ಸೂರ್ಯಗ್ರಹಣ: ಹಲವೆಡೆ ದೇವರ ದರ್ಶನ ಬಂದ್‌

ಆದರೆ, ಮೂರ್ತಿಗಳ ಮೇಲೆ ಬಿಲ್ವಪತ್ರಿ, ಶಾಲುಗಳನ್ನು ಹೊದಿಸಿ ಮರೆ ಮಾಟಲಾಯಿತು.

ಸಂಜೆ 4.30ಕ್ಕೆ ಸರಿಯಾಗಿ ಬೆಳಗಾವಿಯಲ್ಲಿ ಸೂರ್ಯಗ್ರಹಣ ಗೋಚರವಾಗಲಿದೆ ಎಂದು ಅರ್ಚಕರು ಮಾಹಿತಿ ನೀಡಿದರು. ಸೋಮವಾರವೇ ಹಲವು ದೇವಸ್ಥಾನಗಳಲ್ಲಿ ಗ್ರಹಣ ಮಾಹಿತಿ ಹಾಗೂ ದೋಷ ನಿವಾರಣಾ ವಿಧಾನಗಳ ಬಗ್ಗೆ ವಿವರ ನೀಡಲಾಯಿತು. ಹೀಗಾಗಿ, ಮಂಗಳವಾರ ನಸುಕಿನಲ್ಲೇ ಹಲವರು ದೇವರ ಪೂಜೆ ನೆರವೇರಿಸಿದರು.

‘ದಕ್ಷಿಣ ಕಾಶಿ’ ಎಂದೇ ಹೆಸರಾದ ಇಲ್ಲಿನ ಕಪಿಲೇಶ್ವರ ಮಂದಿರದಲ್ಲಿ ಬೆಳಿಗ್ಗೆಯಿಂದ ಜನಜಂಗುಳಿ ಕಂಡುಬಂತು. ಗ್ರಹಣ ಆರಂಭವಾಗುವ ಮುನ್ನವೇ ಅರ್ಚಕರು ಪೀತಾಂಬರ ಹೊದಿಸಿ ಶಿವನ ಮೂರ್ತಿಯನ್ನು ಮುಚ್ಚಿದರು. ನಂತರ ಮಹಾಮೃತ್ಯುಂಜಯ ಹೋಮ ಆರಂಭಿಸಿದರು.

ಸವದತ್ತಿಯ ರೇಣುಕಾ ಯಲ್ಲಮ್ಮ ದೇವಸ್ಥಾನ ಹಾಗೂ ಚಿಂಚಿಲಿ ಮಾಯಕ್ಕ ದೇವಸ್ಥಾನದಲ್ಲಿ ದೇವರ ದರ್ಶನ ಮುಂದುವರಿಸಿದ್ದರೂ ಪೂಜೆ, ಪ್ರಸಾದ, ಆರತಿ ಬಂದ್‌ ಮಾಡಲಾಯಿತು.