ಸ್ಟ್ಯಾಂಡ್ ಅಪ್ ಪೆಡಲಿಂಗ್ ಚಾಂಪಿಯನ್‌ಷಿಪ್: ಪುರುಷರ ರೇಸ್‌; ಆಕಾಶ್ ಪೂಜಾರ್ ಮಿಂಚು

ಕರ್ನಾಟಕ ಇಲ್ಲಿ ಒಟ್ಟು 8 ಪಕದಗಳನ್ನು ಗಳಿಸಿ ಪಾರಮ್ಯ ಮೆರೆಯಿತು. ಪ್ರತಿಕೂಲ ಹವಾಮಾನವನ್ನು ಮೀರಿ ಮುನ್ನುಗ್ಗಿದ ಅವರು ಮಾಜಿ ಚಾಂಪಿಯನ್‌ಗಳಿಗೆ ಪ್ರಬಲ ಪೈಪೋಟಿ ನೀಡಿದರು.

ಇದಕ್ಕೂ ಮೊದಲು 16 ವರ್ಷದೊಳಗಿನವರ ತಾಂತ್ರಿಕ ರೇಸ್‌ನಲ್ಲಿ ಭಾರಿ ಮುನ್ನಡೆಯೊಂದಿಗೆ ಸಾಗಿದ ಆಕಾಶ್ ಪೂಜಾರ್‌ ಚಿನ್ನ ಗೆದ್ದು ಸಂಭ್ರಮಿಸಿದರು. ಅವರ ಸಹೋದರ ಪ್ರವೀಣ್ ಪೂಜಾರ್ ಎರಡು ಸೆಕೆಂಡುಗಳ ಅಂತರದಲ್ಲಿ ಬೆಳ್ಳಿ ಕಳೆದುಕೊಂಡರು. 16 ವರ್ಷದೊಳಗಿನವರ 200 ಮೀ ಸ್ಪ್ರಿಂಟ್‌ನಲ್ಲಿ ಪ್ರವೀಣ್‌ ಪೂಜಾರ್ ಬೆಳ್ಳಿ ಮತ್ತು ಆಕಾಶ್ ಪೂಜಾರ್ ಕಂಚಿನ ಪದಕ ಗಳಿಸಿದರು.

ಬಾಗಲಕೋಟೆ ಜಿಲ್ಲೆ ಬಾದಾಮಿ ತಾಲ್ಲೂಕಿನ ಬೆಳವಲಕೊಪ್ಪದ ಪ್ರವೀಣ್ ಮತ್ತು ಆಕಾಶ್ ಮಂಗಳೂರಿನಲ್ಲಿ ನೆಲೆಸಿದ್ದು ಇಲ್ಲಿನ ಸರ್ಫಿಂಗ್‌ ಸ್ವಾಮಿ ಫೌಂಡೇಷನ್‌ನಲ್ಲಿ ತರಬೇತಿ ಪಡೆಯುತ್ತಿದ್ದಾರೆ.