ದಂಡ ಕಟ್ಟಿ ಮಾರುದ್ದದ ಚಲನ್ ಸ್ವೀಕರಿಸುತ್ತಿರುವ ವಾಹನ ಸವಾರ

ಶೇ.50% ರಿಯಾಯಿತಿಯಲ್ಲಿ ದಂಡ ಕಟ್ಟಲು ಅವಕಾಶ ನೀಡಿದ್ದರಿಂದ ವಾಹನ ಸವಾರರು ದಂಡ ಕಟ್ಟಿ ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳನ್ನು ಕ್ಲಿಯರ್ ಮಾಡಿಕೊಂಡಿದ್ದಾರೆ. ಈ ಹಿನ್ನೆಲೆ ಸಂಚಾರಿ ಪೊಲೀಸ್‌ ಠಾಣೆಗೆ ಆಗಮಿಸಿದ ಅನೇಕ ವಾಹನ ಸವಾರರು ದಂಡ ಕಟ್ಟಿ ಮಾರುದ್ದದ ಚಲನ್‌ ಪಡೆದರು.

ಗಾಂಧಿ ನಗರ ವ್ಯಾಪ್ತಿಯಲ್ಲಿ ಬೈಕ್​​ನ ಮಾಲೀಕರೊಬ್ಬರು 22 ಸಾವಿರ ರೂಪಾಯಿ ದಂಡ ಕಟ್ಟಬೇಕಿದ್ದು, ಶೇ.50% ರಿಯಾಯಿತಿಯಲ್ಲಿ 11 ಸಾವಿರ ರೂಪಾಯಿ ದಂಡ ಕಟ್ಟಿದರು. ಉತ್ತರ ಸಂಚಾರಿ ಠಾಣೆಯ ಪಿಎಸ್ಐ ಜಯಶೀಲಾ ಅವರು ದಂಡ ಕಟ್ಟಿದ ಬಳಿಕ ಉದ್ದನೆಯ ಚಲನ್​ ತೆಗೆದು ವಾಹನ ಸವಾರನಿಗೆ ನೀಡಿದರು. ಕೆಲವರು ದಂಡ ಕಟ್ಟಿ ಐದಾರು ಮಾರಿನಷ್ಟು ಉದ್ದದ ಚಲನ್‌ ಪಡೆದರು. ಯಾರು ಸಂಚಾರ ನಿಯಮ ಉಲ್ಲಂಘನೆ ಮಾಡಬೇಡಿ ಎಂದು ಪೊಲೀಸರು ವಾಹನ ಸವಾರರಿಗೆ ಮನವಿ ಮಾಡಿದ್ದಾರೆ.