ಸಂಗೀತ ಸಾಮ್ರಾಟ್ ಸವಾಯಿ ಗಂಧರ್ವರ ಸ್ಮಾರಕಸೂಕ್ತ ನಿರ್ವಹಣೆ ಇಲ್ಲದೆ ಸೊರಗಿದೆ.

2010ರಲ್ಲಿ ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರಿಂದ ಭವನದ ಶಂಕುಸ್ಥಾಪನೆಯಾಗಿ, ಜಗದೀಶ ಶೆಟ್ಟರ್ ಅವರು ಸಿ.ಎಂ ಆಗಿದ್ದ ಸಮಯದಲ್ಲಿ ಉದ್ಘಾಟನೆಯಾಗಿತ್ತು. ಅಂದಾಜು ₹ 2.10ಕೋಟಿ ವೆಚ್ಚದಲ್ಲಿ ನಿರ್ಮಾಣವಾದ ಈ ಭವನ ಈಗ ಬಹುತೇಕ ಪಾಳುಬಿದ್ದಿದೆ.

2014ರವರೆಗೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಅಧೀನದಲ್ಲಿದ್ದ ಸ್ಮಾರಕ ಭವನ ನಂತರದ ದಿನಗಳಲ್ಲಿ ಕುಂದಗೋಳದ ಪಟ್ಟಣ ಪಂಚಾಯ್ತಿ ವ್ಯಾಪ್ತಿಗೆ ಬಂದಿತು. ಸುಮಾರು 15 ಸರ್ಕಾರಿ ಕಾರ್ಯಕ್ರಮಗಳು ವರ್ಷವೊಂದರಲ್ಲಿ ನಡೆಯುತ್ತವೆ. ಸರ್ಕಾರಿ ಕಾರ್ಯಕ್ರಮಕ್ಕೆ ಯಾವುದೇ ಶುಲ್ಕ ಇರುವುದಿಲ್ಲ. ಭವನದ ಒಳಗಡೆ ದೂಳು ತುಂಬಿದೆ. ಸರಿಯಾದ ವಿದ್ಯುತ್ ವ್ಯವಸ್ಥೆಯಿಲ್ಲ. ವಿದ್ಯುತ್ ನಿಯಂತ್ರಣ ಕೊಠಡಿಯಲ್ಲಿ ಭದ್ರತೆಯಿಲ್ಲ. ಬಿಳಿ ಕಲ್ಲು, ಗೋಡೆಗಳು ದೂಳಿನಿಂದ ಕಪ್ವಿಟ್ಟಿವೆ.

ಕಾರ್ಯಕ್ರಮಗಳು ನಡೆಯುವ ಸಭಾಂಗಣದಲ್ಲಿ ಸುಮಾರು 420 ಆಸನಗಳಿದ್ದು ಅವು ಕೂಡ ದೂಳಿನಿಂದ ಆವೃತವಾಗಿವೆ. ಶಾರ್ಟ್ ಸರ್ಕಿಟ್‌ನಿಂದ ಅರ್ಧ ಸಭಾಂಗಣದ ವಿದ್ಯುತ್ ದೀಪಗಳು ಉರಿಯುತ್ತಿಲ್ಲ. ಅಲ್ಲಲ್ಲಿ ವಿದ್ಯುತ್ ದೀಪಗಳು ಮುರಿದು ಜೋತು ಬಿದ್ದಿವೆ. ಕೊನೆಯ ಕಾರ್ಯಕ್ರಮದ ಊಟಕ್ಕೆ ಬಳಸಿರುವ ಪ್ಲೇಟು ಇನ್ನು ಹಾಗೇ ಕೆಳ ಮಹಡಿಯಲ್ಲಿ ಹಾಗೇ ಬಿದ್ದಿವೆ.