Laxmi News 24×7
ಹುಬ್ಬಳ್ಳಿ: ನೈರುತ್ಯ ರೈಲ್ವೆ ಏಪ್ರಿಲ್-ನವೆಂಬರ್ ಅವಧಿಯಲ್ಲಿ ₹ 4,447.62 ಕೋಟಿ ಆದಾಯ ಗಳಿಸಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ₹ 3,400.83 ಕೋಟಿ ಆದಾಯ ಬಂದಿತ್ತು. ಆದಾಯದಲ್ಲಿ ಶೇ 30.78ರಷ್ಟು ಏರಿಕೆಯಾಗಿದೆ ಎಂದು ಪ್ರಧಾನ ವ್ಯವಸ್ಥಾಪಕ ಸಂಜೀವ್ ಕಿಶೋರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಯಾಣಿಕರಿಂದ ಬರುವ ಆದಾಯದಲ್ಲಿ ಕಳೆದ ವರ್ಷಕ್ಕಿಂತ ಶೇ 95.57ರಷ್ಟು ಹೆಚ್ಚಳವಾಗಿದೆ. ₹ 1813.58 ಕೋಟಿ ಆದಾಯ ಬಂದಿದೆ. ಹಿಂದಿನ ವರ್ಷ ₹ 927.31 ಕೋಟಿ ಆದಾಯವಿತ್ತು. ಟಿಕೆಟ್ ಇಲ್ಲದವರಿಗೆ ವಿಧಿಸುವ ದಂಡದ ಮೂಲಕ ₹ 37.74 ಕೋಟಿ ಆದಾಯ ಬಂದಿದೆ.
ಪಾರ್ಸಲ್ ಹಾಗೂ ಲಗೇಜ್ದಿಂದ ₹ 93.29 ಕೋಟಿ ಆದಾಯ ಬಂದಿದ್ದು, ಕಳೆದ ವರ್ಷದ ₹ 80.20 ಕೋಟಿ ಆದಾಯಕ್ಕೆ ಹೋಲಿಸಿದರೆ ಶೇ 16.32ರಷ್ಟು ಏರಿಕೆಯಾಗಿದೆ. ಅನುಪ
ಯುಕ್ತ ವಸ್ತುಗಳ (ಸ್ಕ್ರ್ಯಾಪ್ ಸೇಲ್) ಮಾರಾಟದಿಂದ ₹ 113.43 ಕೋಟಿ ಆದಾಯ ಬಂದಿದ್ದು, ಕಳೆದ ವರ್ಷದ ₹ 96.67 ಕೋಟಿಗೆ ಹೋಲಿಸಿದರೆ ಶೇ 17.34ರಷ್ಟು ಏರಿಕೆಯಾಗಿದೆ.
