ಭಾರತಕ್ಕೆ ವಿಶ್ವ ಬ್ಯಾಂಕ್‌ನಿಂದ 1 ಶತಕೋಟಿ ಡಾಲರ್ ನೆರವು ……….

ನವದೆಹಲಿ, ಮೇ 15- ಕೊರೊನಾ ವೈರಸ್ ನಿಗ್ರಹಕ್ಕಾಗಿ ಹೋರಾಡುತ್ತಿರುವ ಭಾರತಕ್ಕೆ ವಿಶ್ವಬ್ಯಾಂಕ್(ಡಬ್ಲ್ಯುಬಿ) ಇಂದು ಒಂದು ಶತಕೋಟಿ ಡಾಲರ್ ಮೊತ್ತದ ನೆರವು ನೀಡಲು ಸಮ್ಮತಿಸಿದೆ.

ವೈರಸ್ ಹಾವಳಿಯಿಂದ ಸಂಕಷ್ಟಕ್ಕೀಡಾಗಿರುವ ಬಡವರು, ಶ್ರಮಿಕ ವರ್ಗದವರು ಮತ್ತಿತರಿಗೆ ಸಾಮಾಜಿಕ ನೆರವು ನೀಡಲು ಶ್ರಮಿಸುತ್ತಿರುವ ಭಾರತಕ್ಕೆ ಸಹಕಾರ ನೀಡಲೋಸುಗ ಕೋವಿಡ್-19 ಸಾಮಾಜಿಕ ರಕ್ಷಣಾ ಸ್ಪಂದನೆ ಕಾರ್ಯಕ್ರಮವನ್ನು ಚುರುಕುಗೊಳಿಸಲು ವಿಶ್ವವ್ಯಾಂಕ್ ಒಂದು ಶತಕೋಟಿ ಡಾಲರ್ ನೆರವಿಗೆ ಒಪಿಗೆ ನೀಡಿದೆ.

ಇದರೊಂದಿಗೆ ಭಾರತದಲ್ಲಿ ತುರ್ತು ಕೊರೊನಾ ನಿಗ್ರಹ ಹೋರಾಟಕ್ಕಾಗಿ ವಿಶ್ವಬ್ಯಾಂಕ್ ನೀಡಿರುವ ನೆರವು 2 ಶತಕೋಟಿ ಡಾಲರ್‍ಗೇರಿದೆ. ಕಳೆದ ತಿಂಗಳು ಭಾರತದ ಆರೋಗ್ಯ ವಲಯಕ್ಕೆ ಬೆಂಬಲ ನೀಡಲು ವಿಶ್ವಬ್ಯಾಂಕ್ ಒಂದು ಶತಕೋಟಿ ಡಾಲರ್ ನೆರವು ಘೋಷಿಸಿತ್ತು