ಮೂರಂಕಿಗಿಂತ ಕೆಳಗಿಳಿದ ಬಿಜೆಪಿ ರಾಜ್ಯಸಭಾ ಸದಸ್ಯರ ಸಂಖ್ಯೆ

ಆದರೆ ಈ ವರ್ಗದಲ್ಲಿ ಒಟ್ಟು ಏಳು ಮಂದಿಯನ್ನು ನಾಮಕರಣ ಮಾಡಲು ಸರ್ಕಾರಕ್ಕೆ ಅವಕಾಶ ಇರುವ ಹಿನ್ನೆಲೆಯಲ್ಲಿ ಸದ್ಯದಲ್ಲೇ ಆಡಳಿತಾರೂಢ ಪಕ್ಷದ ಸದಸ್ಯಬಲ ಮೂರಂಕಿ ತಲುಪಲಿದೆ. ಆದರೆ ಹೊಸ ಸದಸ್ಯರು ಬಿಜೆಪಿ ಸದಸ್ಯತ್ವ ಪಡೆಯತ್ತಾರೆಯೇ ಅಥವಾ ನಾಮಕರಣಗೊಂಡ ಬಳಿಕವೂ ತಟಸ್ಥವಾಗಿರುತ್ತಾರೆಯೇ ಎಂಬ ನಿರ್ಧಾರದ ಮೇಲೆ ಬಿಜೆಪಿಯ ಸದಸ್ಯರ ಸಂಖ್ಯೆ ಸ್ಪಷ್ಟವಾಗಲಿದೆ. ಆದರೆ ಆಡಳಿತ ಪಕ್ಷ/ ಮೈತ್ರಿಕೂಟಕ್ಕೆ ಈ ಸದಸ್ಯರ ನೇರ ಅಥವಾ ಪರೋಕ್ಷ ಬೆಂಬಲ ಸದನದಲ್ಲಿ ಲಭ್ಯವಾಗಲಿದೆ.

ಜುಲೈನಲ್ಲಿ ನಡೆಯಲಿರುವ ರಾಷ್ಟ್ರಪತಿ ಚುನಾವಣೆಗೆ ಮುನ್ನ ಸರ್ಕಾರ ನಾಮಕರಣ ಮಾಡಲಿರುವ ಏಳು ಸದಸ್ಯರ ಜತೆಗೆ ಇತರ ಹೊಸ ಖಾಲಿ ಸ್ಥಾನಗಳನ್ನು ಭರ್ತಿ ಮಾಡುವ ಸಲುವಾಗಿ 53 ಸ್ಥಾನಗಳಿಗೆ ಜೂನ್- ಜುಲೈ ತಿಂಗಳಲ್ಲಿ ಚುನಾವಣೆ ನಡೆಯುವ ಸಾಧ್ಯತೆ ಇದೆ. ಜೂನ್ ಮತ್ತು ಜುಲೈನಲ್ಲಿ 33 ಸದಸ್ಯರು ನಿವೃತ್ತರಾಗಲಿದ್ದಾರೆ.