ಸೋಷಿಯಲ್‌ ಮೀಡಿಯಾ ವಿರುದ್ಧ ಶಿವರಾಜ್ ಕುಮಾರ್ ಬೇಸರ

ನಾವಿದ್ದ ಕಾಲ ಬಹಳ ಚೆನ್ನಾಗಿತ್ತು. ನಾವು ನಿಜಕ್ಕೂ ಪುಣ್ಯ ಮಾಡಿದ್ದೆವು. ಸೋಷಿಯಲ್‌ ಮೀಡಿಯಾದವರು ದಯವಿಟ್ಟು ಒಳ್ಳೆಯದು ಮಾಡೋಕೆ ನೋಡಿ. ಕೆಟ್ಟದ್ದು ಮಾಡಬೇಡಿ’ ಎಂದು ಕಿವಿಮಾತು ಹೇಳಿದರು.

ಸೋಷಿಯಲ್‌ ಮೀಡಿಯಾದಿಂದ ತಮ್ಮ ಹಾಗೂ ನಿರ್ಮಾಪಕ- ನಿರ್ದೇಶಕ ಆರ್‌. ಚಂದ್ರು ಅವರ ಸಂಬಂಧ ಹಾಳಾಗುವುದಿಲ್ಲ ಎಂದ ಅವರು, “ನೀವೇನೇ ಮಾಡಿದರೂ, ನಮ್ಮ ಸಂಬಂಧ ಹಾಳಾಗಲ್ಲ. ನನ್ನ ಮತ್ತು ಚಂದ್ರು ಅವರ ಬಾಂಧವ್ಯ ಯಾವಾಗಲೂ ಚೆನ್ನಾಗಿರುತ್ತದೆ. ನಾನೇನೇ ಇದ್ದರೂ ನೇರವಾಗಿ ಚಂದ್ರು ಅವರನ್ನು ಕೇಳುತ್ತೇನೆ. ಪತ್ರಿಕೋದ್ಯೋಮದ ನೈತಿಕತೆಯನ್ನು ಕೆಡಿಸುವ ಕೆಲಸ ಸೋಷಿಯಲ್‌ ಮೀಡಿಯಾ ಮಾಡುತ್ತಿದೆ. ಇಷ್ಟ ಬಂದ ಹಾಗೆ ಏನು ಬೇಕಾದರೂ ಹಾಕಿಕೊಳ್ಳಬಹುದು ಎನ್ನುವುದು ತಪ್ಪು. ನಿಮಗೆ ತಮಾಷೆ ಎನಿಸಬಹುದು. ನಿಮ್ಮನೆ ಒಲೆ ಉರಿಯೋಕೆ ಇನ್ನೊಬ್ಬರ ಮನೆಯ ಒಲೆ ಆರಿಸುವ ಕೆಲಸ ಮಾಡಬೇಡಿ. ಅದು ನಿಮಗೈ ಅಪಾಯ ಆಗುತ್ತದೆ’ ಎಂದು ಶಿವರಾಜಕುಮಾರ್‌ ಈ ಸಂದರ್ಭದಲ್ಲಿ ಹೇಳಿದರು.