Breaking News
Home / Uncategorized / ಸೂಪರ್ ಸ್ಟಾರ್ಸ್​ ಶಕ್ತಿ ಕೇಂದ್ರದ ಬಾಗಿಲು ತೆಗೆದ ಸರ್ಕಾರ

ಸೂಪರ್ ಸ್ಟಾರ್ಸ್​ ಶಕ್ತಿ ಕೇಂದ್ರದ ಬಾಗಿಲು ತೆಗೆದ ಸರ್ಕಾರ

Spread the love

ಕೊರೊನಾ ಆರ್ಭಟ ಮತ್ತು ಲಾಕ್​ಡೌನ್​ ಎಲ್ಲಾ ಉದ್ಯಮಗಳಿಗೂ ಭಾರೀ ಪೆಟ್ಟು ಕೊಟ್ಟಿದೆ. ಕೊರೊನಾ ನಾಶವಾಗದೇ ಇದ್ರು, ಬೇರೆ ದಾರಿಯಿಲ್ಲದೇ ನಿಧಾನವಾಗಿ ಲಾಕ್​ಲಾಕ್​​ ಸಡಿಲಗೊಳಿಸಲಾಗ್ತಿದೆ. ಇದೀಗ ಕೇಂದ್ರ ಸರ್ಕಾರ ಅನ್​ಲಾಕ್​ 3 ಮಾರ್ಗಸೂಚಿಯನ್ನ ಬಿಡುಗಡೆ ಮಾಡಿದೆ. ಆಗಸ್ಟ್​ ಒಂದರಿಂದ 3ನೇ ಹಂತದ ಅನ್​ಲಾಕ್​ ಜಾರಿಗೆ ಬರಲಿದೆ. ರಾತ್ರಿ ಕರ್ಫೂ ತೆರೆವುಗೊಳಿಸಿರೋದು ಬಿಟ್ರೆ, ಈ ಬಾರಿ ಅನ್​ಲಾಕ್​​ನಲ್ಲಿ ಭಾರಿ ಬದಲಾವಣೆ ಇಲ್ಲ. ಜಿಮ್​ ಮತ್ತು ಯೋಗ ಕೇಂದ್ರಗಳನ್ನ ತೆರೆಯಲು ಮಾತ್ರ ಅನುಮತಿ ಸಿಕ್ಕಿದೆ.

ಆಗಸ್ಟ್​​ ಒಂದರಿಂದ ಥಿಯೇಟರ್​ ಬಾಗಿಲು ತೆರೆಯಲು ಅನುಮತಿ ಸಿಗುತ್ತೆ ಅನ್ನೋ ಚರ್ಚೆ ಕಳೆದೊಂದು ವಾರದಿಂದ ನಡೀತಿತ್ತು. ಲಾಕ್​ಡೌನ್​ ಘೋಷಣೆಗೂ ಮೊದ್ಲು ಅಂದ್ರೆ, ಮಾರ್ಚ್​ 14ರಂದು ಮುಚ್ಚಿದ ಚಿತ್ರಮಂದಿರಗಳ ಬಾಗಿಲು ಇನ್ನು ತೆಗೆದಿಲ್ಲ.

ಸಿನಿಮಾ ಪ್ರದರ್ಶನವಿಲ್ಲದೇ ನೂರಾರು ಕೋಟಿ ನಷ್ಟವಾಗಿದೆ. ಅನ್​​ಲಾಕ್​​​​ ಮೂರರಲ್ಲಿ ಥಿಯೇಟರ್​ ತೆರೆಯಲು ಅನುಮತಿ ಸಿಗುತ್ತೇ ಅಂತ ಎಲ್ಲರೂ ಭಾವಿಸಿದ್ರು. ಸಿನಿರಸಿಕರು ಕೂಡ ಸಿಲ್ವರ್​ ಸ್ಕ್ರೀನ್​ ಮೇಲೆ ಸಿನಿಮಾ ನೋಡುವ ಅವಕಾಶ ಸಿಗುತ್ತೆ ಅಂತ ಕಾಯ್ತಿದ್ರು. ಆದರೆ, ಆ ನಿರೀಕ್ಷೆ ಹುಸಿಯಾಗಿದೆ.

