ಮಹಾರಾಷ್ಟ್ರದಲ್ಲಿ ಸೋಮವಾರದಿಂದ ಐದು ಹಂತಗಳಲ್ಲಿ ಅನ್ ಲಾಕ್

ಹೊಸದಿಲ್ಲಿ: ಮಹಾರಾಷ್ಟ್ರ ರಾಜ್ಯವು ನಿನ್ನೆ ತಡರಾತ್ರಿ ಹೊರಡಿಸಿರುವ ಆದೇಶದಂತೆ ಐದು ಹಂತದ ಅನ್ ಲಾಕ್ ಯೋಜನೆಯನ್ನು ಪ್ರಕಟಿಸಿದೆ. ಈ ಹಿಂದೆ ಸಚಿವರು ನಿರ್ಬಂಧಗಳನ್ನು ಸರಾಗಗೊಳಿಸುವ ಬಗ್ಗೆ ಘೋಷಣೆ ಮಾಡಿದ ಬಳಿಕ ರಾಜ್ಯ ಸರಕಾರ ಯು-ಟರ್ನ್ ಪಡೆದಿತ್ತು. ಇದೀಗ ಒಂದು ದಿನದ ನಂತರ ಈ ನಿರ್ಧಾರ ಪ್ರಕಟಿಸಿದೆ.

ಹೊಸ ಮಾರ್ಗಸೂಚಿಗಳು ಸೋಮವಾರದಿಂದ ಜಾರಿಗೆ ಬರುತ್ತವೆ, ರಾಜ್ಯದ ಜಿಲ್ಲೆಗಳನ್ನು ಸಕಾರಾತ್ಮಕ ದರ(ಪಾಸಿಟಿವಿಟಿ ರೇಟ್) ಹಾಗೂ ಆಮ್ಲಜನಕದ ಹಾಸಿಗೆಯ ಲಭ್ಯತೆಯ ಆಧಾರದ ಮೇಲೆ ಐದು ಹಂತಗಳಾಗಿ ವಿಂಗಡಿಸಲಾಗಿದೆ.

ಮೊದಲ ಹಂತ, ಐದು ಪ್ರತಿಶತಕ್ಕಿಂತ ಕಡಿಮೆ ಸಕಾರಾತ್ಮಕ ದರ ಹಾಗೂ 25 ಪ್ರತಿಶತಕ್ಕಿಂತ ಕಡಿಮೆ ಆಮ್ಲಜನಕ ಹಾಸಿಗೆ ಹೊಂದಿರುವ ಜಿಲ್ಲೆಗಳಿಗೆ ಯಾವುದೇ ನಿರ್ಬಂಧಗಳಿಲ್ಲದೆ ಸಂಪೂರ್ಣವಾಗಿ ಅನ್ ಲಾಕ್ ಮಾಡಲು ಅನುಮತಿಸಲಾಗುವುದು. ಅನ್‌ಲಾಕ್‌ನ ಮೊದಲ ಹಂತದ ಅಡಿಯಲ್ಲಿ 18 ಜಿಲ್ಲೆಗಳು ಬರುತ್ತವೆ. ಎಲ್ಲಾ ರೆಸ್ಟೋರೆಂಟ್‌ಗಳು, ಮಾಲ್‌ಗಳು, ಸಲೂನ್‌ಗಳು, ಚಿತ್ರಮಂದಿರಗಳು, ಅಂಗಡಿಗಳು 1 ನೇ ಹಂತದ ಜಿಲ್ಲೆಗಳಲ್ಲಿ ತೆರೆಯಬಹುದು.

ಶೇಕಡಾ ಐದ ಕ್ಕಿಂತ ಕಡಿಮೆ ಸಕಾರಾತ್ಮಕತೆ ಮತ್ತು 25 ರಿಂದ 40 ರಷ್ಟು ಆಮ್ಲಜನಕ ಹಾಸಿಗೆಗಳನ್ನು ಹೊಂದಿರುವ ಜಿಲ್ಲೆಗಳು 2ನೇ ಹಂತದಲ್ಲಿ ಬರುತ್ತವೆ. ರಾಜ್ಯ ರಾಜಧಾನಿ ಮುಂಬೈ ಈ ವರ್ಗಕ್ಕೆ ಬರುತ್ತದೆ. ಚಲನಚಿತ್ರ ಚಿತ್ರೀಕರಣಗಳನ್ನು ಈಗ ನಗರದಲ್ಲಿ ಪುನರಾರಂಭಿಸಲು ಅನುಮತಿಸಲಾಗುವುದು.

