ಪಿಎಸ್​ಐ ನೇಮಕಾತಿ ಹಗರಣ: ಅಕ್ರಮಕ್ಕೆ ಬಳಸ್ತಿದ್ದ ಬ್ಲೂಟೂತ್​ ಡಿವೈಸ್ ಕುರಿತ ಸ್ಫೋಟಕ ಮಾಹಿತಿ ಬಹಿರಂಗ

ಅದೇನೆಂದರೆ, ಪರೀಕ್ಷೆಯಲ್ಲಿ ಅಕ್ರಮ ಎಸಗಲು ಅಭ್ಯರ್ಥಿಗಳು ಬಳಸುತ್ತಿದ್ದ ಬ್ಲೂಟೂತ್ ಅನ್ನು ಒಡಿಶಾದಲ್ಲಿ ಖರೀದಿಸಲಾಗಿದೆ ಎಂಬ ಸಂಗತಿ ಬಯಲಾಗಿದೆ.

ಅಕ್ರಮದಲ್ಲಿ ಭಾಗಿಯಾಗಿದ್ದವರೆಲ್ಲ ಬ್ಲೂಟೂತ್ ಬಳಸಿ ಪರೀಕ್ಷೆ ಎದುರಿಸಿರುವುದು ತನಿಖೆಯಿಂದ ಬಯಲಾಗುತ್ತಿದೆ. ಅಭ್ಯರ್ಥಿಗಳು ಬಳಸಿದ ಬ್ಲೂಟೂತ್​ಗಳನ್ನು ಓಡಿಶಾದಲ್ಲಿ ಖರೀದಿ ಮಾಡಲಾಗಿದೆ. ಪ್ರಕರಣದ ಕಿಂಗ್​​ಪಿನ್ ಆರ್​.ಡಿ. ಪಾಟೀಲ್ ಒಂದೆ ಬಾರಿ 50ಕ್ಕೂ ಅಧಿಕ ಬ್ಲೂಟೂತ್ ಖರೀದಿ ಮಾಡಿದ್ದಾನೆ.

ತಲಾ ಒಂದು ಬ್ಲೂಟೂತ್​ಗೆ 1500-2000 ರೂಪಾಯಿ ಕೊಟ್ಟು ಖರಿದಿಸಿದ್ದ. ಇದೀಗ ಅಕ್ರಮಕ್ಕೆ ಬಳಸುತ್ತಿದ್ದ ಡಿವೈಸ್ ಫೋಟೊ ‌ದಿಗ್ವಿಜಯ ನ್ಯೂಸ್​ಗೆ ಲಭ್ಯವಾಗಿದೆ. ಇದೇ ಬ್ಲೂಟೂತ್ ಡಿವೈಸ್ ಬಳಸಿ ಆರೋಪಗಳು ಅಕ್ರಮ‌ ಎಸಗಿದ್ದಾರೆ.

ಬ್ಲೂಟೂತ್​ ಬಳಕೆ ಹೇಗೆ ಮಾಡುತ್ತಿದ್ದರು?
ಅಭ್ಯರ್ಥಿಗಳು ಬ್ಲೂಟೂತ್ ಡಿವೈಸ್ ಅನ್ನು ಒಳ ಉಡುಪಿನಲ್ಲಿ ಇಟ್ಟುಕೊಂಡು ಹೋಗುತ್ತಿದ್ದರು. ಪರೀಕ್ಷಾ ಕೇಂದ್ರಕ್ಕೆ ಪ್ರವೇಶ ಪಡೆಯುವ ಮುನ್ನವೇ ಹೊರಗಡೆಯಿಂದಲೇ ಕಾಲ್ ರಿಸೀವ್ ಮಾಡಿಕೊಂಡು ಹೋಗುತ್ತಿದ್ದರು. ಸರಿಯಾಗಿ ಕಾಣದಂತಹ ಸಣ್ಣದಾದ ಬ್ಲೂಟೂತ್​ ಸ್ಪೀಕರ್​ ಅನ್ನು ಕಿವಿಗೆ ಅವಳವಡಿಸಿಕೊಂಡು ಹೊರಗಿನಿಂದ ಹೇಳಿದ ಉತ್ತರವನ್ನು ಪರೀಕ್ಷಾ ಕೇಂದ್ರದ ಒಳಗಡೆ ಕುಳಿತು ಬರೆಯುತ್ತಿದ್ದರು.

ಕಲಬುರಗಿಯ ಅಫಜಲಪುರದಲ್ಲಿರುವ ಕಿಂಗ್​ಪಿನ್​ ಆರ್.ಡಿ. ಪಾಟೀಲ್ ಮನೆ ಮೇಲೆ ದಾಳಿ ಮಾಡಿದ ಸಂಧರ್ಬದಲ್ಲಿ ಒಟ್ಟು 7 ಬ್ಲೂಟೂತ್ ಡಿವೈಸ್​ಗಳು ಪತ್ತೆಯಾಗಿವೆ