ಇನ್ಮುಂದೆ ಕನ್ನಡ ಸೇರಿದಂತೆ ಈ ಪ್ರಾದೇಶಿಕ ಭಾಷೆಯಲ್ಲೂ ಪಡೆಯಬಹುದು ಫೋನ್​ ಪೇ ಪೇಮೆಂಟ್​ ನೋಟಿಫಿಕೇಶನ್​

ಈ ಹಿಂದೆ ವ್ಯಾಪಾರಿಗಳಿಗೆ ಗ್ರಾಹಕರ ಪೇಮೆಂಟ್​ ಇತಿಹಾಸವನ್ನು ಸುಲಭವಾಗಿ ತಿಳಿಯುವ ಉದ್ದೇಶದಿಂದ ಪಾವತಿ ಕುರಿತು ಸ್ಮಾರ್ಟ್​ ಸ್ಪೀಕರ್​ ನೋಟಿಫಿಕೇಶನ್​ ಅನ್ನು ಪರಿಚಯಿಸಿತು. ಇಷ್ಟು ದಿನ ಇಂಗ್ಲಿಷ್​ನಲ್ಲಿ ಈ ನೋಟಿಫಿಕೇಶನ್​ ಧ್ವನಿ ಕೇಳಿ ಬರುತ್ತಿತ್ತು. ಆದರೆ, ಇದೀಗ ಪ್ರಾದೇಶಿಕ ಭಾಷೆಗಳಲ್ಲೂ ಪರಿಚಯಿಸಿದೆ.

ಈ ಸ್ಮಾರ್ಟ್​ ಸ್ಪೀಕರ್​ ಇನ್ಮುಂದೆ ಹಣದ ವಾಹಿವಾಟಿನ ಮಾಹಿತಿಯನ್ನು ಕನ್ನಡ, ತಮಿಳು, ಮಲಯಾಳಂ, ತೆಲುಗಿನಲ್ಲಿ ನೀಡಲು ಸಿದ್ಧವಾಗಿದೆ. ಶೀಘ್ರದಲ್ಲೇ ಮರಾಠಿ ಸೇರಿದಂತೆ ಇನ್ನಿತರ ಪ್ರಾದೇಶಿಕ ಭಾಷೆಗಳಲ್ಲಿ ಬಿಡುಗಡೆ ಮಾಡುವ ಸಿದ್ಧತೆಯನ್ನು ಕಂಪನಿ ನಡೆಸಿದೆ.

ವರ್ನಾಕ್ಯುಲರ್​(ಭಾಷೆ) ವಾಯ್ಸ್​ ನೋಟಿಫಿಕೇಶನ್ ಮೂಲಕ ಇದೀಗ ವ್ಯಾಪಾರಿಗಳು ತಮ್ಮ ಗ್ರಾಹಕರ ಹಣದ ವಹಿವಾಟಿನ ಮಾಹಿತಿಯನ್ನು ತಮ್ಮ ಭಾಷೆಗಳಲ್ಲಿ ಪಡೆಯುವ ಆಯ್ಕೆಯನ್ನು ಆರಿಸಿಕೊಳ್ಳಬಹುದು. ಇದರಿಂದ ಅವರು ಪೇಮೆಂಟ್​ ಕುರಿತಾದ ವಿವರಗಳ ಧೃಢೀಕರಣಕ್ಕೆ ಗ್ರಾಹಕರ ಸ್ಕ್ರೀನ್​ ನಲ್ಲಿ ನೋಡುವ ಅವಶ್ಯಕತೆ ಎದುರಾಗುವುದಿಲ್ಲ. ಜೊತೆಗೆ ತಮ್ಮ ಭಾಷೆಗಳಲ್ಲೇ ಕೇಳುವುದರಿಂದ ಅವರಿಗೆ ಮತ್ತಷ್ಟು ಖಾತ್ರಿ ದೊರಕಲಿದೆ ಎಂದು ಸಂಸ್ಥೆ ತಿಳಿಸಿದೆ.

ಸದ್ಯ ಈ ಪೋನ್​ ಪೇ ಸ್ಮಾರ್ಟ್​ ಸ್ಪೀಕರ್​ ಭಾರತದ ಉದ್ಯಮದಲ್ಲಿ ಹೆಚ್ಚು ಮನ್ನಣೆ ಪಡೆದಿದ್ದು, ವ್ಯಾಪಾರಿಗಳು ಶೇ 90ರರಷ್ಟು ಬಳಕೆ ಮಾಡುತ್ತಿದ್ದಾರೆ. ಇದೀಗ ಭಾಷೆಗಳ ಸೌಲಭ್ಯ ಮತ್ತಷ್ಟು ವ್ಯಾಪಾರಿಗಳನ್ನು ಸೆಳೆಯಲಿದೆ. ವ್ಯಾಪಾರಿಗಳು ತಮ್ಮ ಬ್ಯುಸಿನೆಸ್​ ಆಪ್​​ ಮೂಲಕ ಯಾವುದೇ ಹೆಚ್ಚುವರಿ ಪಾವತಿ ಇಲ್ಲದೇ ಈ ಭಾಷಾ ಸೌಲಭ್ಯದ ಸೆಟ್ಟಿಂಗ್​​ ಪಡೆಯಬಹುದಾಗಿದೆ.

ಹೀಗೆ ಸೆಟ್​ ಮಾಡಿ: ಇನ್ನು ವ್ಯಾಪಾರಿಗಳು ಹೇಗೆ ಈ ಪ್ರಾದೇಶಿಕ ಭಾಷಾ ಆಯ್ಕೆಯನ್ನು ಈ ಫೋನ್​ ಪೇ ಸ್ಮಾರ್ಟ್​ ಸ್ಪೀಕರ್​ನಲ್ಲಿ ಪಡೆಯಬಹುದು ಎಂಬುದರ ಕುರಿತು ಸುಲಭ ಸೂಚನೆಗಳು ಇಲ್ಲಿವೆ.

ವ್ಯಾಪಾರಿಗಳು ತಮ್ಮ ಫೋನ್​ಪೇ ಬ್ಯುಸಿನೆಸ್​ ಆಯಪ್ ಅನ್ನು ತೆರೆಯಬೇಕು, ಇಲ್ಲಿ ಹೋಂ ಸ್ಕ್ರೀನ್​ನ ಸ್ಮಾರ್ಟ್​ ಸ್ಪೀಕರ್​ ಸೆಕ್ಷನ್​ಗೆ ಭೇಟಿ ನೀಡಿ, ಅಲ್ಲಿ ಲಾಕ್ವೆಜ್​ ಬಾರ್​ನಲ್ಲಿ ನಿಮಗೆ ಬೇಕಾದ ಭಾಷೆಯನ್ನು ಆಯ್ಕೆ ಮಾಡಬಹುದು. ನೀವು ಆಯ್ಕೆ ಮಾಡಿದ ಭಾಷೆ ಸ್ಮಾರ್ಟ್​ ಸ್ಪೀಕರ್​ ಸಾಧನದಲ್ಲಿ ಡೌನ್​ಲೋಡ್​ ಆಗಲಿದ್ದು, ಈ ಸಾಧನವೂ ಹೊಸ ಅಪ್​ಡೇಟ್​ ಭಾಷೆಯೊಂದಿಗೆ ರೀಬೂಟ್​​ ಆಗುತ್ತದೆ.