ರೈತ ಮನಸ್ಸು ಮಾಡಿದರೆ ಯಾರಿಗೂ ಕಡಿಮೆ ಇಲ್ಲ..! 30 ಕೋಟಿ ರೂಪಾಯಿ ಮೌಲ್ಯದ ಬೆಲ್-407 ಹೆಲಿಕಾಪ್ಟರ್ ಖರೀದಿ

ರೈತ ಮನಸ್ಸು ಮಾಡಿದರೆ ಯಾರಿಗೂ ಕಡಿಮೆ ಇಲ್ಲ..!
ಮಹಾರಾಷ್ಟ್ರದ ಭಿವಂಡಿಯ ರೈತ ಹಾಗೂ ಉದ್ಯಮಿ Janardhan Bhoir ದೇಶದ ಗಮನ ಸೆಳೆದಿದ್ದಾರೆ. ಸುಮಾರು 30 ಕೋಟಿ ರೂಪಾಯಿ ಮೌಲ್ಯದ ಬೆಲ್-407 ಹೆಲಿಕಾಪ್ಟರ್ ಖರೀದಿಸುವ ಮೂಲಕ ಅವರು ಸುದ್ದಿಯಾಗಿದ್ದಾರೆ.
ಹೈನುಗಾರಿಕೆ ಮತ್ತು ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ದೊಡ್ಡ ಮಟ್ಟದ ವ್ಯವಹಾರ ನಡೆಸುತ್ತಿರುವ ಜನಾರ್ದನ್ ಭೋಯಿರ್ ಅವರಿಗೆ ಪಂಜಾಬ್, ಹರಿಯಾಣ, ರಾಜಸ್ಥಾನ ಹಾಗೂ ಗುಜರಾತ್ ಸೇರಿದಂತೆ ವಿವಿಧ ರಾಜ್ಯಗಳಿಗೆ ನಿರಂತರವಾಗಿ ಸಂಚರಿಸಬೇಕಾಗುತ್ತದೆ.
ಗ್ರಾಮೀಣ ಮತ್ತು ದೂರದ ಪ್ರದೇಶಗಳಲ್ಲಿ ವಿಮಾನ ನಿಲ್ದಾಣಗಳ ಸೌಲಭ್ಯ ಇಲ್ಲದ ಕಾರಣ, ರಸ್ತೆ ಸಂಚಾರದ ದಟ್ಟಣೆ ಹಾಗೂ ಸಮಯ ವ್ಯರ್ಥವಾಗುವುದನ್ನು ತಪ್ಪಿಸಲು ಅವರು ಹೆಲಿಕಾಪ್ಟರ್ ಖರೀದಿಸುವ ನಿರ್ಧಾರ ಕೈಗೊಂಡಿದ್ದಾರೆ.
ಹೆಲಿಕಾಪ್ಟರ್‌ಗಾಗಿ ತಮ್ಮ 2.5 ಎಕರೆ ಜಾಗದಲ್ಲಿ ಹೆಲಿಪ್ಯಾಡ್, ಗ್ಯಾರೇಜ್ ಹಾಗೂ ಪೈಲಟ್ ವಸತಿ ಕೊಠಡಿಗಳನ್ನು ನಿರ್ಮಿಸಿದ್ದಾರೆ. ಜೊತೆಗೆ ಹೆಲಿಕಾಪ್ಟರ್ ನಿರ್ವಹಣೆಗೆ ಒಬ್ಬ ಪೈಲಟ್ ಮತ್ತು ಇಬ್ಬರು ಇಂಜಿನಿಯರ್‌ಗಳನ್ನು ನೇಮಕ ಮಾಡಿಕೊಂಡಿದ್ದಾರೆ.
ಕಠಿಣ ಪರಿಶ್ರಮ, ದೂರದೃಷ್ಟಿ ಮತ್ತು ಉದ್ಯಮಶೀಲತೆಯಿಂದ ಸಾಧನೆ ಮಾಡಿದ ಜನಾರ್ದನ್ ಭೋಯಿರ್ ಅವರ ಕಥೆ ಇಂದು ಅನೇಕ ರೈತರು ಹಾಗೂ ಯುವ ಉದ್ಯಮಿಗಳಿಗೆ ಪ್ರೇರಣೆಯಾಗಿದೆ.
“ರೈತ ಸಂಕಲ್ಪ ಮಾಡಿದರೆ ಆಕಾಶವೂ ಗಡಿ ಅಲ್ಲ” ಎಂಬುದಕ್ಕೆ ಜನಾರ್ದನ್ ಭೋಯಿರ್ ಜೀವಂತ ಉದಾಹರಣೆಯಾಗಿದ್ದಾರೆ.