ಇಎಂಐ ಪಾವತಿಯಿಂದ ವಿನಾಯಿತಿ ಪಡೆದವರಿಗೆ ಸಾಲ ಸೌಲಭ್ಯ?

ಲಾಕ್​ಡೌನ್​ ಘೋಷಣೆ ಆದ ನಂತರ ಅನೇಕರು ಆರ್ಥಿಕ ಬಿಕ್ಕಟ್ಟು ಎದುರುಸಿದ್ದರು. ಈ ವೇಳೆ ಸಾಮಾನ್ಯರಿಗೆ ಸಹಕಾರಿಯಾಗಲಿ ಎನ್ನುವ ಕಾರಣಕ್ಕೆ ಆರ್​ಬಿಐ ಇಎಂಐ ಪಾವತಿ ಮಾಡುವುದರ ಮೇಲೆ ವಿನಾಯಿತಿ ನೀಡಿತ್ತು. ಶಾಂಕಿಂಗ್​ ವಿಚಾರ ಏನೆಂದರೆ, ಇಎಂಐ ಪಾವತಿ ಮಾಡದೆ ಇರುವವರಿಗೆ ಈಗ ಸಾಲ ಸೀಗೋದು ಕಷ್ಟವಾಗುತ್ತದೆ ಎನ್ನುವ ಮಾತು ಕೇಳಿ ಬಂದಿದೆ. ಅದು ಹೇಗೆ ಅಂತೀರಾ? ಇಲ್ಲಿದೆ ನೋಡಿ ಮಾಹಿತಿ. ಸಾಲ ನೀಡುವುದಕ್ಕೂ ಮೊದಲು ಬ್ಯಾಂಕ್​ನವರು ಸಿಬಿಲ್​ ಸ್ಕೋರ್​ ನೋಡುತ್ತಾರೆ. ಸರಿಯಾದ ರೀತಿಯಲ್ಲಿ ಸಾಲ ಮರುಪಾವತಿ ಮಾಡಿದ್ದರೆ ಅಂಥವರ ಸಿಬಿಲ್​ ಸ್ಕೋರ್​ ಉತ್ತಮವಾಗಿರುತ್ತದೆ. ಆದರೆ, ಸಿಬಿ​ಲ್​ ಸ್ಕೋರ್​ ಉತ್ತಮವಾಗಿರದಿದ್ದರೆ ಅಂಥವರಿಗೆ ಸಾಲ ನೀಡಲು ಬ್ಯಾಂಕ್​ಗಳು ನಿರಾಕರಿಸಿತ್ತವೆ.  ಮೂಲಗಳ ಪ್ರಕಾರ, ಈಗ ಇಎಂಐ ಕಟ್ಟದೇ ಇರುವವರ ಸಿಬಿ​ಲ್​ ಸ್ಕೋರ್​ ಡೌನ್​ ಆಗಲಿದೆ ಎನ್ನಲಾಗಿದೆ. ಹೀಗಾಗಿ, ಮುಂದಿನ ದಿನಗಳಲ್ಲಿ ಬ್ಯಾಂಕ್​ನವರು ಇಂಥವರಿಗೆ ಸಾಲ ನೀಡೋಕೆ ನಿರಾಕರಿಸಬಹುದು ಎನ್ನುವ ಮಾತು ಕೇಳಿ ಬಂದಿದೆ. ಇಎಂಐ ಪಾವತಿಯಿಂದ ಸಾಲ ಪಡೆದವರ ಮೇಲೆ ಯಾವುದೇ ನೇರ ಪರಿಣಾಮ ಉಂಟಾಗುವುದಿಲ್ಲ ಎಂದು ರಿಸರ್ವ್​ ಬ್ಯಾಂಕ್​ ಹೇಳಿತ್ತು. ಆದರೆ, ಈಗ ಅದು ನಿಜವೇ ಎನ್ನುವ ಪ್ರಶ್ನೆ ಜನರನ್ನು ಕಾಡುತ್ತಿದೆ.  ಇನ್ನುಮುಂದೆ ಸಾಲ ಸಿಗಬೇಕು ಎಂದರೆ ಏನು ಮಾಡಬೇಕು ಎನ್ನುವ ಪ್ರಶ್ನೆ ಇಎಂಐ ಪಾವತಿ ಮಾಡದೆ ಇದ್ದವರದ್ದು. ಇದಕ್ಕೆ ಉತ್ತರವಿದೆ. ಇನ್ನು, ಬರುವ ತಿಂಗಳಲ್ಲಿ ಇಎಂಐ ಸರಿಯಾಗಿ ಪಾವತಿ ಮಾಡಬೇಕು. ಈ ಮೂಲಕ ಮುಂದಾಗುವ ತೊಂದರೆಯಿಂದ ತಪ್ಪಿಸಿಕೊಳ್ಳಬಹುದಾಗಿದೆ.