ಬೆಳಗಾವಿ ಉತ್ತರ ವಲಯದ 8ನೇ ಕರ್ತವ್ಯ ಕೂಟ: ನಗರ ಘಟಕಕ್ಕೆ 13 ಬಹುಮಾನ

ಬೆಳಗಾವಿ: ಬೆಳಗಾವಿ ಉತ್ತರ ವಲಯ ಮಟ್ಟದ 8ನೇ ಕರ್ತವ್ಯ ಕೂಟ – 2026ರಲ್ಲಿ ಬೆಳಗಾವಿ ನಗರ ಪೊಲೀಸ್ ಘಟಕದ ತಂಡವು ಭಾಗವಹಿಸಿ, ವಿವಿಧ ತಾಂತ್ರಿಕ, ವೈಜ್ಞಾನಿಕ ಹಾಗೂ ವಿಶೇಷ ಪೊಲೀಸ್ ಕೌಶಲ್ಯಗಳ ಸ್ಪರ್ಧೆಗಳಲ್ಲಿ ಅತ್ಯುತ್ತಮ ಸಾಧನೆ ಮಾಡಿ ಒಟ್ಟು 13 ಬಹುಮಾನಗಳನ್ನು ಪಡೆದುಕೊಂಡಿದೆ.

ಈ ಮೂಲಕ ಬೆಳಗಾವಿ ನಗರ ಘಟಕವು (11 ಪದಕ + 2 ಟ್ರೋಫಿ) ಗಳೊಂದಿಗೆ ವಲಯ ಮಟ್ಟದಲ್ಲಿ ಸರ್ವೋತ್ತಮ ದ್ವಿತೀಯ ಸ್ಥಾನ ಪಡೆದು ಗೌರವಕ್ಕೆ ಪಾತ್ರವಾಗಿದೆ.

ಬಹುಮಾನ ಪಡೆದ ಅಧಿಕಾರಿ/ಸಿಬ್ಬಂದಿ ವಿವರ

ಮಂಜುನಾಥ ಬಡಿಗೇರ ಪಿಎಸ್ಐ, ಬೆಳಗಾವಿ ನಗರ- ಒಟ್ಟು 1 ಬಹುಮಾನ

(ಮೆಡಿಕೋ ಲೀಗಲ್ – ತೃತೀಯ)

ಸಂತೋಷ ದಳವಾಯಿ ಪಿಎಸ್ಐ, ಬೆಳಗಾವಿ ಗ್ರಾಮೀಣ ಠಾಣೆ – ಒಟ್ಟು 03 ಬಹುಮಾನ

ಫಿಂಗರ್‌ಪ್ರಿಂಟ್ ಪ್ರಾಕ್ಟಿಕಲ್ ಟೆಸ್ಟ್ – ಪ್ರಥಮ,ಮೆಡಿಕೋ ಲೀಗಲ್ – ದ್ವಿತೀಯ ಹಾಗೂ ಫ್ಲಾಂಡ್ರಿಂಗ್, ಲಿಫ್ಟಿಂಗ್, ವ್ಯಾಕಿಂಗ್ ಟೆಸ್ಟ್ – ತೃತೀಯ

ಸರದಾರಗೌಡ ಮುತ್ತತ್ತಿ ಪಿಎಸ್ಐ, ಖಡೇಬಜಾರ ಠಾಣೆ – ಒಟ್ಟು 03 ಬಹುಮಾನ

ಫ್ಲಾಂಡ್ರಿಂಗ್, ಲಿಫ್ಟಿಂಗ್, ವ್ಯಾಕಿಂಗ್ ಟೆಸ್ಟ್ – ದ್ವಿತೀಯ, ಫಿಂಗರ್ ಪ್ರಿಂಟ್ ಪ್ರಾಕ್ಟಿಕಲ್ ಟೆಸ್ಟ್ – ತೃತೀಯ ಹಾಗೂ ಫಾರೆನ್ಸಿಕ್ ಸೈನ್ಸ್ ಲಿಖಿತ ಪರೀಕ್ಷೆ – ತೃತೀಯ, ಡಾಗ್ ಸ್ಕ್ವಾಡ್, ಬೆಳಗಾವಿ ನಗರ – ಒಟ್ಟು 3 ಬಹುಮಾನ

