Laxmi News 24×7
ಪುಣೆ : ಪ್ರದೀಪ್ ನರ್ವಾಲ್ (22 ಪಾಯಿಂಟ್ಸ್) ಅವರ ಮಿಂಚಿನ ಆಟದ ನೆರವಿನಿಂದ ಯು.ಪಿ.ಯೋಧಾಸ್ ತಂಡ ಪ್ರೊ ಕಬಡ್ಡಿ ಲೀಗ್ನಲ್ಲಿ ಸುಲಭ ಗೆಲುವು ಪಡೆಯಿತು.
ಬಾಳೇವಾಡಿಯ ಶಿವಛತ್ರಪತಿ ಕ್ರೀಡಾ ಸಂಕೀರ್ಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಯೋಧಾಸ್ 50-31 ರಲ್ಲಿ ದಬಾಂಗ್ ಡೆಲ್ಲಿ ತಂಡವನ್ನು ಮಣಿಸಿತು.
ವಿಜಯಿ ತಂಡ ವಿರಾಮದ ವೇಳೆಗೆ 29-14 ರಲ್ಲಿ ಮುನ್ನಡೆಯಲ್ಲಿತ್ತು.
ಪೈರೇಟ್ಸ್- ತಲೈವಾಸ್ ಪಂದ್ಯ ಟೈ: ಪಟ್ನಾ ಪೈರೇಟ್ಸ್ ಮತ್ತು ತಮಿಳ್ ತಲೈವಾಸ್ ನಡುವಿನ ದಿನದ ಮೊದಲ ಪಂದ್ಯ 33-33 ಪಾಯಿಂಟ್ಸ್ಗಳಿಂದ ‘ಟೈ’ನಲ್ಲಿ ಕೊನೆಗೊಂಡಿತು.
ಪ್ರಥಮಾರ್ಧದಲ್ಲಿ ಪೈರೇಟ್ಸ್ 20-14 ರಲ್ಲಿ ಮುನ್ನಡೆ ಸಾಧಿಸಿತ್ತು. ನರೇಂದರ್ (14 ಪಾಯಿಂಟ್ಸ್) ಅವರ ಉತ್ತಮ ಆಟದ ನೆರವಿನಿಂದ ಎರಡನೇ ಅವಧಿಯಲ್ಲಿ ತಿರುಗೇಟು ನೀಡಿದ ತಲೈವಾಸ್ ಸೋಲು ತಪ್ಪಿಸಿಕೊಂಡಿತು.
ನಾಳೆಯಿಂದ ಹೈದರಾಬಾದ್ನಲ್ಲಿ ಪಂದ್ಯ: ಬುಧವಾರದ ಪಂದ್ಯದೊಂದಿಗೆ ಲೀಗ್ನ ಪುಣೆ ಲೆಗ್ಗೆ ತೆರೆಬಿದ್ದಿದೆ. ಅಂತಿಮ ಲೆಗ್ನ ಪಂದ್ಯಗಳು ಹೈದರಾಬಾದ್ನ ಗಚ್ಚಿಬೌಳಿ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರದಿಂದ ನಡೆಯಲಿದೆ.
ಶುಕ್ರವಾರದ ಪಂದ್ಯಗಳು
* ಪುಣೇರಿ ಪಲ್ಟನ್- ಹರಿಯಾಣ ಸ್ಟೀಲರ್ಸ್
* ಬೆಂಗಾಲ್ ವಾರಿಯರ್ಸ್- ತೆಲುಗು ಟೈಟನ್ಸ್
* ಗುಜರಾತ್ ಜೈಂಟ್ಸ್- ಬೆಂಗಳೂರು ಬುಲ್ಸ್
