ಡಿಜಿಟಲ್‌ ಅರೆಸ್ಟ್‌; ವಂಚಕರ ಹೊಸ ಟ್ರಿಕ್‌!

ಹುಬ್ಬಳ್ಳಿಯ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿ ಒಂದು ವಾರದ ಅವಧಿಯಲ್ಲಿ ‘ಡಿಜಿಟಲ್‌ ಅರೆಸ್ಟ್‌’ ಸಂಬಂಧಿಸಿ ಮೂರು ಪ್ರಕರಣಗಳು ದಾಖಲಾಗಿದ್ದು, ಒಟ್ಟು ₹1.84 ಕೋಟಿ ವರ್ಗಾಯಿಸಿಕೊಂಡಿದ್ದಾರೆ.

ಬ್ಯಾಂಕ್‌ ನಿವೃತ್ತ ನೌಕರರಾದ ಧಾರವಾಡದ ಗಣಪತಿ ಅವರಿಗೆ ‘ಅಶ್ಲೀಲ ವಿಡಿಯೊ ಹಾಗೂ ಜಾಹೀರಾತು ಪ್ರದರ್ಶನ ಮಾಡಿರುವ ಆರೋಪದ ಕುರಿತು ಪ್ರಕರಣ ದಾಖಲಾಗಿದೆ’ ಎಂದು ಮುಂಬೈ ಪೊಲೀಸರ ಹೆಸರಲ್ಲಿ ಕರೆ ಮಾಡಿ ಬೆದರಿಸಿ, ₹95.50 ಲಕ್ಷ; ‘ನಕಲಿ ಪಾರ್ಸ್‌ಪೋರ್ಟ್,

ಎಟಿಎಂ ಕಾರ್ಡ್ ಹಾಗೂ ಡ್ರಗ್ಸ್ ಪಾರ್ಸಲ್ ನಿಮ್ಮ ವಿಳಾಸಕ್ಕೆ ಬಂದಿದೆ’ ಎಂದು ಹುಬ್ಬಳ್ಳಿಯ ದವನ್‌ ಅವರಿಗೆ ಕಸ್ಟಮ್‌ ಅಧಿಕಾರಿ ಹೆಸರಲ್ಲಿ ಕರೆ ಮಾಡಿ ಬೆದರಿಸಿ ₹7.49 ಲಕ್ಷ ಹಾಗೂ ಅಕ್ಷಯ ಎನ್ನುವವರಿಗೆ ‘ತೈವಾನ್‌ನಿಂದ ಪಾರ್ಸಲ್‌ ಬಂದಿದ್ದು, ಅದರಲ್ಲಿ ಕಾನೂನು ಬಾಹಿರ ವಸ್ತುಗಳಿವೆ’ ಎಂದು ಕ್ರೈಂ ಬ್ರ್ಯಾಂಚ್‌ ಡಿಸಿಪಿ ಹೆಸರಲ್ಲಿ ಬೆದರಿಸಿ ₹81.06 ಲಕ್ಷ ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ.