ಸಂಸದೆ ಕಂಗನಾ ರಣಾವತ್​ಗೆ CISF ಅಧಿಕಾರಿಯಿಂದ ಕಪಾಳಮೋಕ್ಷ

ಕಂಗನಾ ಮೇಲೆ ಹಲ್ಲೆ ನಡೆಸಿರುವ ಪೇದೆ ಹೆಸರು ಕುಲ್ವಿಂದರ್​ ಕೌರ್​ ಎಂದು ಗುರುತಿಸಲಾಗಿದ್ದು, ಕಂಗನಾ ರೈತರಿಗೆ ಅವಮಾನ ಮಾಡಿದ್ದಾರೆ ಎಂದು ಆರೋಪಿಸಿ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ.

ಚಂಡೀಗಢದಿಂದ ದೆಹಲಿಯತ್ತ ಪ್ರಯಾಣ ಮಾಡುವಾಗ ಈ ಘಟನೆ ನಡೆದಿದ್ದು, ತನಿಖೆ ನಡೆಸಲು CISF ಉನ್ನತ ಮಟ್ಟದ ಸಮಿತಿಯನ್ನು ರಚಿಸಿದೆ.

ಈ ಕುರಿತು ಪ್ರತಿಕ್ರಿಯಿಸಿರುವ ನಟಿ ಕಂಗನಾ ಕಚೇರಿ ಸಿಬ್ಬಂದಿ, ಚೆಕ್ಕಿಂಗ್​ ನಂತರ ಬೋರ್ಡಿಂಗ್​ ಪಾಯಿಂಟ್​ನತ್ತ ತೆರಳುವಾಗ ಕುಲ್ವಿಂದರ್​ ಕೌರ್​ ಎಂಬ ಅಧಿಕಾರಿಯು ನೀವು ರೈತರಿಗೆ ಅವಮಾನ ಮಾಡಿದ್ದೀರಾ ಎಂದು ಆರೋಪಿಸಿ ಕಂಗನಾ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ.

ಹಲ್ಲೆ ಸಂಬಂಧಿ CISF ನಿರ್ದೇಶಕ ನೀನಾ ಸಿಂಗ್​ ಅವರಿಗೆ ದೂರು ನೀಡಲಾಗಿದ್ದು, ಉನ್ನತ ಮಟ್ಟದ ಸಮಿತಿಯನ್ನು ರಚಿಸಿ ತನಿಖೆಗೆ ಆದೇಶಿಸಿದ್ದಾರೆ ಎಂದು ಕಂಗನಾ ಕಚೇರಿ ಸಿಬ್ಬಂದಿ ತಿಳಿಸಿದ್ದಾರೆ.