‘ನಿಮ್ ಮೋದಿ ಹಾಗೆ ರಾಹುಲ್‌ ವಿಮಾನದಲ್ಲಿ 13 ಸಾವಿರ ಕೋಟಿ ರೂ. ಕೊಳ ಇಟ್ಕೊಂಡು ಈಜುತ್ತಾ ಹೋಗ್ಲಿಲ್ಲ’

ಬಿಜೆಪಿಯ ಕಾರ್ಯಕರ್ತರು ಕೂಡ ಈ ವಿಡಿಯೋ ಬಗ್ಗೆ ತಮಾಷೆ ಮಾಡುತ್ತಿರುವುದು ಕಾಂಗ್ರೆಸ್‌ ಇನ್ನಷ್ಟು ಕಿಡಿ ಕಾರುವಂತಾಗಿದೆ. ಈ ಕುರಿತು ತಿರುಗೇಟು ನೀಡಿರುವ ಕಾಂಗ್ರೆಸ್ ನಾಯಕ ಅಧೀರ್ ರಂಜನ್ ಚೌಧರಿ ಕೋಲ್ಕತಾದಲ್ಲಿ ಮಾತನಾಡುತ್ತಾ, ಪ್ರಧಾನಿ ನರೇಂದ್ರ ಮೋದಿ ಅವರ ಹೊಸ ವಿಮಾನದಲ್ಲಿ ಈಜುಕೊಳವಿದೆ. 13 ಸಾವಿರ ಕೋಟಿ ರೂಪಾಯಿ ಮೌಲ್ಯದ ಈಜುಕೊಳಗಳನ್ನು ಹೊಂದಿರುವ ಎರಡು ವಿಮಾನಗಳನ್ನು ಮೋದಿ ಖರೀದಿಸಿದ್ದಾರೆ. ಅವರು ವಿದೇಶಕ್ಕೆ ಹೋಗುವಾಗ ವಿಮಾನದಲ್ಲಿಯೂ ಈಜುತ್ತಾ ಹೋಗುತ್ತಾರೆ. ಆದರೆ ರಾಹುಲ್‌ ಗಾಂಧಿ ನಿಮ್‌ ಮೋದಿಯ ಹಾಗಲ್ಲ, ಅವರು ಹೋಗಿದ್ದು ಸ್ನೇಹಿತೆಯ ಮದುವೆಗೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ನೇಪಾಳವು ನೆರೆಯ ದೇಶ. ಯಾರು ಬೇಕಾದರೂ ಅಲ್ಲಿಗೆ ಹೋಗಬಹುದು. ರಾಹುಲ್‌ ಗಾಂಧಿಯವರು ತಮ್ಮ ಸ್ವಂತ ಜೇಬಿನಿಂದ ಹಣವನ್ನು ಖರ್ಚು ಮಾಡಿದ್ದಾರೆ. ‍ಪ್ರಧಾನಿ ಮೋದಿಯ ಹಾಗೆ ಬೇರೆ ಹಣದಲ್ಲಿ ವಿಮಾನದಲ್ಲಿ ಈಜುತ್ತಾ ಹೋಗಲಿಲ್ಲ ಎಂದಿದ್ದಾರೆ.