SBI ಗ್ರಾಹಕರೇ, ಯಾವುದೇ ಗ್ಯಾರೆಂಟಿ ಇಲ್ಲದೇ ಬ್ಯಾಂಕ್ 50 ಸಾವಿರ ಸಾಲ ನೀಡ್ತಿದೆ, ನೀವೂ ಅರ್ಜಿ ಸಲ್ಲಿಸಿ

ಅಂತಹವರ ಪಟ್ಟಿಯಲ್ಲಿ ನೀವೂ ಇದ್ದೀರಾ.? ಹಾಗಿದ್ರೆ, ನಿಮಗಿದು ಗುಡ್ ನ್ಯೂಸ್ ಆಗುವುದು.

ನಿಮಗಾಗಿ SBI ಮುದ್ರಾ ಸಾಲವನ್ನ ಒದಗಿಸಲಾಗಿದೆ. ಈ ಯೋಜನೆಯ ಮೂಲಕ ತಕ್ಷಣವೇ 50 ಸಾವಿರದಿಂದ 10 ಲಕ್ಷದವರೆಗೆ ಸಾಲ ಪಡೆಯುವ ಸೌಲಭ್ಯ ಒದಗಿಸುತ್ತಿದೆ. ಯಾವುದೇ ಖಾತರಿಯಿಲ್ಲದೆ ಇದನ್ನ ಸಹ ನೀಡಲಾಗುತ್ತದೆ. ಹಾಗಿದ್ರೆ, ಆ ಸಾಲವನ್ನ ಪಡೆಯುವುದು ಹೇಗೆ.? ಇದಕ್ಕಾಗಿ ಯಾವ ದಾಖಲೆಗಳನ್ನ ಸಲ್ಲಿಸಬೇಕು.? ಅರ್ಜಿ ಸಲ್ಲಿಸುವುದು ಹೇಗೆ.? ಈಗ ವಿವರಗಳನ್ನ ನೋಡೋಣ.

ಮುದ್ರಾ ಸಾಲಕ್ಕೆ ಅರ್ಹತೆ.!
* ಎಸ್‌ಬಿಐ ಮುದ್ರಾ ಸಾಲಕ್ಕೆ ಅರ್ಜಿ ಸಲ್ಲಿಸಲು ಬಯಸುವವರು ಎಸ್‌ಬಿಐನಲ್ಲಿ ಖಾತೆಯನ್ನ ಹೊಂದಿರಬೇಕು.
* ಅರ್ಜಿದಾರರು ಕನಿಷ್ಠ 6 ತಿಂಗಳ ಕಾಲ SBIಯಲ್ಲಿ ಖಾತೆಯನ್ನ (ಕರೆಂಟ್ ಅಥವಾ ಉಳಿತಾಯ) ತೆರೆದಿರಬೇಕು.
* ಆಕಾಂಕ್ಷಿಗಳು ಉತ್ಪಾದನೆ ಅಥವಾ ಸೇವಾ ವಲಯದಲ್ಲಿ ಕೆಲಸ ಮಾಡುತ್ತಿರಬೇಕು.
* ಅರ್ಜಿದಾರರು ಪ್ರಸ್ತುತ ಮನೆಯಲ್ಲಿ ಕನಿಷ್ಠ ಎರಡು ವರ್ಷಗಳ ಕಾಲ ವಾಸಿಸುತ್ತಿರಬೇಕು.

ಮುದ್ರಾ ಸಾಲಕ್ಕೆ ಯಾವ ದಾಖಲೆಗಳು ಅಗತ್ಯವಿದೆ.?
* ಸಾಲ ಬಯಸುವ ವ್ಯಕ್ತಿಗೆ ಆಧಾರ್ ಕಾರ್ಡ್
* ನಿವಾಸದ ಪುರಾವೆ
* ಜಾತಿ ಪ್ರಮಾಣ ಪತ್ರ
* GST ನೋಂದಣಿ ಪ್ರಮಾಣಪತ್ರ
* ವ್ಯಾಪಾರ ಸ್ಥಾಪನೆಯ ಪ್ರಮಾಣಪತ್ರ
* ಭರ್ತಿ ಮಾಡಿದ ಅರ್ಜಿ ನಮೂನೆಯಲ್ಲಿ ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ

