ದೆಹಲಿಯಲ್ಲಿ ಜಂಟಿಯಾಗಿ ಕಣಕ್ಕೆ ಇಳಿಯಲಿದೆ ಆಪ್, ಕಾಂಗ್ರೆಸ್

ಈ ಬಗ್ಗೆ ಎರಡೂ ಪಕ್ಷಗಳು ಜಂಟಿಯಾಗಿ ಶೀಘ್ರದಲ್ಲೇ ಅಧಿಕೃತ ಘೋಷಣೆ ಮಾಡಲಿವೆ.

ಎಎಪಿ ಅಭ್ಯರ್ಥಿಗಳು ಹೊಸದಿಲ್ಲಿ (New Delhi), ದಕ್ಷಿಣ ದೆಹಲಿ (South Delhi), ಪಶ್ಚಿಮ ದೆಹಲಿ (West Delhi) ಮತ್ತು ಪೂರ್ವ ದೆಹಲಿಯಲ್ಲಿ (East Delhi) ಸ್ಪರ್ಧಿಸಲಿದ್ದು, ಚಾಂದಿನಿ ಚೌಕ್ (Chandni Chowk), ಈಶಾನ್ಯ ದೆಹಲಿ (North East Delhi) ಮತ್ತು ವಾಯುವ್ಯ ದೆಹಲಿಯಲ್ಲಿ (North West Delhi) ಕಾಂಗ್ರೆಸ್ ಅಭ್ಯರ್ಥಿಗಳು ಕಣಕ್ಕೆ ಇಳಿಯಲಿದ್ದಾರೆ.

ಈ ಹಿಂದೆ ಆಪ್ ಏಳು ಲೋಕಸಭಾ ಸ್ಥಾನಗಳಲ್ಲಿ ಒಂದನ್ನು ಮಾತ್ರ ಕಾಂಗ್ರೆಸ್‌ಗೆ ನೀಡಿದ್ದರಿಂದ ಎರಡೂ ಪಕ್ಷಗಳ ನಡುವೆ ವೈಮನಸ್ಯ ಉಂಟಾಗಿತ್ತು.

2014 ಮತ್ತು 2019ರ ಲೋಕಸಭಾ ಚುನಾವಣೆಗಳಲ್ಲಿ ಶೇ. 50ಕ್ಕಿಂತ ಹೆಚ್ಚಿನ ಮತಗಳಿಸಿ ಬಿಜೆಪಿ (BJP) ರಾಷ್ಟ್ರ ರಾಜಧಾನಿಯ ಎಲ್ಲಾ ಏಳು ಸ್ಥಾನಗಳಲ್ಲಿ ಭರ್ಜರಿ ಗೆಲುವು ದಾಖಲಿಸಿತ್ತು.

ಹರಿಯಾಣದಲ್ಲಿ (Haryana) ಆಪ್ ಗೆ ಒಂದು ಮತ್ತು ಗುಜರಾತ್‌ನಲ್ಲಿ (Gujarat) ಎರಡು ಸ್ಥಾನಗಳನ್ನು ನೀಡಲು ಕಾಂಗ್ರೆಸ್ ನಿರ್ಧರಿಸಿದೆ. ಹರಿಯಾಣ ಕ್ಷೇತ್ರವು ಗುರುಗ್ರಾಮ್ ಅಥವಾ ಫರಿದಾಬಾದ್ ಹಾಗೂ ಗುಜರಾತ್‌ನಲ್ಲಿ ಭರೂಚ್ ಮತ್ತು ಭಾವನಗರವನ್ನು ಆಪ್ ಗೆ ನೀಡುವ ಸಾಧ್ಯತೆ ಇದೆ.