ಮೆಟ್ರೋ, ಸಿನಿಮಾ ಥಿಯೇಟರ್, ಎಂಟರ್​ಟ್ರೈನ್​ಮೆಂಟ್​ ಪಾರ್ಕ್​, ಬಾರ್​, ಪಾರ್ಕ್​, ಆಡಿಟೋರಿಯಂ ಬಾಗಿಲು ತೆರೆಯಲು ಅನ್​​ಲಾಕ್​​ 3ರಲ್ಲಿ ಅನುಮತಿ ಸಿಕ್ಕಿಲ್ಲ. ನೂರಾರು ಜನ ಸಿನಿಮಾ ನೋಡಲು ಒಟ್ಟಿಗೆ ಚಿತ್ರಮಂದಿರಗಳಲ್ಲಿ ಸೇರ್ತಾರೆ. ಸಾಮಾಜಿಕ ಅಂತರ ಕಷ್ಟ ಸಾಧ್ಯ. ಹಾಗಾಗಿಯೇ ಸರ್ಕಾರ ಸಿನಿಮಾ ಪ್ರದರ್ಶನಕ್ಕೆ ಅವಕಾಶ ನೀಡುವ ರಿಸ್ಕ್​ ತೆಗೆದುಕೊಳ್ಳುತ್ತಿಲ್ಲ. ಸಹಜವಾಗಿಯೇ ಇದು ಚಿತ್ರರಂಗದ ಬೇಸರಕ್ಕೆ ಕಾರಣವಾಗಿದೆ. ಆದ್ರೂ, ಸರ್ಕಾರ ನಿಯಮವನ್ನ ಪಾಲನೇ ಮಾಡದೇ ಬೇರೆ ವಿಧಿಯಿಲ್ಲ.

ಥಿಯೇಟರ್ ಬಾಗಿಲು ತೆರೆಯದೇ ಇದ್ರು, ಜಿಮ್​ ಬಾಗಿಲು ತೆರೆಯಲು ಅನುಮತಿ ನೀಡಿರೋದು ಸಾಕಷ್ಟು ಜನರ ಸಂತಸಕ್ಕೆ ಕಾರಣವಾಗಿದೆ. ತೆರೆಮೇಲೆ ಸೊಗಸಾಗಿ ಕಾಣಿಸಿಕೊಳ್ಳಲು ಕಲಾವಿದರು ಕೂಡ ಜಿಮ್​ಗಳಲ್ಲಿ ಬೆವರಿಳಿಸ್ತಾರೆ. ಆದರೆ, ಲಾಕ್​ಡೌನ್​ ಹಿನ್ನೆಲೆ ನಾಲ್ಕು ತಿಂಗಳಿಂದ ಜಿಮ್​ಗೆ ಹೋಗಲು ಸಾಧ್ಯವಾಗಿರಲಿಲ್ಲ. ಕೆಲ ಕಲಾವಿದರು ಮನೆಯಲ್ಲಿ ಕಸರತ್ತು ನಡೆಸಿ, ಫಿಟ್ನೆಸ್​ ಕಾಯ್ದುಕೊಂಡ್ರೆ, ಮತ್ತೆ ಕೆಲವರು ಯಾವಾಗ ಜಿಮ್​ ಓಪನ್ ಆಗುತ್ತೆ ಅಂತ ಕಾಯ್ತಿದರು. ಸರ್ಕಾರದ ಮಾರ್ಗಸೂಚಿಯಂತೆ ಆಗಸ್ಟ್​ 5ರಿಂದ ಫಿಟ್ನೆಸ್​ ಸೆಂಟರ್​ಗಳು ಪುನರಾರಂಭವಾಗಲಿದೆ.

ಬಹುತೇಕ ಎಲ್ಲಾ ಸ್ಟಾರ್​ ಕಲಾವಿದರು ಫಿಟ್ನೆಸ್​ಗಾಗಿ ಜಿಮ್​ನಲ್ಲಿ ಕಸರತ್ತು ನಡೆಸ್ತಾರೆ. ದಿನಕ್ಕೆ 2ರಿಂದ 4 ಗಂಟೆಗಳ ಕಾಲ ಜಿಮ್​ನಲ್ಲಿ ಕಾಲ ಕಳೀತ್ತಾರೆ. ಕೆಲ ನಟಿಯರು ಕೂಡ ಫಿಟ್ನೆಸ್​ಗಾಗಿ ಜಿಮ್​​​​ ಅನ್ನೇ ನೆಚ್ಚಿಕೊಂಡಿದ್ದಾರೆ. ಲಾಕ್​ಡೌನ್​​ ಘೋಷಣೆಯಾದ ದಿನದಿಂದ ಯಾರು ಹೆಚ್ಚು ಹೊರಗಡೆ ಕಾಣಿಸಿಕೊಂಡಿಲ್ಲ. ಇದೀಗ ಜಿಮ್​ ತೆರೆಯಲು ಅನುಮತಿ ಸಿಕ್ಕಿರೋದು ಸಹಜವಾಗಿಯೇ ಎಲ್ಲರಿಗೂ ಖುಷಿ ತಂದಿದೆ.