2 ನೇ ಹಂತದ ಜಿಲ್ಲೆಗಳಲ್ಲಿ ಅಂಗಡಿಗಳನ್ನು ಮತ್ತೆ ತೆರೆಯಬಹುದು, ಆದಾಗ್ಯೂ, ಮಾಲ್‌ಗಳು, ರೆಸ್ಟೋರೆಂಟ್‌ಗಳು, ಜಿಮ್ನಾಷಿಯಂಗಳು, ಸಲೊನ್ಸ್‌ಗಳಲ್ಲಿ ಭಾಗಶಃ ತೆರೆಯಲು ಅವಕಾಶ ನೀಡಲಾಗಿದೆ. 50 ರಷ್ಟು ಸಾಮರ್ಥ್ಯದೊಂದಿಗೆ ಮದುವೆ ಮತ್ತು ಔತನ ಕೂಟಗಳಿಗೆ ಅವಕಾಶ ನೀಡಲಾಗಿದೆ. ಕಚೇರಿಗಳು ಸಹ 2 ನೇ ಹಂತದ ಜಿಲ್ಲೆಗಳಲ್ಲಿ ಪೂರ್ಣ ಸಾಮರ್ಥ್ಯದೊಂದಿಗೆ ಮತ್ತೆ ತೆರೆಯಬಹುದು.

ಜನರ ಜೀವನಾಡಿಯಾಗಿರುವ ಮುಂಬೈ ಸ್ಥಳೀಯ ರೈಲುಗಳನ್ನು ಆರಂಭಿಸುವ ಬಗ್ಗೆ ಇನ್ನೂ ತೀರ್ಮಾನಕ್ಕೆ ಬರಲಾಗಿಲ್ಲ. ಮುಂಬೈಯಲ್ಲಿರುವ ಬಸ್ಸುಗಳನ್ನು ಪೂರ್ಣ ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲು ಅನುಮತಿಸಲಾಗುವುದು. ಆದರೆ ಬಸ್ ದಟ್ಟಣೆಯನ್ನು ತಪ್ಪಿಸಲು ಪ್ರಯಾಣಿಕರಿಗೆ ಎದ್ದುನಿಂತು ಪ್ರಯಾಣಿಸಲು ಅವಕಾಶವಿರುವುದಿಲ್ಲ.

ಮುಂಬೈ ಮೇ 28 ರಿಂದ ಜೂನ್ 3 ರವರೆಗೆ ಶೇಕಡಾ 5.56 ರಷ್ಟು ಸಕಾರಾತ್ಮಕ ದರವನ್ನು ದಾಖಲಿಸಿದ್ದು, ವಾಣಿಜ್ಯ ರಾಜಧಾನಿಯನ್ನು ಎರಡನೇ ಹಂತದಲ್ಲಿ ಸ್ಥಾನ ಪಡೆದಿದೆ.

5 ರಿಂದ 10 ಶೇಕಡಾ ಸಕಾರಾತ್ಮಕ ದರ ಹಾಗೂ 40-60 ಶೇಕಡಾ ಆಮ್ಲಜನಕ ಹಾಸಿಗೆಯ ಹೊಂದಿರುವ ಜಿಲ್ಲೆಗಳು 3 ನೇ ಹಂತದೊಳಗೆ ಬರುತ್ತವೆ. 10-20 ಶೇಕಡಾ ಸಕಾರಾತ್ಮಕ ದರ ಹಾಗೂ 60-75 ಶೇಕಡಾ ಆಮ್ಲಜನಕ ಹಾಸಿಗೆಯ ಹೊಂದಿರುವ ಜಿಲ್ಲೆಗಳು 4 ನೇ ಹಂತದ ವ್ಯಾಪ್ತಿಗೆ ಬರುತ್ತವೆ ಹಾಗೂ ಶೇಕಡಾ 20 ಮತ್ತು ಅದಕ್ಕಿಂತ ಹೆಚ್ಚಿನ ಸಕಾರಾತ್ಮಕತೆ ದರವನ್ನು ಹೊಂದಿರುವ ಪ್ರದೇಶಗಳು ಹಾಗೂ ಶೇಕಡಾ 75 ಕ್ಕಿಂತ ಹೆಚ್ಚಿನ ಆಮ್ಲಜನಕ ಹಾಸಿಗೆ ಇರುವ ಜಿಲ್ಲೆಗಳಲ್ಲಿ ಅನ್ ಲಾಕ್ ಇರುವುದಿಲ್ಲ