ಇನ್ಮುಂದೆ ‘ಆರೋಗ್ಯ ಇಲಾಖೆ’ಯ ಖರೀದಿ ಪಕ್ರಿಯೆ ‘ಇ-ಪ್ರೊಕ್ಯೂರ್ಮೆಂಟ್’ ಮೂಲಕ ನಿರ್ವಹಣೆ ಕಡ್ಡಾಯ – ರಾಜ್ಯ ಸರ್ಕಾರ

ಬೆಂಗಳೂರು: ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ಅಧೀನ ಸಂಸ್ಥೆಗಳಲ್ಲಿ ಖರೀದಿ ಪ್ರಕ್ರಿಯೆಯನ್ನು ಇ-ಪ್ರೊಕ್ಯೂರ್ಮೆಂಟ್ ಅಥವಾ ಜೆಂ ಪೋರ್ಟಲ್ ಗಳ ಮೂಲಕ ನಿರ್ವಹಣೆ ಮಾಡುವುದನ್ನು ಕಡ್ಡಾಯಗೊಳಿಸಿ ರಾಜ್ಯ ಸರ್ಕಾರ ಆದೇಶಿಸಿದೆ.

ಈ ಕುರಿತಂತೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ಆಯುಕ್ತರು ಸುತ್ತೋಲೆ ಹೊರಡಿಸಿದ್ದು, ಅದರಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ಅಧೀನ ಸಂಸ್ಥೆಯ ರೂ.

ಒಂದು ಲಕ್ಷಕ್ಕಿಂತ ಹೆಚ್ಚಿನ ಮೌಲ್ಯದ ಖರೀದಿ ಪ್ರಕ್ರಿಯೆಯನ್ನು e-procurement ಅಥವಾ GeM portal ನ ಆನ್ ಲೈನ್ ಮೂಲಕ ನಡೆಸಲು ಕೆಟಿಪಿಪಿ ಕಾಯ್ದೆ ಮತ್ತು ನಿಯಮಾವಳಿಗಳಲ್ಲಿ ಸೂಚಿಸಲಾಗಿದೆ ಎಂದಿದ್ದಾರೆ.

e-procurement portal ನಲ್ಲಿ ನೊಂದಾಯಿಸಿಕೊಳ್ಳಲು e-procurement ವೆಬ್ ಸೈಟ್ ನಲ್ಲಿ ಅರ್ಜಿಯನ್ನು ಡೌನ್ ಲೋಡ್ ಮಾಡಿಕೊಂಡು ಅದರಲ್ಲಿ ಅಡಕಗೊಳಿಸಬೇಕಾದ ದಸ್ತಾವೇಜುಗಳನ್ನು e-procurement portal ಗೆ ಸಲ್ಲಿಸುವುದು. ಹೆಚ್ಚಿನ ಮಾಹಿತಿಗಾಗಿ ಸಹಾಯವಾಣಿ +91-8046010000, +91-8068948777 ಗೆ ಸಂಪರ್ಕಿಸಬಹುದು. DSC (Digital Signature Certificate), encryption and Decryption key states aisland ನಿರ್ದೇಶಕರು, e-procurement, CeG, ಅರವಿಂದ ಭವನಾ, 4ನೇ ಮಹಡಿ, ನೃಪತುಂಗ ವೃತ್ತ, ಬೆಂಗಳೂರು ರವರಿಗೆ Aadhar card, CTC ಸಲ್ಲಿಸಿ Digital Key ಪಡೆಯುವುದು ಎಂದು ತಿಳಿಸಿದೆ.

GeM Portal ನಲ್ಲಿ ಖರೀದಿ ಪ್ರಕ್ರಿಯೆ ನಡೆಸಲು ಸರ್ಕಾರಿ ಇ-ಮೇಲ್ ID ಅಗತ್ಯವಿದ್ದು, ಪ್ರತಿ ಆರೋಗ್ಯ ಸಂಸ್ಥೆಗಳ ಮುಖ್ಯಸ್ಥರು/ವೈದ್ಯಕೀಯ ಅಧೀಕ್ಷಕರು/ಜಿಲ್ಲಾ ಶಸ್ತ್ರಚಿಕಿತ್ಸಕರು/ಆಡಳಿತ ವೈದ್ಯರುಗಳ ಜೊತೆಗೆ ಸಹಾಯಕ ಆಡಳಿತಾಧಿಕಾರಿಗಳು ಮತ್ತು ಕಛೇರಿ ಅಧೀಕ್ಷಕರುಗಳು ಅಥವಾ ಪ್ರಥಮ ದರ್ಜೆ ಸಹಾಯಕರು ಇವರುಗಳು ಸರ್ಕಾರಿ ಇ-ಮೇಲ್ ID ಸೃಜಿಸಿಕೊಳ್ಳಲು ಸೂಚಿಸಿದೆ. ಸರ್ಕಾರಿ ಇ-ಮೇಲ್ ID ಗಳನ್ನು ಸೃಜಿಸಲು ಪ್ರತಿಯೊಬ್ಬ ಸಿಬ್ಬಂದಿಯು ಹೆಸರು, ಹುದ್ದೆ, ಮೊಬೈಲ್ ಸಂಖ್ಯೆ, ಜನ್ಮ ದಿನಾಂಕ ಮತ್ತು ಕೆ.ಜಿ.ಐ.ಡಿ ವಿವರಗಳನ್ನು ಅನುಬಂಧ-1 ರಲ್ಲಿ ಲಗತ್ತಿಸಲಾದ format ಅನ್ನು ಭರ್ತಿ ಮಾಡಿ ಶ್ರೀ ಈಶ್ವರ್ ರಾವ್, ಪು.ದ.ಸ, ಸಿ.ಆರ್.ಜಿ ವಿಭಾಗ ಮೊಬೈಲ್ ಸಂಖ್ಯೆ: 9738114774 ರವರಿಗೆ ಸಲ್ಲಿಸಿ ಇ-ಮೇಲ್ ID ಸೃಜಿಸಿಕೊಳ್ಳುವುದು. ಇ-ಮೇಲ್ ID ಸೃಜಿಸಿಕೊಂಡ ನಂತರ GeM portal ನಲ್ಲಿ ನೊಂದಾಯಿಸಿಕೊಳ್ಳುವುದು. ನೊಂದಾಯಿಸಿಕೊಳ್ಳಲು ಶ್ರೀ ಗೌತಮ್ ಮೊಬೈಲ್ ಸಂಖ್ಯೆ: 9379049700 ರವರನ್ನು ಸಂಪರ್ಕಿಸಬಹುದು ಎಂದು ಹೇಳಿದೆ.

ಪ್ರಕಾರ ಆಯಾ ಸಂಸ್ಥೆಗಳ ಮುಖ್ಯಸ್ಥರುಗಳಿಗೆ ನಿಗಧಿಪಡಿಸಲಾಗಿರುವ ಆರ್ಥಿಕ ಮಿತಿಗೆ ಒಳಪಟ್ಟು ಟೆಂಡರ್ ಕರೆಯಬಹುದು ಎಂದು ಹೇಳಿದೆ.