‘ತಂಪು ಪಾನಿ ಪ್ರಿಯರು’ ಓದಲೇಬೇಕಾದ ಸ್ಟೋರಿ.. ಸ್ವಲ್ಪ ಯಾಮಾರಿದ್ರೂ ಆರೋಗ್ಯಕ್ಕೆ ಬರುತ್ತೆ ಕುತ್ತು ಹುಷಾರ್..!

ಬೆಂಗಳೂರು: ತಂಪು ಪಾನಿ (cold drinks) ಪ್ರಿಯರೇ ಹುಷಾರ್​.. ನೀವು ತಂಪು ಪಾನೀಯಗಳ ಪ್ರಿಯರಾಗಿದ್ದರೆ ನೀವು ಈ ಸ್ಟೋರಿ ಓದಲೇ ಬೇಕು. ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಹಲವಾರು ಕಂಪನಿಯ ಕಲರ್​ ಕಲರ್​ ತಂಪು ಪಾನೀಯಗಳು ದಿನಕ್ಕೊಂದು ಹೆಸರಿನಲ್ಲಿ ಲಗ್ಗೆ ಇಡುತ್ತೀವೆ. ಆದರೆ ಸದ್ಯ ಈ ಪಾನೀಯಗಳ ಅಸಲಿ ದಂಧೆ ಬಯಲಾಗುತ್ತಿದ್ದು ನಗರದಲ್ಲಿ ಬಳಕೆಯ ಸಮಯ (Expiry Date) ಮುಗಿದ ಪಾನೀಯಗಳನ್ನು ಪುನಃ ಮಾರಾಟ ಮಾಡುತ್ತಿರುವ ಆರೋಪ ಕೇಳಿ ಬಂದಿದೆ.

ಹೌದು ಪ್ರಸಿದ್ಧ ತಂಪು ಪಾನೀಯ ಬ್ರಾಂಡ್​ ಆದ ಪೆಪ್ಸಿ ಕಂಪನಿಯು ತನ್ನ ಅವಧಿ ಮುಗಿದ ಪಾನೀಯಗಳ ಮೇಲಿನ ದಿನಾಂಕವನ್ನು ಅಳಿಸಿ ಹೊಸ ದಿನಾಂಕವನ್ನ ಮುದ್ರಿಸಿ ಪುನಃ ಮಾರುಕಟ್ಟಗೆ ಕಳುಹಿತ್ತಿದೆ ಎಂಬ ಗಂಭಿರ ಆರೋಪ ಕೇಳಿ ಬಂದಿದೆ.

ಇನ್ನು ಈ ರೀತಿಯ ಕಳ್ಳ ವ್ಯವಹಾರವನ್ನ ಪ್ರಶ್ನಿಸಿದ್ದಕ್ಕೆ ಸಿಬ್ಬಂದಿಯ ಮೇಲೆ ನಾನಾ ರೀತಿಯ ತೊಂದರೆ ಕೊಡಲಾಗಿದೆ ಎನ್ನಲಾಗಿದೆ. ಆ ಮೂಲಕ ಪ್ರತಿಷ್ಠಿತ ಕಂಪನಿಯೊಂದು ಹಣದಾಸೆಗಾಗಿ ಗ್ರಾಹಕರ ಹಿತವನ್ನ ಕಾಯದೇ ಫುಡ್​ ಫ್ರಾಂಡಿಂಗ್​ ನಲ್ಲಿ ಭಾಗಿಯಾಯ್ತಾ ಎಂಬ ಸಂಶಯಗಳು ಹುಟ್ಟಿಕೊಂಡಿವೆ. ಇನ್ನು ಕಂಡ ಕಂಡಲ್ಲಿ ಹಿಂದು ಮುಂದೆ ನೋಡದೇ ಪಾನೀಯಗಳನ್ನು ಗಂಟಲಕ್ಕಿಳಿಸುವುವ ನಾವುಗಳು ಇನ್ಮುಂದೆ ಎಚ್ಚೆತ್ತುಕೊಳ್ಳಬೇಕಾಗಿದೆ ಅಷ್ಟೇ.