ಕರ್ನಾಟಕ ಚುನಾವಣೆ 2023 ವಿಶೇಷಗಳೇನು?

ಸರಾಸರಿ 888 ಮತದಾರರಿಗೊಂದು ಮತಗಟ್ಟೆಯು ಬರುತ್ತದೆ. 12,000 ಸೂಕ್ಷ್ಮ ಮತದಾನ ಕೇಂದ್ರಗಳನ್ನು ಗುರುತಿಸಲಾಗಿದ್ದು ಒಂದೇ ಹಂತದಲ್ಲಿ ಮತದಾನ ನಡೆಯಲಿದೆ.

ಈ ಸಾಲಿನ ರಾಜ್ಯ ಚುನಾವಣೆಯ ಮುಖ್ಯ ವಿಶೇಷಗಳೆಂದರೆ:

* ರಾಜ್ಯದಲ್ಲಿ ಒಟ್ಟು 224 ವಿಧಾನಸಭೆ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದೆ.
* ಚುನಾವಣೆಯು ಒಟ್ಟು 5.22 ಕೋಟಿ ಮತದಾರರನ್ನು ಹೊಂದಿದೆ.
* ಇದರಲ್ಲಿ 2,62,42,561 ಕೋಟಿ ಪುರುಷ ಹಾಗೂ 2,59,26,319 ಕೋಟಿ ಮಹಿಳಾ ಮತದಾರರಿದ್ದಾರೆ.
* ಈ ಸಾಲಿನಲ್ಲಿ ಮೊದಲ ಬಾರಿ ಮತ ಚಲಾಯಿಸುವ 9,17,241 ಹೊಸ ಮತದಾರರಿದ್ದು, ಇದರಲ್ಲಿ ಏ.1ಕ್ಕೆ 18 ವರ್ಷ ತುಂಬುವ ಹೊಸ ಮತದಾರರ ಸಂಖ್ಯೆ 1.25 ಲಕ್ಷ.
* 80 ವರ್ಷ ಮೇಲ್ಪಟ್ಟ 12,15,763 ಲಕ್ಷ ಮತದಾರರಿದ್ದು, ಅವರಿಗೆ ಮನೆಯಿಂದಲೇ ಮತದಾನ ಮಾಡುವ ಅವಕಾಶವಿದೆ.
* 5,55,073 ಲಕ್ಷ ದಿವ್ಯಾಂಗ ಮತದಾರರು ಹಾಗೂ 4,699 ತೃತೀಯ ಲಿಂಗಿ ಮತದಾರರಿದ್ದಾರೆ.
* ಮತದಾನದ ಸಂದರ್ಭ ಯುವಕರಿಗಾಗಿ 224 ಪ್ರತ್ಯೇಕ ಮತಗಟ್ಟೆಗಳಿರಲಿದ್ದು ಮಹಿಳೆಯರಿಗಾಗಿ 1,320 ಮತಗಟ್ಟೆಗಳಿರಲಿವೆ.

* ಚುನಾವಣಾ ಅಕ್ರಮ ತಡೆಗೆ 2,400 ತಂಡಗಳ ರಚನೆಯಾಗಿದ್ದು, ಸಲ್ಲಿಕೆಯಾದ ದೂರುಗಳ ಪರಿಶೀಲಿಸಿ ಕ್ರಮ ಕೈಗೊಳ್ಳುವುದಾಗಿ ಆಯೋಗದ ಭರವಸೆ.

ಚುನಾವಣಾ ಆಯಪ್:
ಚುನಾವಣಾ ವಿಚಾರಕ್ಕೆ ಸಂಬಂಧಿಸಿ ಆಯೋಗವು ‘ಕೆವೈಸಿ’ (know your candidate)ಆಯಪ್ ಮತ್ತು ‘ಸಿವಿಜಿಲ್'(CVIGIL) ಆಯಪ್‌ ಅನ್ನು ಅಭಿವೃದ್ಧಿಪಡಿಸಿದೆ.

ಇದರ ವಿಶೇಷತೆಗಳೆಂದರೆ:
* ‘ಕೆವೈಸಿ’ ಆಯಪ್ ಮೂಲಕ ಚುನಾವಣಾ ಅಭ್ಯರ್ಥಿಯ ವಿವರಗಳ ಜತೆಗೆ ಅವರ ಅಫಿಡವಿಟ್ ಲಭ್ಯ.
* ಅಭ್ಯರ್ಥಿಗಳು ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಿದ್ದು ಕಂಡು ಬಂದಲ್ಲಿ ‘ಸಿವಿಜಿಲ್’ ಆಯಪ್‌ ಮೂಲಕ ಮತದಾರರು ಆಯೋಗಕ್ಕೆ ದೂರು ಸಲ್ಲಿಸಬಹುದಾಗಿದೆ.