ಎಷ್ಟು ಪ್ರಮಾಣದಲ್ಲಿ ಮದ್ಯ ಸೇವಿಸಿದ್ರೆ ಲಿವರ್​ ಡ್ಯಾಮೇಜ್​ ಆಗುತ್ತದೆ?

ಈ ಮಧ್ಯೆ ಇತ್ತೀಚಿನ ವರದಿಯೊಂದು ಎಷ್ಟು ಪ್ರಮಾಣದಲ್ಲಿ ಕುಡಿಯುವುದರಿಂದ ಲಿವರ್ ಆರೊಗ್ಯ ಕಾಪಾಡಿಕೊಳ್ಳಬಹುದು ಹಾಗೂ ಎಷ್ಟು ಕ್ವಾಂಟಿಟಿ ಸೇವನೆ ಮಾಡಿದ್ರೆ ಡ್ಯಾಮೇಜ್ ಆಗಬಹುದು ಎಂಬುದರ ಮಾಹಿತಿ ಹಂಚಿಕೊಂಡಿದೆ. ಅದು ಹೀಗಿದೆ ನೋಡಿ.

ಯಾವುದೇ ಟೈಪ್ ಅಥವಾ ಕ್ವಾಂಟಿಟಿವುಳ್ಳ ಆಲ್ಕೋಹಾಲ್ ಸೇವನೆಯು ಲಿವರ್ ಆರೋಗ್ಯಕ್ಕೆ ಹಾನಿಕಾರ. ಈ ಸಂಗತಿ ಮದ್ಯಪ್ರಿಯರು ತಪ್ಪದೇ ತಿಳಿಯುವುದು ಉತ್ತಮ. ಪುರುಷರಿಗಿಂತ ಮಹಿಳೆಯರಿಗೆ ಇದರಿಂದ ಹೆಚ್ಚು ಹಾನಿ ಸಂಭವವಿರುವುದು ವರದಿಯಲ್ಲಿ ಪತ್ತೆಯಾಗಿದೆ. ಕಡಿಮೆ ಪ್ರಮಾಣದಲ್ಲಿ ಕುಡಿದರು ಕೂಡ ಮಹಿಳೆಯರಿಗೆ ಹೆಚ್ಚಿನ ಆಪತ್ತು ಎಂದು ವರದಿ ಉಲ್ಲೇಖಿಸಿದೆ.

ಅತೀಯಾಗಿ ಕುಡಿಯುವುದು, ವಾರಾಂತ್ಯದ ಪಾರ್ಟಿಗಳಲ್ಲಿ ನಶೆ ಏರುವಂತೆ ಸೇವಿಸುವುದು ಬಹಳ ಅಪಾಯಕಾರಿ. ಅನೇಕ ಯುವಕರು ಅಪರೂಪಕ್ಕೆ ಹೆಚ್ಚಾಗಿ ಕುಡಿಯುವುದರಿಂದ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ಭಾವಿಸಿ, ಅಳತೆ ಮೀರಿ ಮದ್ಯ ಸೇವಿಸುತ್ತಾರೆ. ಆದರೆ, ಇದು ಕೂಡ ಅತ್ಯಂತ ಡೆಂಜರೆಸ್​ ಎಂಬುದು ಗಮದಲ್ಲಿರಲಿ. ಲಿವರ್​ ಸಮಸ್ಯೆಯಿಂದ ಬಳಲುವವರು ಕೆಲವು ಸಮಯ ಮದ್ಯದಿಂದ ದೂರವಿದ್ದು, ಲಿವರ್ ಆರೋಗ್ಯ ಚೇತರಿಸಿಕೊಳ್ಳಲಿ ಎಂದು ನಿರ್ಧರಿಸಿ, ತದನಂತರ ಮತ್ತೆ ಸೇವಿಸಲು ಪ್ರಾರಂಭಿಸುತ್ತಾರೆ. ಕೆಲವರಲ್ಲಿ ಅಲ್ಕೋಹಾಲ್ ತ್ಯಜಿಸಿದ ಬಳಿಕ ಫ್ಯಾಟಿ ಲಿವರ್​ ಕಂಡುಬರುತ್ತದೆ.