‘ಆದಿಪುರುಷ್’ ಟೀಸರ್‌ ನೋಡಿ ಓಂ ರಾವುತ್ ಮೇಲೆ ಪ್ರಭಾಸ್ ಗರಂ?

ಭಾನುವಾರಷ್ಟೇ ಅಯೋಧ್ಯೆಯಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮದಲ್ಲಿ ‘ಆದಿಪುರುಷ್’ ಸಿನಿಮಾ ಟೀಸರ್ ಲಾಂಚ್ ಮಾಡಲಾಗಿತ್ತು. ರಾಮಾಯಣ ಕಾವ್ಯವನ್ನು ಆಧರಿಸಿ ಈ ಮೋಷನ್ ಕ್ಯಾಪ್ಚರ್ ಆನಿಮೇಷನ್ ಸಿನಿಮಾ ಕಟ್ಟಿಕೊಡಲಾಗ್ತಿದೆ. ಸಿನಿರಸಿಕರು ಸಿನಿಮಾ ಟೀಸರ್ ಮೇಲೆ ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದರೆ ಆದರೆ ಚಿತ್ರತಂಡ ಭ್ರಮನಿರಸನ ಮಾಡಿದೆ. ಪ್ರಭಾಸ್ ಅಭಿಮಾನಿಗಳಂತೂ ಟೀಸರ್ ನೋಡಿ ನಿರ್ದೇಶಕ ಓಂ ರಾವುತ್ ಮೇಲೆ ಆಕ್ರೋಶಗೊಂಡಿದ್ದಾರೆ. ಮತ್ತೊಂದ್ಕಡೆ ಟೀಸರ್ ಸಿಕ್ಕಾಪಟ್ಟೆ ಟ್ರೋಲ್ ಆಗ್ತಿದೆ.

ಓಂ ರಾವುತ್ ಮೇಲೆ ಪ್ರಭಾಸ್ ಗರಂ?

ಅಷ್ಟಕ್ಕೂ ಟೀಸರ್ ರಿಲೀಸ್ ಈವೆಂಟ್ ನಂತರ ಏನಾಯಿತು ಎನ್ನುವುದು ಗೊತ್ತಿಲ್ಲ. ಹೋಟೆಲ್ ರೂಂ ಬಳಿ ಪ್ರಭಾಸ್ ಗರಂ ಆಗಿರುವುದಂತು ನಿಜ. ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಪ್ರಭಾಸ್ ಕೋಪದಿಂದ “ಓಂ ನೀನು ಬಾ ನನ್ನ ರೂಂಗೆ, ಬರ್ತಿದ್ದೀಯಾ ಅಲ್ವಾ, ಬಾ” ಎಂದು ಕೈ ಬರೆಳು ತೋರಿಸುತ್ತಾ ಆಕ್ರೋಶದಿಂದ ಹೇಳಿರುವುದು ಕಾಣುತ್ತಿದೆ.