ಮಲ್ಲಿಕಾ ಶೆರಾವತ್​ ಸೊಂಟದ ಮೇಲೆ ಚಪಾತಿ ಬೇಯಿಸುತ್ತೇನೆ ಎಂದಿದ್ದರಂತೆ ಈ ನಿರ್ಮಾಪಕ

ನಿರ್ಮಾಪಕರೊಬ್ಬರು ಹಾಡೊಂದರ ಶೂಟಿಂಗ್​​ಗೆ ನಿಮ್ಮ ಸೊಂಟದ ಮೇಲೆ ಚಪಾತಿ ಬೇಯುವಂತೆ ಚಿತ್ರೀಕರಿಸೋಣ. ಇದರಿಂದ ನೀವು ಎಷ್ಟು ಹಾಟ್​ ಅನ್ನೋದನ್ನ ತೋರಿಸಿದಂತಾಗುತ್ತದೆ ಎಂದು ಹೇಳಿದ್ದರಂತೆ..! ಆದರೆ ಇದು ತಮಾಷೆ ರೀತಿ ಕಾಣಬಹುದು ಎಂದು ಮಲ್ಲಿಕಾ ಇದನ್ನು ನಿರಾಕರಿಸಿದ್ದರಂತೆ.

ಹಾಡೊಂದರ ಶೂಟಿಂಗ್​​ ವಿಚಾರವಾಗಿ ನನ್ನೊಡನೆ ಮಾತನಾಡಲು ಬಂದಿದ್ದ ನಿರ್ಮಾಪಕರೊಬ್ಬರು, ಇದೊಂದು ಹಾಟ್​​ ಸಾಂಗ್​ ಆಗಿದೆ. ಪ್ರೇಕ್ಷಕರಿಗೆ ನೀವು ಹಾಟ್​ ಇದ್ದೀರಾ ಎಂದು ತಿಳಿಸೋದು ಹೇಗೆ..? ನೀವು ಎಷ್ಟು ಹಾಟ್​ ಅಂದರೆ ನಿಮ್ಮ ಸೊಂಟದಲ್ಲಿ ಚಪಾತಿ ಬೇಯಿಸಬಹುದು. ಎಂದು ನನ್ನ ಬಳಿ ಹೇಳಿದ್ದರು ಅಂತಾ ಮಲ್ಲಿಕಾ ಹೇಳಿದ್ರು. ಆದರೆ ಇದಕ್ಕೆ ನಿರಾಕರಿಸಿದ ಮಲ್ಲಿಕಾ ನಾನು ಈ ರೀತಿಯ ದೃಶ್ಯಗಳನ್ನು ಶೂಟ್​ ಮಾಡೋದಿಲ್ಲ ಎಂದು ಹೇಳಿದ್ದರಂತೆ.

ಭಾರತದಲ್ಲಿ ಹಾಟ್​ ಎಂಬ ಪದಕ್ಕೆ ಬೇರೆಯದ್ದೇ ಅರ್ಥ ನೀಡಲಾಗಿದೆ. ಹಾಟ್​ ಹುಡುಗಿ ಅಂದ ಮಾತ್ರಕ್ಕೆ ಆಕೆಯನ್ನು ವಿಚಿತ್ರವಾಗಿ ನೋಡಲಾಗುತ್ತೆ. ಅದು ಯಾಕೆ ಹಾಗೆ ಎಂದು ನನಗೆ ಅರ್ಥವಾಗುತ್ತಿಲ್ಲ. ಈಗ ಈ ದೃಷ್ಟಿಕೋನ ಕೊಂಚ ಮಟ್ಟಿಗೆ ಬದಲಾಗಿದೆ. ಆದರೆ ನಾನು ವೃತ್ತಿ ಜೀವನ ಆರಂಭಿಸಿದ್ದಾಗ ಇದು ವಿಚಿತ್ರವಾಗಿತ್ತು ಎಂದು ಹೇಳಿದ್ರು.