ಸಚಿವ ಶರಣಪ್ರಕಾಶ್​​ ಪಾಟೀಲ್, ಕಾಂಗ್ರೆಸ್​​​​ ಮುಖಂಡನ ನಡುವೆ ಮಾತಿನ ಚಕಮಕಿ

“ನಮ್ಮ ರಾಯಚೂರು ಜಿಲ್ಲಾ ಸಚಿವರಾಗಿದ್ದೀರಿ, ನಮ್ಮ ವಿಧಾನಸಭಾ ಕ್ಷೇತ್ರವಿದು. ಇಲ್ಲಿ ಪಕ್ಷದ ಕಾರ್ಯಾಲಯವಿದೆ. ಕಾರ್ಯಕರ್ತರು ಇದ್ದಾರೆ, ಮುಖಂಡರು ಇದ್ದಾರೆ. ಆದರೆ ನೀವು ಯಾವುದೇ ಮಾಹಿತಿ ನೀಡದೆ ಬರುತ್ತೀರಲ್ಲಾ? ಎಂದು ಗದ್ದೆನಗೌಡ ಪಾಟೀಲ್ ಪ್ರಶ್ನೆ ಮಾಡಿದ್ದಾರೆ.

ಆಗ ಗರಂ ಆದ ಸಚಿವರು, ” ನಾನು ಲಿಂಗಸುಗೂರು ಬಂದಿಲ್ಲ. ಬೇರೆ ಕಡೆ ಹೋಗುತ್ತಿರುವೆ, ನಿನ್ಯಾರ ನನ್ನ ಕೇಳೋಕೆ?. ನಾನ್​ಸೆನ್ಸ್​ ಥರ ಮಾತನಾಡಬೇಡ” ಎಂದು ಗದರಿದ್ದಾರೆ.

ಆ ಬಳಿಕ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದಿದೆ. ಈ ವೇಳೆ ಇದ್ದ ಮುಖಂಡರು ಸಮಾಧಾನ ಪಡಿಸಲು ಮುಂದಾದರೂ ಹಾಗೇ ವಾಗ್ವಾದ ನಡೆಯಿತು. ಇದರಿಂದ ಕೆರಳಿದ ಸಚಿವರು ಅಲ್ಲಿಂದ ತೆರಳಿದರು.