ಕೊಪ್ಪಳದಲ್ಲಿ ಕಾಂಗ್ರೆಸ್​ಗೆ ಬಲ, ಕಮಲಕ್ಕಿಲ್ಲ ಸ್ಪಷ್ಟ ಗರಿ: ಜೆಡಿಎಸ್- ಪಕ್ಷೇತರರೇ ನಿರ್ಣಾಯಕ

ಕೈ-ಕಮಲ‌ ಸಮಬಲ ಸಾಧಿಸಿದ್ದು,

ಜೆಡಿಎಸ್ ನಿರ್ಣಾಯಕ ಪಾತ್ರವಹಿಸಲಿದೆ. ಭಾಗ್ಯನಗರ ಪಟ್ಟಣದ 19 ಸ್ಥಾನಗಳಲ್ಲಿ ಕಾಂಗ್ರೆಸ್-8, ಬಿಜೆಪಿ-9, ಇಬ್ಬರು ಪಕ್ಷೇತರರು ಗೆದ್ದಿದ್ದಾರೆ. ಬಿಜೆಪಿ ಹೆಚ್ಚು ಸ್ಥಾನ ಬಪಡೆದರೂ ಬಹುಮತಕ್ಕೆ ಒಂದು ಸ್ಥಾನ ಕೊರತೆಯಿದ್ದು, ಪಕ್ಷೇತರರು ನಿರ್ಣಾಯಕರಾಗಲಿದ್ದಾರೆ‌.

ಕನಕಗಿರಿ ಪಪಂನ 17 ಸ್ಥಾನಗಳಲ್ಲಿ ಕಾಂಗ್ರೆಸ್- 12, ಬಿಜೆಪಿ-5 ಸ್ಥಾನ ಪಡೆದಿದ್ದು, ಕಾಂಗ್ರೆಸ್​ಗೆ ಸರಳ ಬಹುಮತ ದೊರೆತಿದೆ. ಉಸ್ತುವಾರಿ ಸಚಿವ ಹಾಲಪ್ಪ ಆಚಾರ್ ಸ್ವಕ್ಷೇತ್ರ ಕುಕನೂರು ಪಪಂನ 19 ಸ್ಥಾನಗಳಲ್ಲಿ ಕಾಂಗ್ರೆಸ್- 10 ಸ್ಥಾನ ಪಡೆದರೆ, ಬಿಜೆಪಿ- 9 ಸ್ಥಾನ ಪಡೆದಿದ್ದು, ಸಚಿವರಿಗೆ ಮುಖಭಂಗವಾಗಿದೆ. ಕಾಂಗ್ರೆಸ್​ಗೆ ಸರಳ ಬಹುಮತ ಒಲಿದಿದೆ. ತಾವರಗೇರಾ ಪಪಂನಲ್ಲಿ ಕಾಂಗ್ರೆಸ್-8, ಬಿಜೆಪಿ- 7, ಮೂವರು ಪಕ್ಷೇತರರು ಗೆಲುವು ‌ಸಾಧಿಸಿದ್ದಾರೆ. ಇಲ್ಲಿಯೂ ಅತಂತ್ರ ಸ್ಥಿತಿ ನಿರ್ಮಾಣವಾಗಿದ್ದು, ಪಕ್ಷೇತರರು ನಿರ್ಣಾಯಕರಾಗಲಿದ್ದಾರೆ.

ಒಟ್ಟಾರೆ 96 ಸ್ಥಾನಗಳಲ್ಲಿ 49 ಸ್ಥಾನ ಪಡೆವ ಮೂಲಕ ಕಾಂಗ್ರೆಸ್​ಗೆ ಮುನ್ನಡೆಯಾಗಿದೆ. ಬಿಜೆಪಿ 41 ಸ್ಥಾನ ಪಡೆದು ಎರಡನೇ ಸ್ಥಾನಕ್ಕಿಳಿದರೆ, ಜೆಡಿಎಸ್ ಒಂದು ಹಾಗೂ ಪಕ್ಷೇತರರು ಐದು ಸ್ಥಾನ ಪಡೆದಿರುವುದು ವಿಶೇಷ.