ಬೆಳಗಾವಿಯ ಗಣೇಶೋತ್ಸವ ಮಂಡಳಿಗಳಿಂದ ಪರಿಸರ ಸ್ನೇಹಿ ಗಣೇಶನ್ನು ಸ್ವಾಗತಿಸಲು ವೇದಿಕೆ ಸಜ್ಜಾಗುತ್ತಿವೆ.

ಬೆಳಗಾವಿಯ ಗಣೇಶೋತ್ಸವ ಮಂಡಳಿಗಳಿಂದ ಪರಿಸರ ಸ್ನೇಹಿ ಗಣೇಶನ್ನು ಸ್ವಾಗತಿಸಲು ವೇದಿಕೆ ಸಜ್ಜಾಗುತ್ತಿವೆ. ಹಳೆ ಗಾಂಧಿನಗರದ ಶಿಲ್ಪಿ ಸುನೀಲ್ ಸಿದ್ದಪ್ಪ ಆನಂದಾಚೆ ಅವರು ಈ ವರ್ಷ ರುದ್ರಾಕ್ಷಿಯಿಂದ 12 ಅಡಿ ಎತ್ತರದ ಗಣೇಶ ವಿಗ್ರಹ ನಿರ್ಮಾಣಮಾಡಿದ್ದಾರೆ

 ಬೆಳಗಾವಿಯ ಗಣೇಶೋತ್ಸವಕ್ಕೆ ವಿಶಿಷ್ಟ ಸಂಪ್ರದಾಯವಿದೆ. 1905 ರಲ್ಲಿ ಲೋಕಮಾನ್ಯ ತಿಲಕರು ಬೆಳಗಾವಿಯಲ್ಲಿ ಸಾರ್ವಜನಿಕ ಗಣೇಶ ಹಬ್ಬವನ್ನು ಸ್ಥಾಪಿಸಿದರು. ಅಂದಿನಿಂದ ಬೆಳಗಾವಿಯಲ್ಲಿ ನಿರಂತರವಾಗಿ ವಿವಿಧ ಸಾಮಾಜಿಕ ಹಾಗೂ ಪರಿಸರ ಸ್ನೇಹಿ ಚಟುವಟಿಕೆಗಳನ್ನು ನಡೆಸುವ ಮೂಲಕ ಗಣೇಶೋತ್ಸವವನ್ನು ಆಚರಿಸಲಾಗುತ್ತಿದೆ. ಈ ಸಂಪ್ರದಾಯವನ್ನು ಮುಂದುವರೆಸಿಕೊಂಡು ಇಂದಿನ ಆಧುನಿಕ ಕಾಲದಲ್ಲೂ ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳನ್ನು ಪ್ರತಿಷ್ಠಾಪಿಸುವ ಕಾರ್ಯಕ್ಕೆ ಹಲವು ಮಂಡಳಗಳು ಮುಂದಾಗಿವೆ. ಅದಕ್ಕೆ ಶಿಲ್ಪಿಗಳೂ ಅಷ್ಟೇ ಉತ್ಸಾಹದಿಂದ ಸಹಕರಿಸುತ್ತಿದ್ದಾರೆ .

ಬೆಳಗಾವಿಯ ಹಳೇ ಗಾಂಧಿನಗರದ ಶಿಲ್ಪಿ ಸುನೀಲ್ ಸಿದ್ದಪ್ಪ ಆನಂದಾಚೆ ಅವರು ಕಳೆದ ಕೆಲವು ವರ್ಷಗಳಿಂದ ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳನ್ನು ನಿರ್ಮಿಸುವ ಉತ್ಸಾಹವನ್ನು ಉಳಿಸಿಕೊಂಡಿದ್ದಾರೆ. ಅವರು ಈ ಹಿಂದೆ ಅಡಿಕೆ, ಮೋದಕ, ಒಣ ಹಣ್ಣುಗಳು, ಕಾಗದದ ಗಾಜು, ಹೂವುಗಳು, ಧಾನ್ಯಗಳು ಮತ್ತು ಉತ್ತಮವಾದ ಮರಳಿನಿಂದ ಮೂರ್ತಿಯನ್ನು ತಯಾರಿಸಿದ್ದರು . ಈ ಸಂಪ್ರದಾಯವನ್ನು ಇಟ್ಟುಕೊಂಡು ಈ ವರ್ಷ ರುದ್ರಾಕ್ಷಿಯಿಂದ 12 ಅಡಿ ಎತ್ತರದ ಭವ್ಯವಾದ ಮತ್ತು ಸುಂದರವಾದ ಗಣೇಶನ ವಿಗ್ರಹವನ್ನು ರಚಿಸಿದ್ದಾರೆ.

ಈ ಕುರಿತು ಇನ್ ನ್ಯೂಸ್ ಗೆ ಮಾಹಿತಿ ನೀಡಿದ ಶಿಲ್ಪಿ ಸುನೀಲ್ ಆನಂದಚೆ ಪರಿಸರ ಸ್ನೇಹಿ ವಸ್ತುಗಳಿಂದ ಮಾತ್ರ ಗಣೇಶ ಮೂರ್ತಿಗಳನ್ನು ನಾನು ತಯಾರಿಸುತ್ತೇನೆ. ಈ ಹಿಂದೆ ಕೋವಿಡ್ ಅವಧಿಯ ಹಿಂದೆ ಮೋದಕಗಳು, ಡ್ರೈ ಫ್ರೂಟ್ಸ್, ಪೇಪರ್ ಗ್ಲಾಸ್, ಹೂವುಗಳು, ಧಾನ್ಯಗಳು ಮತ್ತು ಮರಳಿನಿಂದ ನಾನು ಗಣೇಶ ಮೂರ್ತಿಗಳನ್ನು ತಯಾರಿಸಿದ್ದೇನೆ. ಈ ವರ್ಷ ರುದ್ರಾಕ್ಷಿಯಿಂದ 12 ಅಡಿ ಎತ್ತರದ ಭವ್ಯವಾದ ಸುಂದರ ಗಣೇಶನ ಮೂರ್ತಿಯನ್ನು ತಯಾರಿಸಿದ್ದು ನನಗೆ ಖುಷಿಯಾಗಿದೆ . ವೃತ್ತಿಯಲ್ಲಿ ಪ್ಲಂಬರ್ ಆಗಿದ್ದ ನಾನು ಪ್ರತಿದಿನ ಒಂದೂವರೆ ಗಂಟೆ ಕೆಲಸ ಮಾಡುತ್ತಿದ್ದೆ .