90 ರ ಹರೆಯದ ಪದ್ಮಶ್ರೀ ವಿಜೇತ ಗುರು ಮಾಯಾಧರ್‌ ರನ್ನು ಸರಕಾರಿ ನಿವಾಸದಿಂದ ತೆರವುಗೊಳಿಸಿದ ಕೇಂದ್ರ

ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯವು 2020 ರಲ್ಲಿ ಮನೆಗಳನ್ನು ಖಾಲಿ ಮಾಡುವಂತೆ ಕಲಾವಿದರಿಗೆ ನೋಟಿಸ್ ನೀಡಿದ ನಂತರ, ದಿವಂಗತ ಬಿರ್ಜು ಮಹಾರಾಜ್ ಸೇರಿದಂತೆ ಹಂಚಿಕೆದಾರರ ಗುಂಪು ನ್ಯಾಯಾಲಯದ ಮೊರೆ ಹೋಗಿತ್ತು.

ಗುರು ಮಾಯಾಧರ್ ರಾವುತ್ ಅವರ ಪುತ್ರಿ ಮಧುಮಿತಾ ರಾವುತ್ ಅವರು ಫೆಬ್ರವರಿ 25 ರಂದು ತೆರವು ವಿರುದ್ಧದ ಪ್ರಕರಣದಲ್ಲಿ ಸೋತಿದ್ದಾಗಿ ಮತ್ತು ಇಲ್ಲಿನ ಏಷ್ಯನ್ ಗೇಮ್ಸ್ ವಿಲೇಜ್‌ನಲ್ಲಿರುವ ಮನೆಗಳನ್ನು ಖಾಲಿ ಮಾಡಲು ಏಪ್ರಿಲ್ 25 ರವರೆಗೆ ಸಮಯ ನೀಡಲಾಗಿದೆ ಎಂದು ಹೇಳಿದರು. ಈ ಬಗ್ಗೆ ದಿಲ್ಲಿ ಹೈಕೋರ್ಟ್‌ನಲ್ಲಿ ಮೇಲ್ಮನವಿ ಸಲ್ಲಿಸಿದ್ದು, ಬುಧವಾರ ಬೆಳಗ್ಗೆ ವಿಚಾರಣೆ ನಡೆಯಲಿದೆ ಎಂದು ಅವರು ಹೇಳಿದರು.

‘ನಮ್ಮ ಮನವಿಯನ್ನು ಬುಧವಾರದಂದು ಆಲಿಸಲಾಗುವುದು ಎಂದು ಎಸ್ಟೇಟ್ ನಿರ್ದೇಶನಾಲಯಕ್ಕೆ ತಿಳಿದಿತ್ತು ಆದ್ದರಿಂದ ಅವರು ಮಂಗಳವಾರ ನಮ್ಮ ವಸ್ತುಗಳನ್ನು ಬಲವಂತವಾಗಿ ಹೊರಹಾಕಲು ತಮ್ಮ ಸಿಬ್ಬಂದಿ ಮತ್ತು ಪೊಲೀಸರೊಂದಿಗೆ ಬಂದರು. ಅವರು ಮಧ್ಯಾಹ್ನ 1 ಗಂಟೆಗೆ ಬಂದಾಗ ನಾನು ನನ್ನ ತಂದೆಗೆ ಊಟವನ್ನು ಬಡಿಸುತ್ತಿದ್ದೆ. ನನ್ನ ತಂದೆಗೆ ತಿನ್ನಲು ಅವಕಾಶ ನೀಡುವಂತೆ ನಾನು ಅವರಿಗೆ ಮನವಿ ಮಾಡಿದ್ದೆ. ಆದರೆ ಅವರು ಅದಕ್ಕೆ ಅವಕಾಶ ನೀಡಲಿಲ್ಲ, ‘ಎಂದು ಅವರು ದುಃಖಭರಿತರಾಗಿ ಹೇಳಿದರು.