ಅಪ್ಪ ಹಣ ಕೊಟ್ಟಿಲ್ಲ ಎಂದು ಮಗನನ್ನೇ ಕಿಡ್ನಾಪ್

ಬೆಂಗಳೂರು (ಜು.20): ತಂದೆಯ (Father) ಜೊತೆಗಿನ ವ್ಯವಹಾರ ವೈಷಮ್ಯಕ್ಕೆ ಮಗನನ್ನು ಅಪಹರಿಸಿ ಹಣಕ್ಕೆ ಬೇಡಿಕೆ ಇಟ್ಟಿದ್ದ ನಾಲ್ವರು ಆರೋಪಿಗಳನ್ನು (Accused) ಯಲಹಂಕ ಪೊಲೀಸರು 4 ಗಂಟೆಯಲ್ಲಿ ಬಂಧಿಸಿದ್ದಾರೆ‌. ಚಿತ್ರದುರ್ಗದಲ್ಲಿ (Chitradurga) ಟ್ರ್ಯಾಕ್​ ಮಾಡಿ ಬಂಧಿಸಿ ಕರೆತಂದಿದ್ದಾರೆ. ಕಲಬುರಗಿ ಮೂಲದ ರಮೇಶ್ ರಾಥೋಡ್ (Ramesh Rathod) (43), ರಿಜ್ವಾನ್ ಪಟೇಲ್ (23), ಇಂದ್ರಜಿತ್ ಪವಾರ್ (23) ಹಾಗೂ ಹರೀಶ್ ಕುಮಾರ್ (24) ಬಂಧಿತ ಆರೋಪಿಗಳು.

4 ಗಂಟೆಯಲ್ಲಿ ಆರೋಪಿಗಳ ಬಂಧನ

ಪ್ರಕರಣದ ಕುರಿತು ಮಾಹಿತಿ ನೀಡಿದ ಡಿಸಿಪಿ (ಈಶಾನ್ಯ) ಅನೂಪ್ ಎ ಶೆಟ್ಟಿ, ಆಂಧ್ರಪ್ರದೇಶ ಮೂಲದ ಉದ್ಯಮಿಯೊಬ್ಬನ ಜೊತೆ ವ್ಯವಹಾರ ವಿಚಾರವಾಗಿ ವೈಷಮ್ಯ ಹೊಂದಿದ್ದ ಇವರು ಬೆಂಗಳೂರಿನ ಖಾಸಗಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದ ಉದ್ಯಮಿ ಪುತ್ರ ಜಗದೀಶ್​ನನ್ನು ಅಪಹರಿಸಿದ್ದರು. ಬಳಿಕ ತಂದೆಗೆ (ಉದ್ಯಮಿ)‌ ಕರೆ ಮಾಡಿ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ಮಧ್ಯಾಹ್ನ 12.15 ರ ಸುಮಾರಿಗೆ ಅಪಹರಿಸಿದರು ಮತ್ತು ಸಂಜೆ 4 ಗಂಟೆಗೆ ಅವನನ್ನು ರಕ್ಷಿಸಲಾಯಿತು. ಪೊಲೀಸರು ಅದರ ಫಾಸ್ಟ್​ ಟ್ಯಾಗ್ ವಿವರಗಳನ್ನು ಬಳಸಿಕೊಂಡು ಅಪಹರಣಕಾರರ ವಾಹನವನ್ನು ಪತ್ತೆ ಹಚ್ಚಿದ್ದಾರೆ.

ತಂದೆ ಹಣ ನೀಡಿಲ್ಲ ಎಂದು ಮಗನ ಅಪಹರಣ

ಜಗದೀಶ್ ತಂದೆ ಸುರೇಶ್​ ಜೊತೆ ರಮೇಶ್​ ರಾಥೋಡ್​ ಹಣಕಾಸ ವ್ಯವಹಾರ ಹೊಂದಿದ್ದ. ಅವರ ಚಿಕ್ಕಪ್ಪ ದುಬೈಗೆ ತೆರಳಿದ್ದರು. ರಮೇಶ್​​ ರಾಥೋಡ್ ಅವರು ಸುರೇಶನಿಂದ ಹಣಕ್ಕಾಗಿ ಬೇಡಿಕೆಯಿಡಲು ಪ್ರಾರಂಭಿಸಿದ್ದಾನೆ. ಜೊತೆಗೆ ಸುರೇಶ್ ಮತ್ತು ಅವರ ಸಹೋದರನ ವಿರುದ್ಧ ಕಲಬುರಗಿಯಲ್ಲಿ ವಂಚನೆ ದೂರು ದಾಖಲಿಸಿದರು. ಪೊಲೀಸ್ ಕೇಸ್ ನಂತರ ರಾಥೋಡ್ ತನ್ನ ಹಣವನ್ನು ಹಿಂದಿರುಗಿಸಲು ಸುರೇಶ್ ನಿರಾಕರಿಸಿದ್ದಾರೆ.