ಕೃಷ್ಣೆ ಮಡಿಲ ಕುವರನಿಗೆ ‘ರಾಜ್ಯೋತ್ಸವ’ ಗರಿ

8 ಕಥಾ ಸಂಕಲನಗಳು, 10 ಕಾದಂಬರಿಗಳು, 6 ವಿಮರ್ಶಾ ಕೃತಿಗಳು, ಎರಡು ಸಂಶೋಧನಾ ಗ್ರಂಥ, ಎರಡು ಸಂಪಾದನೆಗಳು, 5 ಇತರ ಕೃತಿಗಳು, 12 ಸಹ ಸಂಪಾದನೆಗಳು ಅವರ ಸಾಹಿತ್ಯ ಕೃಷಿಯಲ್ಲಿವೆ.

ಮಹಾರಾಷ್ಟ್ರಕ್ಕೆ ಹೊಂದಿಕೊಂಡ ಗಡಿ ಭಾಗದವರಾಗಿ, ಬಾಳಾಸಾಹೇಬ ಅವರು ಕನ್ನಡ ನಾಡು- ನುಡಿಗೆ ಸಲ್ಲಿಸಿದ ಸೇವೆ ಅನುಪಮ. ‘ಆಧುನಿಕ ಕನ್ನಡ ಕಥನ ಸಾಹಿತ್ಯದಲ್ಲಿ ಜೈನ ಸಂವೇದನೆ’ ಹಾಗೂ ‘ಜೈನ ಮಹಿಳೆ’ ಎಂಬ ಅವರ ಸಂಶೋಧನಾ ಕೃತಿಗಳು ಕನ್ನಡ ಸಾರಸ್ವತ ಲೋಕದ ಅಮೂಲ್ಯ ಕೊಡುಗೆಗಳಾಗಿವೆ.

ಪ್ರತಿಫಲನ, ಸಮುಚಿತ, ರಸಾಧಿಕ, ಹರಿವಾಣ, ಸುಮಿರಣ, ಫಸಲು ಎಂಬ ಆರು ವಿಮರ್ಶಾ ಕೃತಿಗಳಲ್ಲಿ ಅವರ ಸಾಹಿತ್ಯ ಸಂವೇದನೆಯ ಘಮಲು ವ್ಯಕ್ತವಾಗಿದೆ.