ಬರೀ ಕರ್ನಾಟಕ ರಾಜ್ಯದಲ್ಲೇ 5000ಕ್ಕೂ ಅಧಿಕ ಜಿಮ್​ ಟ್ರೈನರ್​ಗಳಿದ್ದು, ಲಾಕ್​ಡೌನ್​ನಿಂದ ಅವರೆಲ್ಲಾ ಸಂಕಷ್ಟಕ್ಕೆ ಸಿಲುಕಿದರು. ವರ್ಕ್​ಔಟ್ ಮಾಡೋರಿಗೆ ಶಕ್ತಿ ತುಂಬುತ್ತಿದ್ದವರೇ ನಾಲ್ಕೈದು ತಿಂಗಳಿನಿಂದ ಶಕ್ತಿ ಕಳೆದುಕೊಂಡಿದರು. ಸರ್ಕಾರದ ನಿಯಮಗಳನ್ನ ಪಾಲಿಸಿ, ಜಿಮ್​ ತೆರೆಯಲು ಅವಕಾಶ ಕೇಳಿ ಕೇಳಿ ಎಲ್ಲರೂ ಸುಮ್ಮನಾಗಿದರು. ದುನಿಯಾ ವಿಜಿ, ಡಾಲಿ ಧನಂಜಯ ಸೇರಿದಂತೆ ಸಾಕಷ್ಟು ಜನ ಕಲಾವಿದರು ಜಿಮ್​ ತರಬೇತುದಾರರ ಬೆಂಬಲಕ್ಕೆ ನಿಂತಿದರು. ಜಿಮ್​ ಬಾಗಿಲು ತೆರೆಯಲು ಅವಕಾಶ ಮಾಡಿಕೊಡಿ ಅಂತ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದರು.

ಕೊರೊನಾ ಲಾಕ್​ಡೌನ್​ ಬಹುತೇಕ ಸಡಿಲಿಕೆಯಾಗಿದ್ರು, ಜಿಮ್​ ತೆರೆಯಲು ಅನುಮತಿ ಸಿಕ್ಕಿಲ್ಲ, ಅಂತ ಇತ್ತೀಚೆಗೆ ಜಿಮ್ ಮಾಲೀಕರು ಪ್ರತಿಭಟನೆ ಕೂಡ ನಡೆಸಿದ್ದರು. ಒಟ್ನಲ್ಲಿ ಜಿಮ್ ಬಾಗಿಲು ತೆರೆಯಲು ಸರ್ಕಾರ ಅನುಮತಿ ನೀಡಿರೋದು, ಜಿಮ್​ ಮಾಲೀಕರು ಮತ್ತು ತರಬೇತುದಾರರಿಗೆ ಸಂತಸ ತಂದಿದೆ. ಮತ್ತೆ ಜಿಮ್​ನಲ್ಲಿ ಕಸರತ್ತು ನಡೆಸಲು ಕಲಾವಿದರು ಕೂಡ ಸಜ್ಜಾಗಿದ್ದಾರೆ.


Spread the love

About Laxminews 24x7

Check Also

ಚುನಾವಣೆ ಚೆಕಿಂಗ್; ದಾಖಲೆ ಇಲ್ಲದ 20 ಲಕ್ಷಕ್ಕೂ ಅಧಿಕ ವಶ.!

Spread the love ಚಿತ್ರದುರ್ಗ; ಚಿತ್ರದುರ್ಗದಲ್ಲಿ ವಾಹನ ಒಂದರಲ್ಲಿ ವ್ಯಕ್ತಿಯೊಬ್ಬರು ದಾಖಲೆ ಇಲ್ಲದೆ ಸುಮಾರು 20 ಲಕ್ಷಕ್ಕೂ ಅಧಿಕ ಹಣವನ್ನು …

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