ಡಿಕೆಎಸ್​ ಎಂದೂ ಪರ್ಸಂಟೇಜ್ ರಾಜಕಾರಣಿ ಅಲ್ಲ- ಉಗ್ರಪ್ಪ ಯೂಟರ್ನ್​

ಬೆಂಗಳೂರು: ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಪರ್ಸಂಟೇಜ್ ರಾಜಕಾರಣಿ ಅಲ್ಲ ಅನ್ನೋ ಮೂಲಕ ಮಾಜಿ ಸಂಸದ ವಿಎಸ್​ ಉಗ್ರಪ್ಪ ಯೂಟರ್ನ್​ ಹೊಡೆದಿದ್ದಾರೆ. ಕೆಪಿಸಿಸಿ ಕಚೇರಿಯಲ್ಲಿ ಇತ್ತೀಚೆಗೆ ನಡೆದ ಚರ್ಚೆಯೊಂದು ರಾಜ್ಯ ರಾಜಕೀಯದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಕೆಪಿಸಿಸಿ ಮಾಧ್ಯಮ ಸಂಯೋಜಕ ಸಲೀಂ ಹಾಗೂ ಮಾಜಿ ಸಂಸದ ಉಗ್ರಪ್ಪ ನಡುವೆ ನಡೆದ ಸಂಭಾಷಣೆಯಲ್ಲಿ ಡಿ.ಕೆ.ಶಿವಕುಮಾರ್​, ‘ಕಲೆಕ್ಷನ್ ಗಿರಾಕಿ’ ಎಂದು ಸಲೀಂ ಹೇಳಿದ್ದರು. ಈ ವಿಚಾರ ಮಾಧ್ಯಮಗಳಲ್ಲಿ ಪ್ರಸಾರ ಆಗುತ್ತಿದ್ದಂತೆ ಮಾಜಿ ಸಂಸದ ವಿಎಸ್ ಉಗ್ರಪ್ಪ ಸುದ್ದಿಗೋಷ್ಠಿ ನಡೆಸಿ ಸ್ಪಷ್ಟನೆ ನಿಡುವ ಪ್ರಯತ್ನ ಮಾಡಿದರು.

ಉಗ್ರಪ್ಪ ಹೇಳಿದ್ದೇನು..?

• ಕಾಂಗ್ರೆಸ್​ನಲ್ಲಿ ಯಾವುದೇ ಗುಂಪುಗಾರಿಕೆ ಇಲ್ಲ, ಕಾಂಗ್ರೆಸ್​ ಒಂದೇ
• ಡಿಕೆಎಸ್​, ಶಿವಕುಮಾರ್, ಖರ್ಗೆ, ಪರಮೇಶ್ವರ್​ ಎಲ್ಲರೂ ಒಗ್ಗಟ್ಟಿನಿಂದ ಇದೆ, ಮತ್ತೆ ಅಧಿಕಾರಕ್ಕೆ ತರುವ ಪ್ರಯತ್ನ ನಡೆಯುತ್ತಿದೆ
• ಶಿವಕುಮಾರ್ ಅವರು ಅತ್ಯಂತ ಕ್ರಿಯಾಶೀಲ, ಜನಪರವಾದ ರಾಜಕಾರಣಿ. ರೈತ ಕುಟುಂಬಂದಿಂದ ಹುಟ್ಟಿ, ರಾಜ್ಯದ ನಾಯಕರಾಗಿ ಹೊರಹೊಮ್ಮಿದ್ದಾರೆ.
• ಸುದ್ದಿಗೋಷ್ಠಿ ನಡೆಸಬೇಕಾದರೆ ನನ್ನ ಕಿವಿಯಲ್ಲಿ ಒಂದಿಷ್ಟು ಗುಣುಗಿದರು.
• ಜಲಸಂಪನ್ಮೂಲ ಇಲಾಖೆಯಲ್ಲಿ ನಡೆಯುತ್ತಿರುವ ಹಗರಣದ ಬಗ್ಗೆ ಮಾತನಾಡಿದು. ಅದು ಕೂಡ ಜನ ಮಾತನಾಡುತ್ತಿದ್ದಾರೆ ಎಂದು ಹೇಳಿದ್ದು
• ಸುದ್ದಿಗೋಷ್ಠಿ ಮುಗಿದ ಬಳಿಕ ಅವರಿಗೆ ಡೀಟೇಲ್ಸ್ ಆಗಿ ಹೇಳಿದ್ದೇನೆ.. ಡಿಕೆಎಸ್ ಉತ್ತಮ ಆಡಳಿತಗಾರರು, ಅವರು ಏನಾದರೂ ಆಸ್ತಿಗಳಿದ್ರೆ ರಾಜಕಾರಣದಿಂದ ಅಲ್ಲ. ಅವರ ವಹಿವಾಟು, ವ್ಯಾಪಾರದಿಂದ ಅಲ್ಲ
• ಡಿಕೆಎಸ್​ ಎಂದೂ ಪರ್ಸಂಟೇಜ್ ರಾಜಕಾರಣಿ ಅಲ್ಲ