಿಲದಿಂದ ಹೊರಬರುವ ಇವು ಹುಲ್ಲು, ಎಲೆಗಳು ಇದರ ಪ್ರಮುಖ ಆಹಾರವಾಗಿದೆ. ಏಷ್ಯಾದ ಕಾಡುಗಳಲ್ಲಿ ಹೆಚ್ಚು ಇದರ ವಾಸ ಸ್ಥಾನವಾಗಿದ್ದು ಜನರ ಕಣ್ಣಿಗೆ ಬೀಳುವುದು ಅಪರೂಪ. ವಿಶ್ವದ ಅತೀ ಚಿಕ್ಕ ಸಸ್ತನಿಗಳ ಸಾಲಿನಲ್ಲಿ ಇದೂ ಕೂಡ ಒಂದಾಗಿದೆ.