ಎಷ್ಟು ಸಾಲ ನೀಡಲಾಗುವುದು.?
* ಮುದ್ರಾ ಸಾಲದ ಅರ್ಜಿದಾರರಿಗೆ 50 ಸಾವಿರದವರೆಗೆ ತ್ವರಿತ ಸಾಲ ನೀಡಲಾಗುತ್ತದೆ.
* ಗರಿಷ್ಠ 10 ಲಕ್ಷ ರೂ.ವರೆಗೆ ಸಾಲ ನೀಡಲು ಅವಕಾಶವಿದೆ.
* 50 ಸಾವಿರದೊಳಗಿನ ಸಾಲಕ್ಕಾಗಿ ಅರ್ಜಿದಾರರು ಆನ್‌ಲೈನ್‌ನಲ್ಲಿ ಮನೆಯಲ್ಲಿಯೇ ಅರ್ಜಿ ಸಲ್ಲಿಸಬಹುದು.
* ನಿಮಗೆ 50 ಸಾವಿರಕ್ಕಿಂತ ಹೆಚ್ಚಿನ ಸಾಲದ ಅಗತ್ಯವಿದ್ದರೆ, ನೀವು ಹತ್ತಿರದ ಎಸ್‌ಬಿಐ ಶಾಖೆಗೆ ಭೇಟಿ ನೀಡಿ ವಿವರಗಳನ್ನ ಸಲ್ಲಿಸಬೇಕು.

ಅರ್ಜಿ ಸಲ್ಲಿಸುವುದು ಹೇಗೆ..?
* ಮುದ್ರಾ ಸಾಲಕ್ಕೆ ಅರ್ಜಿ ಸಲ್ಲಿಸಲು ಎಸ್‌ಬಿಐನ ಅಧಿಕೃತ ವೆಬ್‌ಸೈಟ್ emudra.sbi.co.in ಗೆ ಭೇಟಿ ನೀಡಬೇಕು.
* ಈಗ ಮುಖಪುಟದಲ್ಲಿ “ಇ-ಮುದ್ರಾಗಾಗಿ ಮುಂದುವರಿಯಿರಿ” ಆಯ್ಕೆಯನ್ನು ಕ್ಲಿಕ್ ಮಾಡಿ.
* ನಿಯಮಗಳನ್ನ ಎಚ್ಚರಿಕೆಯಿಂದ ಓದಿದ ನಂತರ “ಸರಿ” ಬಟನ್ ಕ್ಲಿಕ್ ಮಾಡಿ.
* ನಂತರ ಫಾರ್ಮ್ ಪರದೆಯ ಮೇಲೆ ತೆರೆಯುತ್ತದೆ. ಇಲ್ಲಿ ನೀವು ಮೊಬೈಲ್ ಸಂಖ್ಯೆ, ಎಸ್‌ಬಿಐ ಖಾತೆ ಸಂಖ್ಯೆ ಮತ್ತು ನಿಮಗೆ ಅಗತ್ಯವಿರುವ ಸಾಲದ ಮೊತ್ತವನ್ನ ನಮೂದಿಸಬೇಕು.
* ಮಾಹಿತಿಯನ್ನ ಭರ್ತಿ ಮಾಡಿದ ನಂತರ “ಮುಂದುವರಿಯಿರಿ” ಕ್ಲಿಕ್ ಮಾಡಿ.
* ಈಗ ಪರದೆಯು ವೈಯಕ್ತಿಕ ಮಾಹಿತಿಯನ್ನ ತುಂಬಲು ಕೇಳುತ್ತದೆ. ಮಾಹಿತಿಯನ್ನ ಭರ್ತಿ ಮಾಡಿ ಮತ್ತು ಕೇಳಲಾದ ಅರ್ಹತಾ ದಾಖಲೆಗಳ ಸ್ಕ್ಯಾನ್ ಮಾಡಿದ ಪ್ರತಿಯನ್ನ ಅಪ್‌ಲೋಡ್ ಮಾಡಿ.
* ಅದರ ನಂತರ ಆಧಾರ್ ಸಂಖ್ಯೆಯನ್ನ ನಮೂದಿಸಿ ಮತ್ತು ಷರತ್ತುಗಳನ್ನ ಒಪ್ಪಿಕೊಳ್ಳಿ.
* ಈಗ ನಿಮ್ಮ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ. ಅದನ್ನ ನಮೂದಿಸಿದ ನಂತ್ರ ನಿಮ್ಮ ಮುದ್ರಾ ಲೋನ್ ಅಪ್ಲಿಕೇಶನ್ ಪ್ರಕ್ರಿಯೆಯು ಪೂರ್ಣಗೊಂಡಿದೆ.