ಚೆಸ್‌ ವಿಶ್ವಕಪ್‌ ಫೈನಲ್‌: ಪ್ರಜ್ಞಾನಂದ vs ಕಾರ್ಲ್‌ಸನ್ ಎರಡನೇ ಪಂದ್ಯ ಡ್ರಾ, ನಾಳೆ ಟೈ ಬ್ರೇಕರ್​ನಲ್ಲಿ ಫಲಿತಾಂಶ

ಪಂದ್ಯದ ನಂತರ ಮಾತನಾಡಿದ ಪ್ರಜ್ಞಾನಂದ, “ಕಾರ್ಲ್‌ಸೆನ್ ಒತ್ತಡದಲ್ಲಿದ್ದಂತೆ ಕಂಡುಬಂದರು. ಆದರೆ, ಅವರು ಅಸ್ವಸ್ಥರಾಗಿದ್ದಾರೆಂದು ನಾನು ಭಾವಿಸಲಿಲ್ಲ. ನಾಳೆ ಅವರು ಚೇತರಿಸಿಕೊಳ್ಳುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಕಾರ್ಲ್​ಸೆನ್​ ಇಂದು ಬೇಗನೆ ಡ್ರಾ ಮಾಡಲು ಮುಂದಾಗುತ್ತಾರೆ ನಾನು ಭಾವಿಸಿರಲಿಲ್ಲ. ಆದರೆ ಅವರು ಈ ಅವರ ನಡೆಯಲ್ಲಿ ಡ್ರಾ ಮಾಡಲು ಬಯಸಿದ್ದು ತಿಳಿಯಿತು, ನನಗೂ ಅದು ಒಳ್ಳೆಯದಾಗಿದೆ. ನನಗೂ ನಿರಂತರ ಆಟದಿಂದ ಆಯಾಸವಾಗಿದೆ. ನಾಳೆ, ನಾನು ತಾಜಾ ಮನಸ್ಸಿನೊಂದಿಗೆ ಬರಲು ಇಂದು ವಿಶ್ರಾಂತಿ ಪಡೆಯಲು ಪ್ರಯತ್ನಿಸುತ್ತೇನೆ. ನಾನು ಇಲ್ಲಿ ಸಾಕಷ್ಟು ಟೈಬ್ರೇಕ್‌ಗಳನ್ನು ಆಡುತ್ತಿದ್ದೇನೆ. ನಾಳೆ ಹೆಚ್ಚು ಆಟಗಳು ಎದುರಾಗುವ ನಿರೀಕ್ಷೆ ಇದೆ. ನಾನು ಎಲ್ಲದಕ್ಕೂ ಸಿದ್ಧನಾಗಿರಬೇಕು” ಎಂದಿದ್ದಾರೆ.

ಮ್ಯಾಗ್ನಸ್ ಕಾರ್ಲ್‌ಸೆನ್ ಮಾತನಾಡಿ, “ಪಂದ್ಯವನ್ನು ಉತ್ತಮವಾಗಿ ಆಯೋಜಿಸಲಾಗಿದೆ. ಇಲ್ಲಿನ ಎಲ್ಲಾ ಸಿಬ್ಬಂದಿಗಳು ಉತ್ತಮವಾಗಿ ಬೆಂಬಲಿಸುತ್ತಿದ್ದಾರೆ ಎಲ್ಲರಿಗೂ ಧನ್ಯವಾದ ತಿಳಿಸುತ್ತೇನೆ. ಇಂದು, ನಾನು ಸ್ವಲ್ಪ ಉತ್ತಮವಾಗಿದ್ದೇನೆ. ಆದರೆ ಪೂರ್ಣ ಹೋರಾಟಕ್ಕೆ ನನಗೆ ಶಕ್ತಿಯಿದೆ ಎಂದು ನನಗೆ ಇನ್ನೂ ಅನಿಸಲಿಲ್ಲ. ಆದ್ದರಿಂದ ನಾನು ಒಂದು ದಿನ ವಿಶ್ರಾಂತಿ ಪಡೆಯೋಣ ಎಂದು ಯೋಜಿಸಿದೆ. ಆಶಾದಾಯಕವಾಗಿ, ನಾನು ನಾಳೆ ಹೆಚ್ಚು ಶಕ್ತಿಯೊಂದಿಗೆ ಮರಳುತ್ತೇನೆ. ಪ್ರಜ್ಞಾನಂದ ಅವರು ಈಗಾಗಲೇ ಬಲಿಷ್ಠ ಆಟಗಾರರ ವಿರುದ್ಧ ಸಾಕಷ್ಟು ಟೈಬ್ರೇಕ್‌ಗಳನ್ನು ಆಡಿದ ಅನುಭವ ಹೊಂದಿದ್ದಾರೆ. ಅವರು ತುಂಬಾ ಬಲಶಾಲಿ ಎಂದು ನನಗೆ ತಿಳಿದಿದೆ. ನನಗೆ ನಾಳೆ ಒಳ್ಳೆಯ ದಿನವಿದ್ದರೆ, ನಿಸ್ಸಂಶಯವಾಗಿ ನನಗೆ ಉತ್ತಮ ಅವಕಾಶಗಳು ಸಿಗುತ್ತವೆ” ಎಂದು ಹೇಳಿದ್ದಾರೆ.