ಯಲ್ಲಮ್ಮನ ಗುಡ್ಡದಲ್ಲಿ ಮಳೆ ಅವಾಂತರ: ಹುಂಡಿಗೆ ನುಗ್ಗಿದ ನೀರು, ತೊಯ್ದ ಕಾಣಿಕೆ ಹಣ

ನೀರಿನಲ್ಲಿ ತೊಯ್ದ ಹುಂಡಿ ಹಣ: ಪ್ರವಾಹದ ನೀರು ದೇವಸ್ಥಾನಕ್ಕೆ ನುಗ್ಗಿದ್ದರಿಂದ ಹುಂಡಿಯಲ್ಲಿನ ಹಣ ಸಂಪೂರ್ಣವಾಗಿ ತೊಯ್ದಿದೆ. ಭಕ್ತರು ಕಾಣಿಕೆ ರೂಪದಲ್ಲಿ ಹಾಕಿದ್ದ ನೋಟುಗಳು ನೀರಿನಿಂದ ಮುದ್ದೆಯಾಗಿವೆ. ಈಗ ದೇವಸ್ಥಾನ ಸಿಬ್ಬಂದಿ ಹಣವನ್ನು ಬಿಸಿಲಿನಲ್ಲಿ ಬಟ್ಟೆಯಂತೆ ಒಣಗಿಸಿ, ಸಂಗ್ರಹಿಸುತ್ತಿದ್ದಾರೆ.

ಕಳೆದ ಶುಕ್ರವಾರ ಸುರಿದ ಧಾರಾಕಾರ ಮಳೆಯಿಂದ ಸವದತ್ತಿ ಯಲ್ಲಮ್ಮ ದೇವಸ್ಥಾನಕ್ಕೆ ಜಲದಿಗ್ಬಂಧನ ಆಗಿತ್ತು. ನೂಲು ಹುಣ್ಣಿಮೆ ನಿಮಿತ್ತ ದೇವಿ ದರ್ಶನಕ್ಕೆ ಬರುತ್ತಿದ್ದ ಸಾವಿರಾರು ಭಕ್ತರು ಪರದಾಡಿದ್ದರು. ಇಲ್ಲಿನ ಎಣ್ಣೆ ಹೊಂಡ, ಟಿಕೆಟ್​ ಕೌಂಟರ್, ಕಾಣಿಕೆ ಹುಂಡಿ ಎಲ್ಲವೂ ಪ್ರವಾಹದ ನೀರಿನಲ್ಲಿ ಮುಳುಗಿತ್ತು.