ರುದ್ರಯ್ಯಾ ಮಾವಿನಕಟ್ಟಿಮಠ ಎಪಿಸಿ 116, ಕ್ರೈಂ ಟ್ರ್ಯಾಕರ್ ಪ್ರಥಮ, (ಡಾಗ್ ಸ್ಕ್ವಾಡ್ ಓವರ್ ಆಲ್ ಚಾಂಪಿಯನ್ (ವಿನ್ನರ್ ಟ್ರೋಫಿ) ಹೀಗೆ ಅನೇಕ ವಿಭಾಗದಲ್ಲಿ ಪ್ರಶಸ್ತಿಗಳು ಲಭಿಸಿವೆ.

8ನೇ ಬೆಳಗಾವಿ ಉತ್ತರ ವಲಯ ಮಟ್ಟದ ಕರ್ತವ್ಯ ಕೂಟ – 2026ರಲ್ಲಿ ಬೆಳಗಾವಿ ನಗರ ಪೊಲೀಸ್ ತಂಡವು ಒಟ್ಟು 13 ಬಹುಮಾನಗಳನ್ನು ಪಡೆದು ವಲಯ ಮಟ್ಟದಲ್ಲಿ ಸರ್ವೋತ್ತಮ ದ್ವಿತೀಯ ಸ್ಥಾನದಲ್ಲಿ ನಿಂತಿದ್ದು, ಈ ಎಲ್ಲಾ ಅಧಿಕಾರಿ ಸಿಬ್ಬಂದಿಯವರ ಶಿಸ್ತು, ಸಮರ್ಪಣೆ, ವೃತ್ತಿಪರ ಕೌಶಲ್ಯ, ತಂಡದ ಕಾರ್ಯಕ್ಷಮತೆ ಮತ್ತು ಕರ್ತವ್ಯ ಬದ್ಧತೆಯಿಂದ ಈ ಅತ್ಯುತ್ತಮ ಸಾಧನೆಗೆ ಸಾಧ್ಯವಾಗಿದೆ.

ಜೆ ಹೆಚ್. ಶೇಖ್ ಎಆರ್‌ಪಿಎಸ್ ಸಿಎಆರ್ ವಿಭಾಗ, ಬೆಳಗಾವಿ ನಗರ ಇವರ ನೇತೃತ್ವದಲ್ಲಿ ತಂಡವು ಈ ಪ್ರಶಸ್ತಿಗಳನ್ನು ಪಡೆದುಕೊಂಡಿರುವುದು ನಮ್ಮ ಬೆಳಗಾವಿ ನಗರ ಪೊಲೀಸ್ ಘಟಕಕ್ಕೆ ಹೆಮ್ಮೆಯ ಸಂಗತಿಯಾಗಿದೆ.

ಈ ಸಾಧನೆಗೆ ಕಾರಣರಾದ ಎಲ್ಲಾ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ ಪೊಲೀಸ್ ಆಯುಕ್ತರು ವಿಶೇಷ ಬಹುಮಾನ ಘೋಷಿಸಿ, ಅವರನ್ನು ಪ್ರೋತ್ಸಾಹಿಸಿರುತ್ತಾರೆ. ಜೊತೆಗೆ ಡಿಸಿಪಿ (ಕಾ ಸು), ಡಿಸಿಪಿ (ಅ ಸ) ಹಾಗೂ ಡಿಸಿಪಿ (ಸಿಎಆರ್) ಬೆಳಗಾವಿ ನಗರ ರವರು ಸಹ ಅಭಿನಂದನೆಗಳನ್ನು ಸಲ್ಲಿಸಿರುತ್ತಾರೆ.