ಟೈಮ್ ಮ್ಯಾಗಜೀನ್​ನ ವಿಶ್ವದ 100 ಅತ್ಯುತ್ತಮ ಕಂಪನಿಗಳಲ್ಲಿ ಇನ್ಫೋಸಿಸ್ ಸ್ಥಾನ ಪಡೆದಿದೆ.

ಬೆಂಗಳೂರು ಮೂಲದ ಇನ್ಪೋಸಿಸ್ ಟಾಪ್ 100 ಪಟ್ಟಿಯಲ್ಲಿ 64 ನೇ ಸ್ಥಾನದಲ್ಲಿದೆ.

“ಟೈಮ್ ಮ್ಯಾಗಜೀನ್​ನ ವಿಶ್ವದ ಅತ್ಯುತ್ತಮ ಕಂಪನಿಗಳ 2023ರ ಪಟ್ಟಿಯಲ್ಲಿ ಇನ್ಫೋಸಿಸ್ ಸ್ಥಾನ ಪಡೆದಿದೆ. ನಾವು ಅಗ್ರ 3 ಜಾಗತಿಕ ವೃತ್ತಿಪರ ಸೇವಾ ಸಂಸ್ಥೆಗಳಲ್ಲಿ ಒಂದಾಗಿದ್ದೇವೆ ಮತ್ತು ಅಗ್ರ 100 ಜಾಗತಿಕ ಶ್ರೇಯಾಂಕಗಳಲ್ಲಿ ಭಾರತದ ಏಕೈಕ ಬ್ರಾಂಡ್ ಆಗಿದ್ದೇವೆ ” ಎಂದು ಕಂಪನಿಯು ಎಕ್ಸ್‌ನಲ್ಲಿ (ಹಿಂದೆ ಟ್ವಿಟರ್) ಪೋಸ್ಟ್ ಮಾಡಿದೆ.

ಟೈಮ್ ಮತ್ತು ಸ್ಟ್ಯಾಟಿಸ್ಟಾ ಸಿದ್ಧಪಡಿಸಿದ ಈ ಪಟ್ಟಿಯಲ್ಲಿ ಜಾಗತಿಕ ಬಿಗ್ ಟೆಕ್ ಕಂಪನಿಗಳಾದ ಮೈಕ್ರೋಸಾಫ್ಟ್, ಆಪಲ್, ಆಲ್ಫಾಬೆಟ್ (ಗೂಗಲ್​ನ ಮೂಲ ಕಂಪನಿ) ಮತ್ತು ಮೆಟಾ ಅಗ್ರಸ್ಥಾನದಲ್ಲಿವೆ. ಅಕ್ಸೆಂಚರ್, ಫಿಜರ್, ಅಮೆರಿಕನ್ ಎಕ್ಸ್​ಪ್ರೆಸ್, ಬಿಎಂಡಬ್ಲ್ಯು ಗ್ರೂಪ್, ಡೆಲ್ ಟೆಕ್ನಾಲಜೀಸ್, ಲೂಯಿಸ್ ವಿಟಾನ್, ಡೆಲ್ಟಾ ಏರ್ ಲೈನ್ಸ್, ಸ್ಟಾರ್ ಬಕ್ಸ್​, ಫೋಕ್ಸ್​ವ್ಯಾಗನ್ ಗ್ರೂಪ್, ಜನರಲ್ ಮೋಟಾರ್ಸ್, ಫೋರ್ಡ್ ಮತ್ತು ಇತರ ಕಂಪನಿಗಳು ಈ ಪಟ್ಟಿಯಲ್ಲಿವೆ. ಈ ಪಟ್ಟಿಯು ಆದಾಯದ ಬೆಳವಣಿಗೆ, ಉದ್ಯೋಗಿ-ತೃಪ್ತಿ ಸಮೀಕ್ಷೆಗಳು ಮತ್ತು ಕೆಲಸದ ಪರಿಸರ, ಸಾಮಾಜಿಕ ಮತ್ತು ಕಾರ್ಪೊರೇಟ್ ಆಡಳಿತ (ಇಎಸ್ಜಿ, ಅಥವಾ ಸುಸ್ಥಿರತೆ) ದತ್ತಾಂಶದ ಸೂತ್ರವನ್ನು ಆಧರಿಸಿದೆ.