ಜನರಿಗೆ ಪಂಗನಾಮ ಹಾಕಲು ವಂಚಕರು ಹೊಸ ಹೊಸ ದಾರಿ

ಹಣ ಪಾವತಿ ಆಗಿದೆಯೋ? ಇಲ್ಲವೋ? ಎಂಬುದನ್ನು ಪ್ರತಿ ಪೇಮೆಂಟ್​ ವೇಳೆ ಖಾತರಿಪಡಿಸಿಕೊಳ್ಳುತ್ತೇವೆ. ಆದರೆ, ಇದೀಗ ವೈರಲ್​ ಆಗಿರುವ ವಿಡಿಯೋ ಒಂದರಲ್ಲಿ ಆನ್​ಲೈನ್​ ವಂಚಕರ ಕೈಚಳಕ ನೋಡಿ ಜನರು ಶಾಕ್​ ಆಗಿದ್ದಾರೆ.

ಹಣ ಪಾವತಿ ಆಗಿರುವಂತೆ ತೋರಿಸುವ ಫ್ರ್ಯಾಂಕ್​ ಪೇಮೆಂಟ್​ ಹೆಸರಿನ ಆಯಪ್​ ಒಂದನ್ನು ಸೈಬರ್​ ವಂಚಕರು ಸೃಷ್ಟಿಸಿದ್ದಾರೆ. ಅಕೌಂಟ್​ಗೆ ಹಣ ಪಾವತಿ ಆಗಿರುವಂತೆ ತೋರಿಸುತ್ತದೆ, ಆದರೆ, ಹಣ ಅಕೌಂಟ್​ಗೆ ಜಮೆ ಆಗುವುದಿಲ್ಲ. ಅಕೌಂಟ್​ ಪರಿಶೀಲಿಸಿಕೊಳ್ಳದೇ ಹಾಗೇ ಬಿಟ್ಟು ಕಳುಹಿಸಿದ್ದಲ್ಲಿ ಪಂಗನಾಮ ಹಾಕಿಕೊಳ್ಳೋದು ಖಚಿತ. ಈ ರೀತಿ ಕೆಲಸ ಮಾಡಿ ಯುವಕನೊಬ್ಬ ಅಂಗಡಿ ಮಾಲೀಕನಿಗೆ ಸಿಕ್ಕಿಬಿದ್ದ ಬಳಿಕ ಈ ಘಟನೆ ಬೆಳಕಿಗೆ ಬಂದಿದೆ. ಹೀಗಾಗಿ ಇಂತಹ ವಂಚಕರಿಂದ ಎಲ್ಲರೂ ಎಚ್ಚರಿದಿಂದಿರಬೇಕು.